Philippiens 2:3 - New Testament in Mitsogo

³ Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

Philippiens 2:3 ပူးပေါင်းရင်းမြစ်များ

LUC TSANGO EAMOSOBA EMATENDA 18:14

Jésus angô mbe: Nanôbeenda mbe vandé ahngô abaé, môbongi adepu amanika na gô ebedi amasingéô kokoo na Nzambé. Géé Môpharisien, amanika na gô ebedi gésingéô kokoo. One aabatéda amuene angasugédu. Ivô ône aasugéda amuene, angabatédu.

Romains 12:10

Bakani n’etondo gôndé anyene gandé ana aTétee ahndé n’enyônganéô évôni. Gobedanani anyene n’anyene na gényônga.

Romains 13:13

Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu.

Romains 2:8

Ane akina Nzambé na akékôa mabégô medi mapie na asuméa keaga gô mane mabévani, Nzambé angatubéda ahngô ôbagee wedi na ôpisedi na ôvembee wedi.

I Corinthiens 15:9

Va gatse ane amasevouni na amatômukuni na Jésus, môngimee na ngaa te me Paul. Buéyé vane tsaba kuanakue gôétetu mbe ône amatômu na Jésus gôébégô va mbeego namakuanaka pepe asi mbumu éaNzambé.

I Corinthiens 3:3

Endé te nane gôébégô anye nôgédigaaka gadigaa oma atsengene ahsavamba na Nzambé. Gô ngusune eendanye na gô masaganédame meendanye nôtubéda mbe, tôndé oma atsengene na tôénda mônongovo geenda oma muetso, ane ahsavamba na Nzambé. ?Ene te kuanakue‐a?

II Corinthiens 12:20

Me Paul nakebangana mbe kabaga tsanôdenga gaténdéda me. Na kabaga me dôta tsaba n’anyô gamaténdéda anye gôndé me. Mavooe kabaga nadenga dôta va gatse anyô masaganéda, na ngusu, na dipisa, na tatô, na matoki, na matsuavi, na dienza, na mabégô masagô.

Galatie 5:15

Okô nôdigaa gadigaa nyama yagô pindi, nôbetana, nôbévanédana, wemani kabaga nôbunzana anyene n’anyene.

Galatie 5:26

Tômbiaba na dienza. Tômbiakambôganéa wa n’anyôene na wa n’anyôene. Tômbianyimana wa n’anyôene na wa n’anyôene gôébuta géneega sabobo.

Ephésiens 4:2

Bakani gébé na nyemo na gébé na dibagaa. Bibédani gôésinganéa mane maanyene n’anyene gô vitoone éndé n’anyô.

Ephésiens 5:21

Anye nôneegeda Christ vagobedana anye anyene n’anyene.

Philippiens 2:14

Indakani metso mane gébé na mikebanganô na gétsumané paga.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

Colosses 3:8

Géé deo noo, kinani na viiani ngima mabégôme mane. Mangô te ôpisa na bôvingô, n’obagaa. Nômbiasinga gô miônya mianyô gôkusa mavovia madibuanya na matoki.

I Timothée 6:4

menyani mbe ahngô éékéda te gô nyemo étévo. Asamenya ébégô n’ébégô. Andé na tsôvé ébévani yétsumana paga na yésaganédana gôébégô éamavovia. Vane te vabandôa ngusu na masaganédana, na dibuanya na matasa mabôvingô.

I Pierre 3:8

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.

I Pierre 5:5

Gôndé anye nôgébaka minzambu na tômbô, ôôkéôni payi yambumu éaNzambé. Vandé anye na géengi digaakani gébé na bôpeeo. Matendeo MaNzambé matônigôa mbe: Nzambé akina asi bôpeeo. Angô eetsa mate medi gôndé ane ahndé na mavôma.