Philippiens 2:29 - New Testament in Mitsogo

²⁹ Tambô keneani angô n’ekasôga, gakeneo ana aTéta agô mbumu éaKumu Nzambé. Buedi mbe nômôtubéda egôba, angô n’akedi andé g’angô.

Philippiens 2:29 ပူးပေါင်းရင်းမြစ်များ

LUC TSANGO EAMOSOBA EMATENDA 9:5

Tunguye yetso dingakinéô anye, nôtôgani gô mbôkane yaô, dumédani ébisie éamakôdô manyô. Géné te géevédéô saô mbe: Nôwema.

Jean 13:20

Me nanôbeenda na gô pie mbe ône avamba na mômane amatômu na me, avamba te na me namamôtômani. One avamba na me, avamba dôta na môtômine wami.

Mayanzame 2:46

Minya mietso amabaka gô eba aNzambé gévéé. Amabukua mipemba gô yeba yaô na amaaka miyakô miaô na gényônga na mitéma mimasumani.

Mayanzame 28:10

Asi néngéne amatubéda we géneega gô minongo mietso. Nyee ômapeka we gô mbôngône gôékea ameetsa we éôma éetso mbe tôsangabuta sôma gô môtôôe ômakea we.

Mayanzame 8:8

Asi môsenge ône amatsôkéa na gényônga gévôni.

Romains 10:15

?Tsangône énganigôganéô nayee? môékédi gékudégu na wangô. Te ganigôa Matendeo MaNzambé mbe: Matambé mayeta ône atsua Tsangô Eamôsôba éaGétabé saNzambé, manyepa.

Romains 16:2

Vangatsigangô na gôndé anye, keneani angô gô ina aKumu geenda wa n’anyô gô mbumu éaNzambé. Wedéani angô gô mabégô metso manganyôngeô angô. Amuene amawedéa oma ayekani, ti gandé me.

I Corinthiens 16:10

Okô Timothée atsigi gôndé anye, keneani angô buedi. Wa n’edi tôndé te éyanza évo éaKumu Jésus.

I Corinthiens 16:18

Ahmasuméda me môtéma mônongovo gamasumédahngô dôta mitéma mianyô. Nôndé buedi n’omee wanyô ane, tambô te buedi gôékenea ahngô.

II Corinthiens 10:18

Endé te nane. Okô môma asénga amuene, ôséngue ône ôsaba na tsoongo. Oséngue ôndé na tsoongo te ône ôséngu môma na Kumu Nzambé.

II Corinthiens 7:2

Indani me Paul naba na tungu gô mitéma mianyô na gô matasa manyô. We eekédi va gatse anyô tôsibévédé môma. Tôsinyamanganédé môma. Tôsivoote môma mbe nyepa tôdiia éne éndéké n’edi.

Philippiens 2:28

T’ebandô tsadinga énôkudégéa angô. Memuene nangeena buedi vangatsôkéanye na gényônga vangoombanye émôena.

Colosses 4:10

Aristarque, ône andé n’ami gô eba atsôgôô, anôkômbôa. Na Marc muanaya aBarnabas anôkômbôa. Namani énôtenda ébégô éaMarc. Okô avigi na gôndé anye, vambani n’edi.

1 Thessaloniciens 5:12

Ana aTétee asi mbumu éaNzambé, tônôongô mbe: Tubédani égoba gôndé ane ayanza va gatse anyô. Kumu Nzambé amasevoa ahngô gôéékéda anye na gôétévéda anye nzéa.

I Timothée 5:17

Gôndé peeye atôma mbumu éaNzambé n’ekenge, andé kuanakue gôévanô kuka dibaé. Eôtéa gôndé ane asadunda énigôa mabégô metso maNzambé na éékéda.

Hébreux 13:17

Gobedani atômie wanyô. Sugédani anyene gôéditéda ahngô. Eyanzee yaô na pitsi n’omanda te gôékenea mitéma mianyô. Gô éne éyanzahngô anganigôa va mbene aNzambé. Gobedani angô. Vane ahnganigôa Nzambé gôndé anye na ékasôga, kaka na mitéma miditani. Okô anigôa na mitéma miditani, tambô n’anye nôngaba dôta na mitéma miditani.

III Jean 1:10

T’ebandô vangaviga me nangatubéda metso mabévani meendangô. Avovo mabégô madagani na madiboe va gatse asô n’anyô. Asakôdéa na mane matévo. Angô akina ana aTétee gôéengéa na gôndé angô. Na va mbenene vane adékéda akedi mbe: Nômbiasinga omeaa eengéa gôndé anye. Diotrèphe abuta épatsa ahngô anôtôga gô mbumu éaNzambé.