Philippiens 3:19 - New Testament in Mitsogo

¹⁹ Ekôdéô éaô te gébunganéô. Saô gémba te aakagane. Anyemôga gôékuméda mabégô mayanzangô matsoyi. Matasa maô metso te gô mane matsengene.

Philippiens 3:19 ပူးပေါင်းရင်းမြစ်များ

Matthieu 16:23

Ivô Jésus amanikéda miso na amakangéa Pierre mbe: Nôtôga na gôdagôda n’ami Satan. Onyôngéô ébôméda me gôéénda ébégô ébévani. Ewe ôsatasa éne ényôngéô Nzambé. Otasa te éne ényôngéô oma.

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

LUC TSANGO EAMOSOBA EMATENDA 12:19

Na me nangavovo na gédidi sami mbe: ôdôngi. Me nandé n’okiti amipuma miyekani. Nadigaa. Naaka. Nanyua. Natsôkéa.

LUC TSANGO EAMOSOBA EMATENDA 16:19

Vamaba gékiti. Amaataka maduani mokumaka. Minya mietso amaaka te ga sueti. Asibuté ta na sôma.

LUC TSANGO EAMOSOBA EMATENDA 18:4

Ndéô diyekani dimoota, gévovige asinyôngéô ésiséda môdudeone buéyé gamaviga môgeto nône kuka yetso. Gévovi amatasa gô môtémedi mbe: Me tseena Nzambé gomo. Me tsaba n’egobeda éoma.

Romains 16:18

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

Romains 6:21

?Tsoongo ndé gô mabégôme matsoyi mayanzanye-a? Ekôdéô éamangô te ôwa.

I Corinthiens 3:3

Endé te nane gôébégô anye nôgédigaaka gadigaa oma atsengene ahsavamba na Nzambé. Gô ngusune eendanye na gô masaganédame meendanye nôtubéda mbe, tôndé oma atsengene na tôénda mônongovo geenda oma muetso, ane ahsavamba na Nzambé. ?Ene te kuanakue‐a?

I Corinthiens 5:2

Na vane nôboa nyemo anyene mbe: Tônyepa. ?Tambô nôsamenya mbe ébégôe éne gôndé anye te éatsoyi‐a? Na mômôgôô nône ayanza nane, buedi mbe apatsô va gatse anyô.

I Corinthiens 5:6

?Anye nônyemôga nayee? Nôsabômu tsavane égunyu mbe, vipesu viamibie vialevure vigésu gô môpemba viaahndéda mipemba miyekani.

II Corinthiens 11:12

Mane meenda me tsangatsika mangô. Neenda mangô gôékitsa makôdô mane adigaa n’anyô wene mônongo na aakuméda anguene akanéga mbe: We te eekédi ga Paul.

II Corinthiens 11:15

Tambô na ayanzi edi eenda te mônongovo, ahngô abévani akanéga mane mamisôba. Esaba ébégô éatsapéô. V’ekôdéô angeetsô kuanakue n’ene éyanzahngô.

Galatie 6:13

Omeaa andé na gésima segeetu anguene asagobeda mige na mitôma miaNzambé. Abuta énôgeeteda ahngô ahkiaka anyemôga anguene mbe: Te we tôétsédi ahngô gémbégéa gô yôtô taô.

Philippiens 2:21

Akasô muetso akebangana te mane manguene matévo, kaka mane maJésus‐Christ.

Colosses 3:2

Pangani étasa gô mane mag’ôba kaka mane matsengene.

II Thessaloniciens 1:9

Gésisédéôge géngeetsô ahngô te gébunganéô gésakôdéakani géngadigaahngô gôdagôda na Kumu. Asangavamba na ngudi yedi. Asangeena ôbébayi ôtubéda ôndômba aNzambé.

II Thessaloniciens 2:12

Vane muetso ane asiitsé mitéma miaô gô mane mapie, ivô ameena gényônga gôétsôkéa mane mabévani, angakea gôébungana.

II Thessaloniciens 2:8

Vane te vangatsutsuga Môbévine. Ivô Kumu Jésus angamôyôha gô ngudi yamodie ôkusa gô mônyedi. Angamôbunganéda gô ngudi yobébayi agévigéô sedi.

I Timothée 6:5

T’ebandô pagaye yaô disakôdéa, gôébégô mitéma miaô mindé mimayungani na misamenya mabégô mapie. Ahngô amenya mbe môma agobeda Nzambé te gôédiia ôkitie.

II Timothée 3:4

Angaba asi gévééa na buembe. Asangasinga ndongi. Angakaaô na bôpeeo. Angootéa ényôngéô migangu miatsengene na asanganyôngéô mane mamuene Nzambé.

Jacques 4:16

Ivô anye nôndé na nyemo na nôtsokima anyene. Nyemoye dine dindé dibévani.

II Pierre 2:1

Va mbeego va gatse ambumu éaNzambé vamabaka eekédi adiboe. Te mônongovo va gatse anyô vangaba eekédi adiboe. Ahngô ahtsongonéda meekédume mooboe gôébunza mane mapie. N’ahngô ahkina Môékédi môvôni ône amooboo ahngô. Eekédi adiboe ahngakudungana anguene gôébungana tsina na tsina.

II Pierre 2:13

Maguga matubédahngô akaô, anguene ahngavéndu mangô. Eekédi adiboe eena gényônga gôédeekeda yôtô yaô gô tsôvé yetso dibévani n’omanda ôvénza. Te ebégô évôni éatsoyi vadenganô ahngô gô suetiye yanyô. Gô buembe waô ahtsôkéa.

II Pierre 2:3

G’ônzôô waô adiiaga ahngavooto anye na meekédu maô mooboe mavakangô, buta mbe ahngô ahtsôbôga vakambi ahngô. Môtsundédi aô andé va magô bandôa va mbeego. Môbunganédi aô andé ti gôévéngéa ahngô.

Jude 1:10

Ivô amôgôôe adeo noo ane, abuanya metso masanigôgéô ahngô te buanyaga. Agono na nyama yagô pindi dinda minongomie miaô mimeekaganô n’ahngô. Na miangô mikeda ahngô na gôébungana.

Jude 1:16

Amôgôôe ane agiangana kuka yetso na asanyôngéô buéyé n’ene éamôsôba. Adigaa te gô manyima maô mabévani. Ahnyemôga anguene. Andé n’enyepa éamiônya gôévooto oma buta mbe anguene ahdiia sôma.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.

Gétsutsuéô 18:7

Okana amaguga na panda dingeetsanye angô te ngu na ôkana okiti na ôkumaka ômabaka n’edi. Môsengee ône ômabaka ga môma gôétanganéda gô môtémedi mbe: Me nadigaa éva gadigaa môtômi atsenge g’ôkumaka edi. Me kaka môkué. Me tsangoongôa édéa môéngé na édigaa na kebo.

Gétsutsuéô 19:20

Gényamanyamage gématsôpu. Na môékédi adiboe dôta, ône amayanza étsutsuku va miso maGényamanyamage, ahmatsopu (Bangôani mbe te gô étsutsukue éedi amabôméda omee amasinga éetsô ndémbone éaGényamanyamage na amaneegeda gégoni sedi.) Gényamanyamage na môékédine adiboe amagungyu adônga na gô mungu asoto gôkusa mbônga éangôté éndé na tsokida.

Gétsutsuéô 21:8

Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.

Gétsutsuéô 22:15

Ane asangeengéa gô môsenge na ahngaba gô mbadi, te oma asagô na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.