Philippiens 2:19 - New Testament in Mitsogo

¹⁹ Okô Kumu Jésus asingi ganyôngéô me, nanganôkudégéa Timothée. Na vanganika angô n’eva, anganigôa me tsangône yanyô gôékasôgéda me.

Philippiens 2:19 ပူးပေါင်းရင်းမြစ်များ

Matthieu 12:21

Asi tsengeye yetso yagô tsina angaténdéda te ango.

Mayanzame 16:1

Paul amabuéa gô Derbe na gô Lystre. Gône gômabaka môma môvo, ameetsa Jésus môtémee wetso, inedi Timothée. Yeedi te Môjuif ameetsa Jésus môtémee. Tétedi te Môgrec.

Romains 15:12

Esaïe amatenda mbe: Muana gô ébôta éaJéssé angaviga. Angasevou gôétôma tsengeye yetso. Oma abono miso maô te gôndé angô.

Romains 16:21

Môwedine wami Timothée anôkômbôa. Kindami Lucius, Jason, na Sosipater anôkômbôa.

I Corinthiens 4:17

Na dôta nanôkudégéa Timothée muanami amôtéma agô mbumu éaNzambé ône adigaa gôndé Kumu na mavôma. Anganôbangôéda mônongo amonyo ôdigaa me gô vitoone éndé me na Jésus‐Christ. Mônongoe ône te ône ôékéda me gô tunguye yetso didigaa mbumu éaNzambé.

Ephésiens 1:13

Anye asi Ephèse nômookô Tsangô Eamôsôba éaJésus‐Christ, yangô te meekédu mapie manônigôa géôbogeo. Vamookô anye nômeetsa Christ mitéma mianyô gébé na paga. Na vane Nzambé amatôéémba ndémbô étubéda inedi. Ndémbône te Gédidi sedi sovanga ômavanga angô mbeego.

Philippiens 1:1

Oô te me Paul na Timothée tôndé ayanzie aJésus‐Christ, tônôkudéga gésangô gegé. Te gondé anye muetso asi mbumu éaNzambé nôndé gô môsenge aPhilippes, nômeetsa Jésus‐Christ mitéma mianyô gémôtsumé paga. Tônôtendéa dôta anye nôndé peeye na atômie agô mbumu éaNzambé.

Philippiens 2:18

Na vatsôkéanye, me dôta nangagésangana gôétsôkéa gényônga gévo n’anye.

Philippiens 2:28

T’ebandô tsadinga énôkudégéa angô. Memuene nangeena buedi vangatsôkéanye na gényônga vangoombanye émôena.

1 Thessaloniciens 3:2

Na tômanôkudégéa Timothée. Angô te muana aTétee ayanza gésoo gévo n’asô gôéékéda Tsangô Eamôsôba éaJésus‐Christ. Tômanôkudégéa angô te mbe anôodeda na anôkasôgéda gô mabégô maNzambé mameetsanye mitémamie gébé na paga.

1 Thessaloniciens 3:5

T’ebandô tsiôngôé ésipa géôkô tsangô yanyô. Na te gamanôkudégéa me Timothée gôéôkô gasipanye gô nzéa éaJésus émeetsanye mitémamie. Namakebangana mbe mavooe yabédé amanôkuéséda, na éyanzee éami kabaga éba éagébé na tsoongo va gatse anyô.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

Jacques 4:15

Oôkôni éne éngavovo anye. Buedi gôévovo mbe: Okô Kumu Nzambé anyôngéyiô tôngadônga na tôngeenda te nani na nane.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.