Philippiens 1:6 - New Testament in Mitsogo

⁶ Me tsatsuma paga ta na pesu. Tsabômu mbe Nzambé, ône amabandôa n’eyanzee éamôsôba gô mitéma mianyô, asangeenzeegeda. Angeebôngaméda gôéemangôa nyoo ôngaviga Jésus‐Christ.

Philippiens 1:6 ပူးပေါင်းရင်းမြစ်များ

Jean 6:29

Jésus amanigôa ahngô mbe: Eyanza évôni ényôngéô Nzambé mbe nôyanza éangô te mbe nôétsa mitéma mianyô na gôndé ône amatôma angô na gô tsina.

Mayanzame 11:18

Asi mbumu éaNzambé gô Jérusalem amasuméda mitémamie vamookô ahngô tsangô nene. Amakuméda Nzambé mbe: Tambô na gô pie, Nzambé asabômu ane asibôtu gô éongo éAjuif. Eetsa ahngô ndéô gôékoa mitéma miaô na gôédiia monyo apie.

Mayanzame 16:14

Va gatse aô tômadenga môgeto môvo inedi Lydie. Angô te môsi mbôka ééndô mbe Thyatire. Na angô te môyôkô amikanda miatsoo miosunu ôvôni. Amaneegedaka Kumu Nzambé. Amookô mane mamavovo we eekédie. Gédidi SaNzambé gémamôkukua môtémee gôévotanganô mane mamavovo Paul.

I Corinthiens 1:8

Te amuene anôsipéda gébé n’oési ngu na v’ekôdéô. Kabaga môma anôtsundéda nyee ôngaviga Kumu Jésus‐Christ mbe: Nôsindé kuanakue.

II Corinthiens 1:15

Me Paul namaténdéda gôndé anye tsabômu dôta mbe anye nôténdéda gôndé me te gamavanga me mbe nangaviga na gôndé anye mitôô mibaé gôénôkasôgéda.

II Corinthiens 2:3

T’ebandô namanôtendéa gameenda me gô gévo gésangô. Nameenda mbe: Nangaviga na gôndé anye mbe nôvikasôgéda me. Anye dôta gékônzé mabégôme manyô, tambô tsangakasôgédu, ivô nangaditédu te ditédu. Namenya mbe vakasôga me te n’anye muetso, tambô anye kasôgédani me.

II Corinthiens 7:16

Me Paul tsabadô na mikebanganô gôndé anye. Te gényônga gétévo.

II Corinthiens 9:4

Vangaviga we n’asi Macédoine na gôndé anye ôkô tsidenga dodeye dimakôkégu nangooba na tsoyi gô kumane éanyô ématsua me na gôndé ahngô. Tasani dôta tsoene éngaba n’anyô.

Galatie 5:10

Béyé nane, Kumu asasinga me natsuma paga gôndé anye. Namenya mbe matasa manyô na mane mami masangapengana. Na môma te môma, ône ayungéda anye, Nzambé angamôsiséda.

Ephésiens 4:12

?Amakaba migôômie mine gôndé? Amamikaba gômbe asi mbumu éedi angaduganéô ngudi gô miangô gôémana éyanzee éaNzambé va tsina. Na mbe asi mbumu éedi andé ôtôe aChrist ôngavunda na ôngoongôga na ôngoodo gô mabégô metso maNzambé gô ngudi yamigôômie.

Philippiens 1:10

Namôduka dôta mbe nôngamenya ésevoa mane mamisôba na gôétsika mane mabévani. Te mbe nôngaba nômagôgéani, gébé na mabégô mabévani mamasuégu na buembe. Na nôsangeetsô ôési nyaa ôngaviga Christ.

Philippiens 1:29

Bangôani mbe Nzambé amatôétsa ébégô évôni ôbiia, te gôéyanzéa Jésus‐Christ. Tômamôyanzéa gô minongo mibaé. Oô mônongo te gôémôétsa mitémamie gébé na paga. Oô mônongo dôta, te gôétubédu gékuanô gô inedi.

Philippiens 2:12

Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye.

Philippiens 2:13

Menyani mbe Nzambé asatsika éyanza gô mitéma mianyô. Ayanza mbe nôôkô tsôvé gôémôgobeda. Na ayanza mbe nôndéké na ngudi gôékea gô nzéane émakônzangô gôndé anye.

Philippiens 2:16

Nôtana te vatsuéanye asi tsengene Tsangô éamonyo apie. Okô nôéndi nane, nanganyemôga na gényônga gôndé anye gô nyaa ôngaviga Jésus‐Christ. Na vane nangamenya mbe gô tsaéne ékea me pita pitsi yedi tsikea bobo. Eyanzee éami éndé na tsoongo.

Colosses 2:12

Endé te nane. Gô bateme émeenôô anye, nômagunyu ngii épo na Christ, na nômakunduu gékundugéô gévo n’edi. Endé nane gôébégô nôsitsumé ngudi yaNzambé paga, dine dimakundua Jésus g’ôwa.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

II Thessaloniciens 1:11

T’ebandô tôsatsika évovo na Nzambé gôndé anye. Tômôduka mbe anônyepeda pepe gôéba kuanakue gô monyoe ômasevoangô anye mbe nôdigaa ganyôngéô angô. Tômôduka mbe go ngudi yedi anganôdugédéa mane masema anye tsémo yamisôba. Na mbe gô ngudi yedi angatsimaméda mane mayanzanye nôndé gôégobeda mane mameetsanye mitéma.

II Thessaloniciens 3:4

Kumu Jésus atôsuméda mitéma gôndé anye mbe nôndé gôégobeda ndongi yasô na mbe nôngoomba édigobeda.

Philémon 1:21

Vandé me gôégôtendéa gésangô gegé tsabômu mbe éwe ôngasinga éne égôduka me. Namemya mbe ôsangakôdéa n’ene étévo.

Hébreux 10:35

Tambô sipani gamasipanye v’ebandô gébé na buétsé. Môsenda ôvôni ôkeneo gôndé anye nôsipani.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.

II Pierre 3:10

Gévigéô saKumu géngaba ga gévigéô samuisui. Gô nyee angô ôba ôngadimbana na nzongodi épôni. Yômee yetso éag’ôba éngayôa na soto. Tsinane ne éetso éndé gô yangô éngayôa.