Philippiens 2:2 - New Testament in Mitsogo

² Tambô nanôtôma mbe: Bakani évambevo na vitoo épo na môtémovo na ngudi dipo. Vane nôdugéda ékasôga éami.

Philippiens 2:2 ပူးပေါင်းရင်းမြစ်များ

Jean 3:29

Muéba te amômiedi, kaka amuene môma. Buéyé nane, wee amômôgôône andé te va kôbangô edi gôéôkô ôgie edi. Na angô atsôkéa gô gényôngage sawee edi. Gényôngage géne te sami. Na géndéké gémadugani.

Mayanzame 1:14

Ahngô muetso amakôkangana vavo kuka yetso gôévovo na Nzambé. Ahngô na agetoe, na Marie yeene aJésus na aneyee amôgôô aJésus.

Mayanzame 2:1

Vamabuéa nyaa asueti éaPentecôte, muetso ane ameetsa Jésus mitémamie amakôkanganaka tungu épo.

Mayanzame 2:46

Minya mietso amabaka gô eba aNzambé gévéé. Amabukua mipemba gô yeba yaô na amaaka miyakô miaô na gényônga na mitéma mimasumani.

Mayanzame 5:12

Ane amatômukuni amayanza va gatse oma émbégéa éyekani éangudi yaNzambé na mabégô mayekani mamisôba masoongôa môma ésupua. Ane ameetsa Jésus mitémamie amaduga muetso va komo ééndô mbe Salomon.

Romains 12:16

Bakani n’evamba anyene n’anyene. Nômbiaba na nyemo gôéabatéda anyene ivô bandani buéyé na mayanza moma abobo. Nômbianyemôga gô éodoe éanyene.

I Corinthiens 1:10

Ana aTéta gô ina aKumu asô n’anyô Jésus‐Christ me nanôongô mbe: Bakani na ésinganéa gébé na tatô. Bakani n’évambevo n’etasevo gôékea nzéepo.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

II Corinthiens 2:3

T’ebandô namanôtendéa gameenda me gô gévo gésangô. Nameenda mbe: Nangaviga na gôndé anye mbe nôvikasôgéda me. Anye dôta gékônzé mabégôme manyô, tambô tsangakasôgédu, ivô nangaditédu te ditédu. Namenya mbe vakasôga me te n’anye muetso, tambô anye kasôgédani me.

II Corinthiens 7:7

Gévigéô sedi gémakasôgéda we. Na dôta tsangône éanyô asi Corinthe émakenea anye Tite émasuméda we mitéma. Amanigôa we mbe: Asi Corinthe anyima éwe, Paul. Anyôngéô éena éwe. Asi Corinthe ageesiô vamookô ahngô tsangône éapanda dimeena éwe, Paul. Gô tsangône émaviga na Tite, môtémami ômayôa na gényônga.

Philippiens 1:4

Kuka yetso diteta me miname manyô g’ôsambô, namateta te na gényônga.

Philippiens 2:16

Nôtana te vatsuéanye asi tsengene Tsangô éamonyo apie. Okô nôéndi nane, nanganyemôga na gényônga gôndé anye gô nyaa ôngaviga Jésus‐Christ. Na vane nangamenya mbe gô tsaéne ékea me pita pitsi yedi tsikea bobo. Eyanzee éami éndé na tsoongo.

Philippiens 2:20

Te Timothée amuene andé môtémovo n’ami gôékebangana gôndé anye na môdigéôe wanyô.

Philippiens 4:2

Anye ageto abaé, Evodie na Syntyche, nanôtôma ivô tsatôma, nanôgondo te gondogo mbe, vambakani évambevo n’etasevo ga mônô na môdimi agô mbumu éaNzambé.

Colosses 2:5

Béyé mbe gandé me gôdagôda n’anye g’ôtô, nandé vavo n’anye gô môtémami. Môtémami ôndé na gényônga gôndé anye na vitoo gôésipa gômeetsanye Christ mitémamie gémôtsumé paga.

II Thessaloniciens 2:13

Ana aTétee asi mbumu éaNzambé tôkuméda Nzambé gôndé anye gédundé gôébégô nôndé anedi amôtéma. Nzambé amasevoa anye mbe nôngaba ane angapanga édiia géobogeo gô ngudi yaGédidi sedi. Te sangô génôvambéda môvo na Nzambé gômaagana anye na mane matsengene. Nôgédiia dôta gômeetsanye mitémamie gô Mabégô MaPie gémôtsumé paga.

II Timothée 1:4

Me tseeba kebaye dimadéa éwe. Nandé ti na tsôvé gôégôena buta mbe môtémami éyôa na gényônga.

Philémon 1:20

Endé te nane, muana aTétee n’ami agô mbumu éaNzambé. Me nagôduka ébégôe éne gô étondo éaKumu Jésus. Kasôgéda môtémami gatôénda gô mbumu éaNzambé.

II Jean 1:4

Me natsôkéa vamadenga me mbe anoo avo adigaa gô mabégô mapie gamatômu wa n’anyô na Téta Nzambé.

III Jean 1:4

Gôsaba yene tsangô étubéda me gényônga ga géne géôkô me tsangône mbe: Anoo ahdigaa na vitoo gô mabégô mapie.