Philippiens 1:11 - New Testament in Mitsogo

¹¹ Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Philippiens 1:11 ပူးပေါင်းရင်းမြစ်များ

Matthieu 5:16

Tanédani gévede sanyô gôndé oma na vangeenahngô mayanza manyô mamisôba, angakuméda Tétanyô ône andé g’ôba.

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Jean 15:2

Mitabémie mietso miami mine misabôta miônda, Kumu amiwanga. Na mitabémie mietso mibôta miônda akeeda miangô gômbe mingabôta miônda ga kaka miagétabé.

Jean 15:8

Okô anye nôbôti miônda miyekani miangô te ésimee éamisôba, nôngamenyanganô mbe aneengi aJésus. Na Téta Nzambé angakumédu.

Romains 15:28

Vangagôga éyanzee éami gôéétsa asi Jérusalem dodeye dine, nangoota gôndé anye gôébuéa na gô Espagne.

Romains 6:22

Ivô ndéô nedué nôndé nômoobou gô mabégô mabévani. Na nôndé avéga akôô aJésus gôéyanzéa Nzambé. Tsoongone yanyô te môdigédi ômagôgéani ônyôngéô Nzambé. V’ékôdéôe angô te monyo ôsakôdéakani.

I Corinthiens 10:31

Nômbiatsapéô. Buéyé mbe aakani buéyé mbe nyuakani, buéyé mbe indakani pati ébégô, indakani metso te gôékuméda Nzambé.

II Corinthiens 9:10

Nzambé asabômu eetsa mbôtô gôndé môgaabi na môyakô gôémôbôngôa. N’angô dôta asabômu eetsa anye nyene mbôtô éne ényôngéô anye égaaba gôndé akanyô. Na Nzambé ayekeda éne émagaabôni gômbe géenzage géngeetsanye géngayeka gayeka miônda mibôta géétété.

Ephésiens 1:12

Tôkumédéni ôndombee na ôkumakee aNzambé. Tôndé anedi akuua gôédiia monyo ôtôténdédani gôndé Christ.

Ephésiens 1:14

Gédidi sedi te môkodi ôkata Nzambé wa n’anyô gôétôbangôéda môkuanya asô n’anyô omedi ômatôtsikéô gô géôbogeo. Nzambé atôsuméda mitémami mbe: Nômbiaba na mikebanganô gô môkuanya. Nôngadiia angô vangakôdéda me éyanza éami éetso. Tambô tôkumédéni ôndômbee aNzambé.

Ephésiens 2:10

Gôébégô tômavangô na Nzambé na tômakou gômatôvamba na Jésus‐Christ gômbe tôngaba na monyo ômadugani na mayanza mamisôba. Amuene amatôkônzéa mayanzame mane mbe tôngeenda mangô.

Ephésiens 5:9

Va tungune éndé gévede veenanô ésima éetso éamisôba, n’etsimama, na mabégô metso mapie.

Philippiens 4:17

Kaka mbe nabuta éetsô éôma ôbiia. Ivô nanyôngéô mbe anye nôséngu na Nzambé ôséngu veetsanye gébé na ninga.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 1:6

Tsangô Eamôsôba étsanzabana gô tsengeye yetso yava tsina. Ebuéda oma mabégô medi mamisôba gamabuéda yangô mangô na gôndé anye. Mabégôme mane mamisôba mandéké n’anye bandôa gô nyee ômapanganye éôkô mbe: Nzambé eena môma te ngeba. Na vane nômabandôa émenya na gô pie gakegea ngebaye dine.

II Thessaloniciens 1:12

Vane, ina aKumu asô n’anyô Jésus ékumédu na éditédu n’anye. Anye dôta nôngakumédu n’edi gô mate mangeetsô anye na Nzambé na Kumu asô n’anyô Jésus‐Christ.

Tite 3:14

Buedi mbe omee asô n’anyô, éékédu gatôwedéana wa n’anyône na wa n’anyôene gô mane mavôni matôgômbéôni. Enyepa mbe omee asô n’anyô agono na géétété gébôtani gô mayanza maô n’esimee éaô éamisôba, kaka ga géétété sagékômba.

Hébreux 12:11

Gô ndéô ésisédu môma, adéa na pievia éagésisédéô sedi gémenye mbe te ébégô éamôsôba. Tambô va mbene, ône amoongu ndongi gô gésisédéô gémeetsô angô, angadiia mamisôba te gô môdigédie wedi agétabé.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

I Pierre 4:14

Tsôkéakani. Eenani gényônga ôkô môma anôtoko gôndé anye oma aChrist. Gôébégô Gédidi géndéké n’anyô te géne sondômba aNzambé.