Philippiens 1:5 - New Testament in Mitsogo

⁵ Gényôngage géne te gômawedéa anye me gôétsanzabanéda Tsangô Eamôsôba éaJésus‐Christ bandôa v’ebandô ngu na deo noo.

Philippiens 1:5 ပူးပေါင်းရင်းမြစ်များ

Mayanzame 2:42

Ahmeeka na môvinéné mane mameekédu ahngô n’ane amasevouni na amatômukuni. Amadigaa na vitoo anguene ana aTétee agô mbumu éaNzambé na asivéé éaa tabudé épo. Ndéô yetso amadigaa vavo gôévovo na Nzambé.

Romains 11:17

Ana aIsraël agono na géétété gééndô mbe olivier. Tôkanéga na ôsagu. Osagu ôkeneo na kumu angô. Mivô mitabé amikeeda. Anye nôsibôtu gô éongo éAjuif nôgono na mitabé miovendo miviaganédu gô môkuba osagu na mibongou na mitamba miosagu.

Romains 12:13

Wedéani asi mbumu éaNzambé gô panda yaô. Keneani agenda na géneega.

Romains 15:26

Asi mbumu éaNzambé gô Macédoine na Grèce amavanga gôéétsa dibiia yaô dingakea na gôndé misuga miagô mbumu éaNzambé mindé gô Jérusalem.

I Corinthiens 1:9

Nzambé asavétsua divanga yedi. Nzambéne te épo, ône amanôbambéa mbe: Bakani môvo n’ami gô pitsi yanyô yava tsina nômagésangana môtémovo n’ami gô évambevo na muanami Jésus‐Christ.

II Corinthiens 8:1

Ana aTéta, we eekédi tônyôngéô mbe nôôkô tsangô éene émayanza Nzambé gôndé asi mbumu éedi gô Macédoine. Tsangône te angeba yaNzambé.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Philippiens 1:12

Ana aTétee n’ami asi mbumu éaNzambé, nanyôngéô mbe nônigôgéô ébégôe édué. Mane mamabuéa gôndé me masibévé bévaga. Ivô mamanyepa gômaweseda mangô Tsangô Eamôsôba éaJésus‐Christ gô mbene na gô mbene na gô dipo tungu.

Philippiens 1:16

Ahngô eekéda gôébégô anyôngéô éwedéa me gô éyanzee évôni émeetsô me gôésungéa Tsangô Eamôsôba éaJésus‐Christ.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

Philippiens 2:12

Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye.

Philippiens 2:22

Anyene nôsabômu gamatubéda Timothée wa n’anyô mônongoe ôndé n’edi amôvinéné. Nôsabômu dôta gamayanzangô n’ami. Amayanza n’ami gô Tsangô Eamôsôba gayanza muana môtémovo na tétedi.

Philippiens 4:3

N’ewe môsi éyanzevo n’ami ôsiaagané n’ami gô éyanzee. Wedéa kadi yoo yagô mbumu éaNambé gôébégô ahmagenya ébadi évo n’ami gôétsanzabanéda Tsangô Eamôsôba. Na Clement te mônongovo, n’avo ayekani amayanza n’ami. Mina maô mandéké mamatendu gô môganda amonyo.

Philémon 1:17

Okô mbe wa n’oo tôndé n’evamba, tambô kenea Onesime ti eembe te me.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

I Jean 1:3

One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.

I Jean 1:7

Okô tôndé gô gévede, gandé amuene Nzambé andé gô gévede, vane tôndé na vitoo wéene na wéene. Na nzina yaJésus, Muana ANzambé ditôgôgédaka ébévee éetso.