Philippiens 1:20 - New Testament in Mitsogo

²⁰ Ekegea te nane. Tsoongone éami te Christ, ône eenéa me mbe angaviga. Namôenéa na môtéma agébé na gomo na gébé na tsoyi. Nandé deo noo gamabaka me na mbeego na môtéma ômasumani gébé na buétsé, ônyôngéô mbe ôkumaka aChrist ôenanô gô ôtôe wami, nawéyiee, tsawéyiee.

Philippiens 1:20 ပူးပေါင်းရင်းမြစ်များ

Jean 21:19

Gô mavoviame mane Jésus ameevéda Pierre mônongoe owa ôngawaangô gô géneega saNzambé. Vane Jésus amatôma angô mbe: Oka n’ami nzéepo.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Mayanzame 21:13

Ivô Paul amakékôa ôgie wasô mbe: ?Anye nôdéa ndé? ?Nayee nôyungéda me môtéma mbe kabaga tsakea-a? Memuene nandé na môtéma ômasumani gôékea, kaka gôékatô ésengo étévo, buéyé na gôéyôhu gô mabégô maKumu Jésus gô Jérusalem me tseena panda.

Mayanzame 4:31

Vamamanahngô évovo na Nzambé, tungune émabakahngô ématatéa. Gédidi SaNzambé gémeengéa gôéyuéséda mitéma miaô mietso. Ahmeekédaka na bôkédé ôvôni mane mamavovo Nzambé.

Romains 12:1

Ana aTétee nanôduka mbe: Itsani anyene na gôndé Nzambé. Mbe yôtô yanyô dibaké ga digondoku didôngani dideekedu na gôndé Nzambé asakina yangô. Gô éne émayanzéa Nzambé wa n’anyô gô ngeba yedi, tônikédé éneegeda angô na yôtôye yasô n’anyô.

Romains 5:5

Tôsangabômédu n’ene étôténdédani gôébégô Nzambé amatôétsa Gédidi sedi. Na te sangô gétsuéa wa n’anyô étondo éaNzambé gôékuya éangô gô mitéma miasô n’anyô.

Romains 6:13

Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

Romains 6:19

Me Paul navovo n’anye nakanéga na tsavane éovéga te gôdagéô anye énigôgéô mabégô mema. Gô mbeego nômatsôkéa gôéadeekeda anyene g’ôvéga amayanza mabévani manzooh, na nômadigaa sagô. Tambô n’atsatsee deekedani anyene na gényônga ga avéga akôô aJésus gôéba na môdigédi ômagôgéani.

Romains 8:19

Metso mamakana Nzambé mandé môtie gôéenéa ndéône éngatsigéda Nzambé anedi.

Romains 9:33

Nôeni, gô Sion nadigédi étaé éngapôngéda oma. Te ôbobo ôngakuéséda oma. Ivô ône angamôétsa môtémedi asangabômédu.

I Corinthiens 15:31

Ana aTéta n’ami, me nanôbeenda mbe me Paul pitsi yetso navétsu n’owa. Nanônigôa gôébégô anye te anami atsôkéa me, na tôndéké monyo ôvo gô vitoone éndé wa n’anyô na Kumu asô n’anyô Jésus‐Christ.

I Corinthiens 6:20

Nzambé amavana wa n’anyô n’osunu ôvôni. Tambô tôyanzédékéni yôtô yasô n’anyô gôékuméda Nzambé.

I Corinthiens 7:34

Andé ga môma ayanzéa kumu diabaé. Te mônongovo gôndé môgeto asibaaôni na gôndé tômbô anyôngéô éyanzéa Kumu Jésus. Môgeto nône te aNzambé, ôtô edi wetso na gédidi sedi setso. Géé ône amabaaôni, matasa medi metso mandé gôéyanzéa mabégô mamonyo atsengene na abuta éénda éne ényôngéô mômiedi.

II Corinthiens 10:8

Me tseena tsoyi buéyé ganyemôga me gô ényangee émeetsô me na Kumu. Enyangee éne éndé na me gôénôweseda na gôndé Nzambé kaka gôénôbunganéda.

II Corinthiens 3:12

Tsoongone éasô n’anyô éndé te gô éne éamôbô na môbô na we tôsaba na buétsé, tôndé na bôkédé.

II Corinthiens 4:10

Pitsi yetso tôndé n’owee aJésus gô yôtô yasô na vane monyo aJésus ôenanô dôta gô yôtô yasô.

II Corinthiens 5:15

Amawa gôndé muetso gômbe ane adôngani asangadigaadô gô monyoe ônyôngéô anguene. Ivô ahngadigaa gô monyo te gôndé ône amawa na amakunduga gôndé ahngô muetso.

II Corinthiens 7:14

Namanôkuméda mbeego vandé Tite, n’anye nôsitsiké me na tsoyi. Vavovo me n’anye tsapata. Na kumane yanyô émookô Tite ésipaté.

II Corinthiens 7:4

Tsatsuma anye paga. Nanyemôga n’ekasôga gôndé anye. Gô tsina amaguga mameena me Paul, môtémami ôsanika gévii ivô ôndéké ômayôa na gényônga gévôni gôébégô éanyô.

Philippiens 1:14

Buéyé n’ana aTétee amootéa éétsa Kumu Jésus mitéma miaô gémôtsumé paga, te vameenahngô me nandé gô tsôgôô. Vane bôkédée waô ômoomba ékôndama gôénigôa Mane Mamavovo Nzambé gébé na gomo.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

1 Thessaloniciens 5:23

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô.

I Pierre 4:16

Okô môma atubédu maguga gôébégô andé môma aJésus, nômbiôkô tsoyi ivô neegedani Nzambé gômeetsô anye ina aJésus‐Christ.

I Jean 2:28

Te nane anami. Bakani na vitoo na Christ gômbe tôsangakotomo na tsoyi va mbene edi nyoo ôngavigangô mbe tôngaba tômayôa na gényônga.