10 Gômbe gô ina éne éaJésus, asi g’ôba muetso, n’asi tsinane, N’ane andé gô tsenge éane amawani, muetso angasiba mabongome mao.
Mônongovo gamadigaa Jonas miôsa mitatô na pitsi ditatô gô ébuyi éanyama éagô mbéyi, te mônongovo me Muana Amôma nangamana miôsa mitatô na pitsi ditatô gô gatse atsinane.
Amamôdipea ngundu éamingôô gôégudéga yangô gô môtsé aJésus ga gépôkôdô sokumaka. G’ôgogo edi ômôgôô amamôétsa péndé gôékanéga yangô na môtunga okumaka. Vane amasiba mabongo maô va mbene aJésus gô dienza yaô amamôkômbôa mbe: Sambaa. Sambaa, môtômine aAjuif.
Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.
?Nzambé amamôaabéa mbe ndé? Nzambé angô mbe: Me namakenea gô inami mitônisa tsambué mioma. Ahsisibé mabongo maô gôéneegeda mbumbane ééndô mbe Baal.
Amuene Nzambé angadugéda v’ekôdéô atsinane étasee éndé n’edi. Etasee éedi na nzéane yedi te mbe: Nangakôkanganéda mane mag’ôba metso na mane magô tsina metso g’ôtômu amôsi ényangee môvo, te Christ.
Vatasa me éne éyanzéa angô wa n’anyô, me nasiba mabongo mami va mbene atéta gôémôneegeda.
Vatôtanga mbe: amabata ?éne ékegea nayee? Ekegea mbe amapanga épénda na gô étibee éatsinane.
Ivô gô ndéône émakudéga Nzambé Muanedi akuua na gô tsina amatôma asi g’ôba mbe: Anye ayanzi ami asi g’ôba muetso neegedani Muanami.
Ane amwa gô mbéye ahndé wangô ahmanzeegedu na mbéye. Owa na tsenge éane amawani dimanzeegeda ane andé wangô. Muetso ahmatsundédu gô mane mameendahngô.
Kuka yetso vamatôa éangô, peeye nzima dibaé na payi dinayi dimasiba mabongo maô va mbene one andé digaa gô gédigaa sokumaka. Na dimaneegeda ône andé monyo môbô na môbô. Dimagudua épôkôdôe éaô éokumaka gôévumba éangô ga ôgondoku va mbene agédigaage sokumaka. Dimeemba mbe:
Ivô gôsibé môma akuanakue gôémipunzua na gôémibono va gatse. Béyé mbe môsi g’ôba, buéyé mbe môsi gô tsina, béyé mbe môsi gô tsengene éane amawani, gôsibé môma ta na môvo.