Philippiens 1:19 - New Testament in Mitsogo

¹⁹ Tsabômu mbe gô ngudi yadisambô divovo anye na Nzambé gôndé me, na gô ngudi yaGédidi gémeetsô wa n’anyô na Jésus‐Christ, mabégôme metso makoga maka mamisôba gôndé me.

Philippiens 1:19 ပူးပေါင်းရင်းမြစ်များ

Mayanzame 16:7

Vamaweseahngô na gô Mysie amanyôngéô ékea na gô Bithynie, ivô Gédidi SaJésus gésisingé ahngô gôékea.

Romains 8:28

Menyani mbe Nzambé ayanza gôétônyepeda gô mabégô metso mabuéa gôndé wa n’anyô. Endé te nane gôndé wa n’anyô tôndé tômabambéô na Nzambé gamavanga amuene.

Romains 8:9

Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

I Corinthiens 4:17

Na dôta nanôkudégéa Timothée muanami amôtéma agô mbumu éaNzambé ône adigaa gôndé Kumu na mavôma. Anganôbangôéda mônongo amonyo ôdigaa me gô vitoone éndé me na Jésus‐Christ. Mônongoe ône te ône ôékéda me gô tunguye yetso didigaa mbumu éaNzambé.

II Corinthiens 1:11

Na anye nôndé gôéwedéa we vavovo anye na Nzambé gôndé we. Te nane Nzambé aabéa disambôye disambéda oma ayekani gôndé we. Gô éne éamôsôba éyanzéa Nzambé we, ayekani dôta angamôkuméda gô éangô.

Galatie 3:5

Nzambé eetsa anye Gédidi Sedi na ayanza va gatse anyô mabégô mamisôba manyônganéôni masoongôa môma ésupua. ?Ovénga, éetso éne te gôkenea anye migemie miedi‐a? ?Vo te vookô anye Tsangô éaJésus éékédu na veetsanye mitéma mianyô?

Galatie 4:6

Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta.

Philippiens 1:18

Ebandôe ékeangô éékéda ényepéyee, ésanyepéyee mbôôkô. Eekédéké. Tsangô éaChrist énigôganéô gô minongo mietso, na me neena te gényônga. Tsangatsika étsôkéa.

I Pierre 1:11

Apandôédi ahmabaka na géviôviô gôébuta éménya éyénza éngavigani na mônongoe ôngaba mabégô metso gô ndéôye yangô. Ahmabuta émenya gamabendu ahngô na Gédidi SaChrist géne gémabaka gô mitéma miaô. Gédidi SaChrist gémamenyeda ahngô maguga mangeena Jésus, na ôkumakee ôngaanda mangô gô ngima.