Philippiens 2:7 - New Testament in Mitsogo

⁷ Tambô amatsika amuene ényangee émabaka n’edi Na amaasugéda amuene gôéba môvéga. Amabongo gégoni samôma gôédigaa gadigaa môma.

Philippiens 2:7 ပူးပေါင်းရင်းမြစ်များ

Matthieu 12:18

Nzambé amavovo mbe: Bononi môyanzine amasevoa me. Angô te ône wami amôtôma amiso. Me namônyôngéô na nzoo na gô môtéma. Gédidi sami géndé n’edi. Angeevéda asi tsengeye yetso mônongoe ôngatsundéda me ahngô.

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

Marc 9:12

Jésus amaabéa mbe: Okô mbe éendéké gavovo anigôi amige mbe te Elie angapanga étsigani gôénikéa ékônza mabégô metso tambô ?nayee Matendeo MaNzambé mabeenda mbe me, Muana Amôma nangatubédu n’oma maguga mavôni na gékuanô?

LUC TSANGO EAMOSOBA EMATENDA 22:27

?Pene indaa? ?Te ône adigaa va tabudé vo, te ône atsua môyakôe-a? ?Kaka ône adigaa va tabudé-ma? Ivô bononi, me gôndé anye te ône anôétsa môyakô.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Romains 1:3

Tsangône te éne éaMuana ANzambé, kumu asô n’anyô Jésus-Christ. Bôkudue wedi gôndé oma tétedi te David, môtômi môvôni atsenge.

Romains 15:3

Jésus-Christ asidigee gô monyoe ava tsina gô gényônga samuene. Oôkôni éne étônigôu na Matendeo MaNzambé mbe: Matokime matokou éwe, mamaaga te gôndé me.

Romains 15:8

Bangôani mbe Christ amakou môyanzi aAjuif gôédugéda éne émavanga Nzambé na téteye yAjuif va mbeego. Te éne étôtubéda mbe Nzambé asapata.

Romains 8:3

Migemie mimatsikéô we na Moïse misibé na ngudi gôndé oma gamabôtu angô gôébégô ébéva éamitéma mioma émamiyungéda. Ene ésiôngôé mige éyanza, amuene Nzambé amayanza éangô. Amakudéga Muanedi amagono na wa n’anyô oma abévani gôétônôtôa ébévee éamitéma miasô n’anyô émabôtu na môma. Na ameeséda éangô.

II Corinthiens 13:4

Na gô pie amakoga vipôpéa gôékomedu va gésumu sowa. Ivô deo noo andé na monyo gô ngudi yaNzambé. Gô évambevo éndé wa n’anyô na Christ, na wa n’anyô dôta te tôpôpéa. Ivô deo tôndé na monyo ovo n’edi gô ngudi yaNzambé. Te gô ngudiye yedi we eekédi tôtôma anye.

II Corinthiens 8:9

Anye nôsabômu éne émeetsô wa n’anyô na Kumu Jésus‐Christ ôbiia. Amabaka gékiti. Amakoga môsuga te mbe wa n’anyô tôkoga ékiti.

Galatie 4:4

Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.

Philippiens 2:6

Bandôa v’ebandô, andéké ényangevo na Nzambé. Ivô asigényôga gôémenyanganô mbe Angô te môvo na Nzambé.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 13:3

Nômbieeba asi gô eba atsôgôô. Keneani ahngô ga te anyene nôndé gô eba atsôgôô ôdigaahngô. Nômbieeba ane andé gô tsina agékuanô, wedéani ahngô ti eembe te anye nôndé gô gékuanôge gédigaahngô.

Hébreux 4:15

Nômenya mbe ?Môsungene asô n’anyô asaba na wa n’anyô go maguga matôenani‐a? ?Na g’ômbuéa ôndé na wa n’anyô‐a? Kaka nane. Andéké na wa n’anyô. Na amuene amakanégu na yabédé gô mabégô metso makanégu wa n’anyô. Na angô asikuéé gôéénda ébégô ébévani.