Philippiens 2:30 - New Testament in Mitsogo

³⁰ Gôébégô amavétsô n’owa gôétsuéa me éne émabuta me, ésiôngôé anye étsua. Amabaka mbe awa gô gésoo saJésus‐Christ.

Philippiens 2:30 ပူးပေါင်းရင်းမြစ်များ

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Romains 16:4

Ahngô abaé amavétsu éwa gôéyuua me vamabaka me mbe nawa. Me nakuméda ahngô ti pepe, ivô kaka me môtévo, buéyé n’asi mbumu éaNzambé muetso gô tsengeye yetso ane asaba Ajuif akuméda ahngô mbe: Mbeka ahngô, we mbe tôsaba na Tsangô éaJésus.

I Corinthiens 15:53

Engaba te nane. Ene ébooni, éngakou éka éne ésabookoni. Ene éawaakaga, éngakou éka éne ésaviwaani.

I Corinthiens 16:10

Okô Timothée atsigi gôndé anye, keneani angô buedi. Wa n’edi tôndé te éyanza évo éaKumu Jésus.

I Corinthiens 16:17

Me natsôkéa gévigéô saStephanas na Fortunatus, na Achaïcus na gôndé me akasôgéda me ga te anye nôvigini.

II Corinthiens 12:15

Gôndé me nangeena buedi gôékaba éami eétso na gôndé anye. Nakabéyee béye na memuene muetso gôénôwedéa. Vangeenda me nane, ényôngéôe éami gôndé anye ébata te bataga, ivô éne éanyô gôndé me ésugéa te sugéa. ?Ebégôé éne ékegea nayee?

II Corinthiens 4:12

Endé te nane. Owa ôbénga we tôékédani te mbe monyoe ôngabénga anye nôékéduni.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

Philippiens 2:27

Na gô pie amabaka na beeaga éowa na monyo. Ivô Nzambé amamôena ngeba. Ivô kaka Epaphrodite amuene, ameena te na me ngeba mbe kabaga panda yami diomba ékôndama gôéwéô n’one abaki n’ami.

Philippiens 4:10

Gô ngudi yaKumu Jésus namookô gényônga gévôni gômawedéa anye me. Gô éne émeetsanye me, nômatubéda ganyôngéô anye me. Me tsangeenda mbe gô dipo ndéô nôsiôkô me tsôvé. Tsabômu mbe ndéône émabaka anye gékudégé me sôma te gôsibaké anye na sangô.

Philippiens 4:18

Menyani mbe namani édiia te éetso émakudéganye ne éndé éetso émadugani. Vavigi Epaphrodite n’atsatsee na éne émeetsanye ôbiia, tsabutadô sôma. Mane meetsanye ôbiia, magono na ôgondoku ôbékuni. Mbôngane éedi éamôsôba ébutima na gôndé Nzambé éétsa angô môgangu. Ogondokue wanyô ôsingéô na Nzambé.

Philémon 1:13

Namanyôngéô émôkenea n’ami gô eba atsôgôô ôdigaa me gôébégô éaTsangô Eamôsôba. Namanyôngéô mbe ayanzéa me gô gévénga soo.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.