Philippiens 2:6 - New Testament in Mitsogo

⁶ Bandôa v’ebandô, andéké ényangevo na Nzambé. Ivô asigényôga gôémenyanganô mbe Angô te môvo na Nzambé.

Philippiens 2:6 ပူးပေါင်းရင်းမြစ်များ

Matthieu 1:23

Tômbô madeo asigésangana na mômôgôô angatsua émé. Angabôta muanamômôgôô. Angamôôga mbe Emmanuel. (Evéndégéô mbe Nzambé andé n’asô n’anyô.)

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 10:30

Wa na Téta tôndé te môvo.

Jean 10:33

Ajuif amavovo n’edi mbe: We tôsabuta étuma éwe na mataé gô éyanza ééndewe éamôsôba. Tôdingôa mataéme te gôenza éwe Nzambé. Ewe ôndé te môma ?tambô ônyôngéô ékoga Nzambé-a?

Jean 10:38

Géé me, nayanza te mane manyôngéô Téta, n’anye nôgétsumaka me paga. Béyé gatsumanye me paga, singani mane meenanye me nayanza. Vane paga yanyô dinganôtôga. N’anye nôngamenya mbe na gô pie, Téta Nzambé andé môvo n’ami. Na me dôta nandé môvo n’edi.

Jean 14:28

Nômani éôkô éne émavovo me n’anye mbe me nakeyi, ivô nangoomba éviga na gôndé anye. Anye mbe nômanyôngéô me na gô pie, anye mbe nômatsôkéa na gényônga setso vookô anye mbe Jésus akea na gôndé Téta, gôébégô ngudi ya Téta diôtéa dine yami.

Jean 14:9

Jésus amanigôa angô mbe: G’eedigéa me n’anye, vadingi. ?Ewe Philippe madeo ôsimenya me-a? One ameena me, ameena na Téta. ?Nayee ôôngôa éénda me mbe tubéda we gandé Téta Nzambé?

Jean 17:5

N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.

Jean 20:28

Thomas amamôneegeda mbe: Ewe Kumu ami. Ewe te Nzambé ami.

Jean 5:18

Gô mavoviame mane, Ajuif amabuta gô minongo mietso gôéyôha Jésus. Ameena gôndé angô mabégô matatô. Amookuua môge anyee edunga. Na amamema mbe: Nzambé te téta. Na amabatéda amuene mbe: Wa na Nzambé tôndé ti môvo.

Jean 5:23

Endé te mbe oma muetso angagobeda Muanee mônongovo gagobeda oma Tétee. One asagobeda Muanee, asagobeda na Tétene, angô môtômine aMuanee.

Romains 9:5

Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

II Corinthiens 8:9

Anye nôsabômu éne émeetsô wa n’anyô na Kumu Jésus‐Christ ôbiia. Amabaka gékiti. Amakoga môsuga te mbe wa n’anyô tôkoga ékiti.

I Timothée 1:17

Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 1:6

Ivô gô ndéône émakudéga Nzambé Muanedi akuua na gô tsina amatôma asi g’ôba mbe: Anye ayanzi ami asi g’ôba muetso neegedani Muanami.

Hébreux 1:8

Na gôébégô éaMuanedi, Nzambé amavovo mbe: Ah Nzambé, gédigéô soo sokumaka géndéké samôbô na môbô. Otômue woo ôsapengana gatôma éwe na môtungee woo.

Hébreux 13:8

Jésus‐Christ asakoga. Gamabakangô va mbeego, te gandé angô deo noo, na te gangaba angô gô mbene môbô na môbô.

Gétsutsuéô 21:6

Na ôgie ômoomba évovo mbe: Eetso édimbani. Me navovoni te Alpha na Oméga, événdégéô mbe, v’ebandô ametso te me, na v’ekôdéô ametso te me. Me te mapangame. Me te môyusumédue. One ookô sôé nangamôétsa meba magéenza magô gétôka géétsa monyo.