Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Philippiens 2:9 - New Testament in Mitsogo

9 T’ebandô Nzambé amamôsangéga gôéba gô ngongo amuetso. Na amamôétsa ina éôtéa na miname metso mookanôni.

အခန်းကိုကြည့်ပါ။ ကော်ပီ




Philippiens 2:9
46 ပူးပေါင်းရင်းမြစ်များ  

Jésus amavovo mbe: Tétami amani édeekeda me mabégô metso. Gôsaba môma angoongôa émenya me, Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angatubédu Téta na me.


Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.


Jésus amavovo mbe: Téta amani édeekeda me mabégô metso. Gôsaba môma angoongôa émenya Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angeena Téta gô ngudi yami.


Amuene Jésus asibômu mbe: Me namatimôga g’ôba gôndé Nzambé gôéviga na gô tsina. Me nanganika na gôndé Nzambé. Eetsô éndéké gô tsina eenyangee émeetsô me na Nzambé.


Me nanôtôgi tsabadô gô tsengene, géé ahngô asinôtôga, agébaka gô tsengene. Me naviga te na gôndé éwe. Nagôduka Téta Nzambé, kenea ahngô gô ényangee éainee éoo, te ane ameetsewe me. Nanyôngéô mbe ahngô abé môvo gandé wa n’oo tôndé môvo.


Vamabaka me nagébaka n’ahngô, namakenea ahngô gô ényangee éainee éôô, te éne émeetsewe me. Nameebakanéda ahngô gôsibé ta na môvo amadimbanani. Buétsé te ône ameendô gô Matendeo moo mbe angakea te nane.


N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.


Nzambé amatômba angô na g’ôba na amamôdigéda va géeyo sedi gémôgôô. Ameetsa angô ényangee. Na ameenda angô mbe: Ewe te Mooboyi oma aIsraël mbe angakoa mitéma miaô gôésingéô kokoo gô ébévee éaô.


Amuene Nzambé angadugéda v’ekôdéô atsinane étasee éndé n’edi. Etasee éedi na nzéane yedi te mbe: Nangakôkanganéda mane mag’ôba metso na mane magô tsina metso g’ôtômu amôsi ényangee môvo, te Christ.


Gô mbumu éaNzambé, Christ te ébandô na môtsé ôtômani. Asi mbumu éedi te ôtô ôtômuni. Monyoe waô awene mônongo ôbandôa te na Christ. Angô te Muana ANzambé akuua. Angô te mapangame meekunduu g’ôwa. Te éne ébeenda mbe gô mabégô metso angô te mômbenee.


Vane, ina aKumu asô n’anyô Jésus ékumédu na éditédu n’anye. Anye dôta nôngakumédu n’edi gô mate mangeetsô anye na Nzambé na Kumu asô n’anyô Jésus‐Christ.


Vane Muana ANzambé ootéa pepe asi g’ôba ayanzi aNzambé, gô minongo mietso. Mienanô gômoogu angô na Tétedi mbe, Muana ANzambé. Asi g’ôba asiôgu ina évôni nane.


Onyôngéô éénda te mane mamatsimamani. Okina éénda ébévani. T’ebandô Nzambé, te Nzambé éoo, amagôsevoa. Môtémoo ômayôa na gényônga gô gédigaa soo sokumaka. Akoo asidigédu gô sangô.


Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.


Ivô tôena môvo, te Jésus amasugéa pesu andéô na gô tsina otômu asi g’ôba ayanzie aNzambé gôéwa gôndé oma muetso gô ngeba yaNzambé. Gô ndéô nedué tômôena abatédu na gô gédigaa sokumaka na sondômba, gôébégô éowa ôdagani ômawa angô gôndé oma.


Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.


We tômabaka vangô vameetsô angô na Téta Nzambé ôbébayi ôtubéda ôkumaka aNzambé. Tômadenganô vamookanô ôgi aKumu ondômba wetso ômavovo mbe: Odôô te Muanami amôtôma amiso. Namônyôngéô na nzoo na gô môtéma.


Endé te nane. Amatimôga amakea môtôôe gôéyanzéa Nzambé gésingé awedéô n’ane asagobeda Nzambé.


Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.


Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.


Inedi ématendu gô ngoyi edi na gô môtandedi. Ina ématendu te mbe: Kumu akumu yetso na Môtômi aatômie muetso.


Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.


Amatôa na gényônga gémootéani mbe: Môpanga Endombo ômayôhuni Te angô ôndé kuanakue gôéétsô ôtômue wetso, Na ôkitie wetso, na éodoe éetso, na ngudiye yetso, Na ôkumakee wetso, na ôndômbee wetso, na géneegage setso.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ