Philippiens 3:11 - New Testament in Mitsogo

¹¹ Vane naténdéda mbe nangakunduu dôta g’ôwa gamakunduu angô.

Philippiens 3:11 ပူးပေါင်းရင်းမြစ်များ

LUC TSANGO EAMOSOBA EMATENDA 14:14

Ti gô gényônga géngaba n’ewe gôébégô ane ayeeyi môambôe woo asangagônikédéa ta na sôma gévo. Ivô te Nzambé angagônikédéani gô nyee ôngakunduga ane amawani amayanzéa Nzambé ganyôngéô angô.

Jean 11:24

Marthe amasinga mbe: Ii, na gô pie. Tsabômu mbe angatimôga g’ôwa gô ndéône éamôyusumédu éngakunduga oma muetso.

Mayanzame 23:6

Paul asibômu mbe asi kundu épôni éAjuif amabaka éômbé ébaé. Egé gésa te Asadducéen. Egé gésa dôta Apharisien. Na amavovo n’ahngô mbe: Ana aTétee n’ami. Me dôta te Môpharisien. Téta te Môpharisien. ?Tambô anye nôtsundéda me te gôténdéda me gékundugéôge sowa-a?

Mayanzame 26:7

Mabôta metso maIsraël, tôndé nzima na mabôta mabaé, maténdéda éne évigani émavangana Nzambé va mbeego mbe éngaba te nane. Gôténdéda we tôyanzéa Nzambé na pitsi n’omanda na géviovio. Ewe Agrippa môtômi môvôni, menya mbe Ajuif atsundéda me te gô éne éténdéda me éne.

Mayanzame 27:12

Ehbôngô ésinyepe gôédigaa pitsi diyekani gôémangôa ndéône nyetso éasodi wangô. T’ebandô asi môtôôe amanyôngéô énôtôga vangô gôékea na gô Phénix. Phénix te éhbôngô éndé gô Crète gésa gédôngu gôpénda kômbéne. Te tungune ényepa gô ndéône éasodi.

Romains 11:14

Me nanyôngéô ényiméda asi éongoe yami gômbe angabuta éba mônongovo gandé ane asaba Ajuif.

I Corinthiens 15:23

Ivô ékundugéôe éndé gô ngéko na ngéko. Mapangame te amuene Christ. Va ngimedi te wa n’anyô oma aJésus‐Christ gô ndéône énganikangô na gô tsina.

I Corinthiens 9:22

Vadigaa me va gatse ane madeo asisipa buedi gô mabégô maNzambé, éndé te nane. Me nawanyéda moonga na oma muetso gômbe gô minongo mietso miôngôa me éyanza va gatse aô, avo angawesedu na gôndé Nzambé.

I Corinthiens 9:27

Natôma ôtôe wami gôéyanzéda angô ganyôngéô me gôéekaganédu angô. Neenda nane kabaga me môékédi aNzambé, nakuba gô mane meekédi me anye mbe: Nôwema, nômbiakuba gô mangô.

II Corinthiens 11:3

Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

1 Thessaloniciens 3:5

T’ebandô tsiôngôé ésipa géôkô tsangô yanyô. Na te gamanôkudégéa me Timothée gôéôkô gasipanye gô nzéa éaJésus émeetsanye mitémamie. Namakebangana mbe mavooe yabédé amanôkuéséda, na éyanzee éami kabaga éba éagébé na tsoongo va gatse anyô.

II Thessaloniciens 2:3

Nômbiasinga môma anôbôméda nane. Menyani mbe ndéône éagénikéô saKumu ésangabuéa buétsé te gékékôéô gévôni samabégô mamisôba gépanga éenanô. Na buétsé te ône môbévani, kumu agébunganéô apanga étsutsuga.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Hébreux 11:35

Gômabaka ageto ameetsa Nzambé mitéma miaô mietso gétsumé ngudi yedi paga. N’ahngô ameena omee waô ahkunduga g’ôwa gôénikéa édigaa n’ahngô. Oma ayekani amayôhu gômavambangô môtémovo na Nzambé. Adudeoe waô amatséva n’ahngô gatséva nzotsi na tanga, ivô oma aNzambé asinzeegede ina aNzambé buta mbe akusédu gô panda. Amasinga gôéyôhu mbe akea na gô wene monyo amôsôba.

Gétsutsuéô 20:5

(Gékundugéô samapanga te gôndé ane amayôhu gô gékuanô.) Géé gôndé avo amawani angavengéa ngu na vangoota môtônisa amipuma.