Philippiens 1:23 - New Testament in Mitsogo

²³ Gôndé me ébégôe éndé te gésa ômbôe, gésa viangavie. Nanyôngéô énôtôga gô tsina nedué nakedigaa na Jésus‐Christ. Ene te éne étéka me pepe.

Philippiens 1:23 ပူးပေါင်းရင်းမြစ်များ

LUC TSANGO EAMOSOBA EMATENDA 12:50

Gô mbene gôndéké bateme épôni éngeenôô me. Me ta madeo tsiinôô yangô, ôtôe ôgembanô na maguga.

LUC TSANGO EAMOSOBA EMATENDA 23:43

Jésus amaabéa angô mbe: Me nagôbeenda na gô pie mbe deo noo ôngaba n’ami g’ôba gô gédigaa samôsôba gékea me.

LUC TSANGO EAMOSOBA EMATENDA 8:38

Mômôgôô amakusédéô édidi ébévani amabambéa Jésus mbe: Singa me nadigaa n’ewe. Ivô Jésus amakina mbe:

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Jean 13:1

Emabaka te nyee ômabambana na sueti éaPâque. Jésus asibômu mbe, ndéône ébuéyi gôndé angô gôénôtôga gô tsengene na gôékea na gôndé Tétedi. Bandôa v’ebandô môtémedi ômanyôngéô omee wedi ava tsina. Gényônganéôge géné gésinôtôgé ngu na v’ekôdéô.

Jean 14:3

Vangakea me na vangakônzéa me anye tungu nanganika. Nanganôbongo gômbe gôngaba me, n’anye dôta nôngaba wangô.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Mayanzame 7:59

Vamabaka Etienne andé gôétumu na mataé, amavovo na Nzambé mbe: Kumu Jésus, maa — bongo gédidi sami na gôndé ômuene.

II Corinthiens 5:8

Na mitéma miasô misanika gévii. We tôndé ga môma andé g’ôgenda madeo asitsiga gô ebedi. Tôôtéa ényôngéô étsika ôtôe ôdôô gôékea gôédenga ône ôndé na Kumu.

II Corinthiens 6:12

We eekédi tôsakukéga mitéma miasô gôndé anye, géé anye nômakukéga mine mianyô. Me nandé na géviôviô gôndé anye. Anye gôndé me ?nôndé nayee?

Philippiens 1:24

Ivô gôndé anye, éôtéa ényepa mbe noomba édigaa n’otôe ôdôô va gatse anyô.

1 Thessaloniciens 2:1

Ana aTétee n’ami gô mbumu éaNzambé, anyene nôsabômu mbe môtôôe wasô na gôndé anye ôsibé abobo.

1 Thessaloniciens 2:13

Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.

1 Thessaloniciens 4:17

Na vane wa n’anyô tôngadenganô tôdônga nyoone, tôngatômbu étepo n’ahngô na gô dibôngé gôéwanya na Kumu Jésus va gatse atsina n’oba.

II Timothée 4:6

Géé gôndé me, ndéône ébuéyi, éne éngadeekedu me ga ôgondoku. Ndéône yami ébuéyi gôéwa.

Gétsutsuéô 14:13

Vane me Jean namookô ôgi ômaviga g’ôba ômatôma me mbe: Tendaka édué. Na ômavovo mbe: Gényônga gôndé ane ahwa pitsi yedi gô éyanza éaKumu. Gédidi SaNzambé gémaabéa mbe: Ii, te na gô pie. Angadunda gô éyanzee éaô édagani. Na mane maô mamisôba mangakea n’ahngô géômbé.