Philippiens 1:21 - New Testament in Mitsogo

²¹ Menyani mbe monyoe wami te Christ. Owee wami te tsoongo gôéômba ékôndéga me mane mamisôba.

Philippiens 1:21 ပူးပေါင်းရင်းမြစ်များ

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

I Corinthiens 3:22

Na Paul, n’Apollos, na Pierre, na tsinane, na monyo, n’owa, na mane madeo noo, na mane magô mbene n’okendo, éetso te éasô n’anyô.

II Corinthiens 5:1

Tôsabômu mbe yôtôye yasô n’anyô te yeba yebandé didigaa we va tsina. Vangapanzô yebaye yebandé éedi, tôndé na yene yag’ôba dikenea Nzambé gôndé wa n’anyô. Amuene amayanza yangô na mogo medi na disangadôboo.

II Corinthiens 5:6

T’ebandô wa n’anyô tôsagogo éenéa éne émavanga Nzambé gôndé we. Tôsabômu mbe vatôdinga édigaa na yôtô yedi yava tsina, tôndé gôdagôda na dine dikenea Kumu gôndé wa n’anyô.

II Corinthiens 5:8

Na mitéma miasô misanika gévii. We tôndé ga môma andé g’ôgenda madeo asitsiga gô ebedi. Tôôtéa ényôngéô étsika ôtôe ôdôô gôékea gôédenga ône ôndé na Kumu.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

Galatie 6:14

Gôndé me tsanyemôga gô éne ébégô buétsé te gésumuge sowa gémayôhu Kumu asô n’anyô Jésus‐Christ. Gôébégô éagésumu sedi sowa, éôma éetso éatsengene éndé ga sôma gémabooni gôndé me. Na gô mane matsengene, tsôvé yami dimawa gô mangô.

Philippiens 1:20

Ekegea te nane. Tsoongone éami te Christ, ône eenéa me mbe angaviga. Namôenéa na môtéma agébé na gomo na gébé na tsoyi. Nandé deo noo gamabaka me na mbeego na môtéma ômasumani gébé na buétsé, ônyôngéô mbe ôkumaka aChrist ôenanô gô ôtôe wami, nawéyiee, tsawéyiee.

Philippiens 1:22

Ivô mavooe ényepa gôndé me gôéomba édigaa gô monyô ôtôndéni ôdôô, buta mbe namangôa dôta évo éyanza éndé na tsoongo. Na gôéwa, na gôédigaa gô monyoe ôdôô, me tsangamenya éne étéka me.

Philippiens 1:23

Gôndé me ébégôe éndé te gésa ômbôe, gésa viangavie. Nanyôngéô énôtôga gô tsina nedué nakedigaa na Jésus‐Christ. Ene te éne étéka me pepe.

Philippiens 2:21

Akasô muetso akebangana te mane manguene matévo, kaka mane maJésus‐Christ.

Colosses 3:4

Monyoe wanyô apie te Christ. Vangatsutsugangô te n’anye muetso nôngatsutsuga nômagésangana ôndômbovo n’edi.

Gétsutsuéô 14:13

Vane me Jean namookô ôgi ômaviga g’ôba ômatôma me mbe: Tendaka édué. Na ômavovo mbe: Gényônga gôndé ane ahwa pitsi yedi gô éyanza éaKumu. Gédidi SaNzambé gémaabéa mbe: Ii, te na gô pie. Angadunda gô éyanzee éaô édagani. Na mane maô mamisôba mangakea n’ahngô géômbé.