Philippiens 2:11 - New Testament in Mitsogo

¹¹ Na yôgi yamongome metso mangakuméda Nzambé nyaa ônganigôa yangô mbe: Jésus te Kumu apie.

Philippiens 2:11 ပူးပေါင်းရင်းမြစ်များ

Matthieu 10:32

Jésus angô mbe: Muetso ane amema va mbene oma mbe: Me te môma aChrist, me dôta nangamômema va mbene aTéta andé g’ôba mbe: Odôô te wami.

LUC TSANGO EAMOSOBA EMATENDA 2:11

Te deo noo, Mooboyi abôtiô gôndé anye gô môsenge aDavid. Angô te Christ, ône amatômu na Nzambé. Angô te Kumu.

Jean 12:42

Buéyé nane, peeye yAjuif ayekani asitsumé Jésus paga. Ivô asiôngôé émema mbe: Tôsatsuma Jésus paga, kabaga apatsô na Apharisien gô eba agéwanyéô.

Jean 13:13

Anye nôneegeda me mbe: Môékédi asô, na kumu asô. Ii, nôvovo na mitayi. Me te môékédine wanyô na kumune yanyô.

Jean 13:14

Tambô vandé me môékédi na kumu, nanôôvôi makôdôme, anye dôta ôôvôanani anyene n’anyene mane manyô.

Jean 14:13

Ene édukanye me gôéénda, me nangeenda gômbe Téta angakumédu gô ina aMuanedi.

Jean 14:23

Jésus amanigôa mbe: Okô môma anyôngéyiô me angagobeda éne évovo me. Téta angamônyôngéô. Vane wa na Téta tôngaviga na gôndé angô gôédigaa gô môtémedi.

Jean 17:1

N’emana énigôa aneengie nane, Jésus amabôkaméa na g’ôba gôévovo na Nzambé. Angô mbe: Téta, ndéône ébuéyi. Itsa Muanoo me, géneega sondômbee woo gômbe Muanee dôta angagôneegeda.

Jean 20:28

Thomas amamôneegeda mbe: Ewe Kumu ami. Ewe te Nzambé ami.

Jean 5:23

Endé te mbe oma muetso angagobeda Muanee mônongovo gagobeda oma Tétee. One asagobeda Muanee, asagobeda na Tétene, angô môtômine aMuanee.

Jean 9:22

Kindedi amavovo nane te gômookô angô Ajuif gomo. Ajuif amavanga mbe muetso amema mbe Jésus te ône amatômu na Nzambé, angapatsô gô eba agéwanyéô sAjuif.

Mayanzame 10:36

Anye nôsabômu ôgi ômakudéga Nzambé na gôndé oma aIsraël. Amakudégéa ahngô Tsangô Eamôsôba mbe môma oongôa évamba na Nzambé na gétabé gô ngudi yaJésus-Christ, ône andé Kumune oma muetso.

Mayanzame 2:36

Buedi mbe éongo éetso éaIsraël émenya ébégôe édué. Anye nômabôkéda Jésus gô gésumu sowa. Nzambé amakônza va mbeego mbe Jésus ôdôô angaba Kumu na Christ, ône amasevou na Nzambé.

Romains 14:11

Matendeo MaNzambé matônigôa mbe: Kumu angô mbe: Ti gôndé me nandé na monyo ôdôô. Oma muetso angasiba mabongo maô va mbene ami. Môma na môma angakuméda ngudi yaNzambé n’ogi ôvôni.

Romains 14:9

Christ amawa na amakunduga gôététu mbe Kumune éane amawani na éane adôngani.

Romains 15:9

Na Jésus-Christ amaviga dôta gômbe ane asibôtu gô éongo éAjuif angakuméda ngeba yaNzambé. Te gatônigôu na Matendeo MaNzambé mbe: Gô éne, nangagôkuméda gô tsenge yetso yava tsina. Nangeemba ôndômba ainee éoo.

I Corinthiens 12:3

Na deo noo nômeengéa gôndé Nzambé tsanyôngéô mbe nôbé na buétsé, gémenyé mbe éne évovo môma te éapie na te éaNzambé. Okô môma atoko Jésus géneegede inedi, menyani mbe angô asaba na Gédidi SaNzambé. Okô môma aneegeda ina aJésus mbe: Jésus te Kumu, menyani mbe angô atômu na Gédidi SaNzambé.

I Corinthiens 15:47

Adamene amapanga amavangô na toto. Adamene amôbaé te Kumu amaviga g’ôba.

I Corinthiens 8:6

Buéyé nane gôndé wa n’anyô Nzambéne te épo. Te Nzambé Téta amakana éôma éetso na monyoe wasô n’anyô te gôndé angô. Na Kumu asô n’anyô dôta te môvo na koo, te Jésus‐Christ. Te angô asumbéda éôma éetso. Asumbéda na monyoe asô n’anyô.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Jean 4:15

Okô môma anigôa mbe: Jésus te Muana ANzambé, menyani mbe Nzambé adigaa gôndé angô na angô dôta andé te môvo na Nzambé.

I Jean 4:2

Gôndéké mônongo gôégoneda édidie mbe egé te SaNzambé, n’ege kaka saNzambé. One andé na gédidi géviga gôndé Nzambé te ône avovo mbe: Jésus‐Christ te na gô pie amakoga môma.

II Jean 1:7

Gôndéké eekédi ayekani adiboe aka gô tsengeye yetso. Ahngô asangoongôa ésinga mbe: Jésus‐Christ te na gô pie amakoga môma. One asoongôa ésinga nane te môsi oboe na te Môvingi aChrist.

Gétsutsuéô 3:5

Te anye nômadiia gô ébadi égenyuni nôngaatédu mikanda miavembo. Mina manyô masangabusuu gô môganda amonyo. Me nanganigôa na gényônga va mbene aTéta Nzambé n’ayanzi edi asi g’ôba muetso mbe: Adua te omami.