Philippiens 3:1 - New Testament in Mitsogo

¹ Deo noo ana aTétee n’ami, tsôkéakani gô éne émayanzéa Kumu Jésus anye. Me tseena panda na tsagogo énôomba ébeenda éne émamana me étenda kuka éamapanga. Gôndé anye ényepa gôéomba ébeendu.

Philippiens 3:1 ပူးပေါင်းရင်းမြစ်များ

Matthieu 5:12

Tsôkéani na gényônga gévôni gôébégô nôngadiia misenda g’ôba. Va mbeego anye madeo nôsibôtu apandôédi amatasa maNzambé amakuanô te nane.

LUC TSANGO EAMOSOBA EMATENDA 1:47

Môtémami ôyôa na gényônga gôébégô éaNzambé Mooboyi ami.

Romains 5:11

Na ésakôdéa na mane. Wa n’anyô tôtsôkéa Nzambé gô ina aKumu asô n’anyô Jésus-Christ, ône amatôvambéda na Nzambé.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

Ephésiens 6:10

Endé te nane. Butani édiia ngudi yanyô gô ngudi dipôni yaKumu Jésus na gô évamba éndé anye n’edi.

Philippiens 3:3

Gégeetéôge saô kaka géne sapie. Géne sapie te géne sasô n’anyô tôseetsa mitémamie gô ésôgee na gô ésimee éotô. Tôtsôkéa te Jésus‐Christ na tôyanzéa Nzambé gô ngudi yaGédidi sedi.

Philippiens 4:4

Gô ndéô yetso tsôkéakani gô éne éyanzéa Kumu Jésus wa n’anyô. Noomba énôtôma mbe: Tsôkéakani.

Philippiens 4:8

Endé te nane, ana aTétee. Bakani matasa manyô metso gô mane mamisôba na gô mane makumédu na Nzambé, na gô mane mapie, na mane meegoba, na mane metsimama, na mane mamagôgéani, na mane manyônganéôni na gô mane mandé kuanakue.

1 Thessaloniciens 4:1

Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.

1 Thessaloniciens 5:16

Tsôkéakani gô ndéô yetso.

Jacques 1:2

Ana aTétee agô mbumu éaNzambé vakanégu anye gô mabégô maminongo mietso, tsôkéakani na gényônga gévôni.

I Pierre 3:8

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.

II Pierre 3:1

Anami amôtéma, nôeni gésangô samôbaé génôtendéa me. Gô gésangô samapanga na samôbaé nabuta étimôa matasa meetsimama meedidi éanyô gô éne ébangôéda me anye.