Philippiens 1:1 - New Testament in Mitsogo

¹ Oô te me Paul na Timothée tôndé ayanzie aJésus‐Christ, tônôkudéga gésangô gegé. Te gondé anye muetso asi mbumu éaNzambé nôndé gô môsenge aPhilippes, nômeetsa Jésus‐Christ mitéma mianyô gémôtsumé paga. Tônôtendéa dôta anye nôndé peeye na atômie agô mbumu éaNzambé.

Philippiens 1:1 ပူးပေါင်းရင်းမြစ်များ

Marc 13:34

Jésus angô mbe: Te gandé môma akea môtôô. Atsika ebedi na ayanzi edi. Eetsa ahngô ényangee. Atsikéa môma na môma n’edi éyanza. Avovo na môkenene ombee mbe: Ombieeboga vio.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Mayanzame 1:20

Oôkôni éne ématendu gô miganda miaMimbô mbe: Engaba mbe ebedi ôngatôtu Gôsangadôdigaa môma. Na ématendu dôta mbe: Gôngaba muene angaviagana g’ôtômue wedi gôéyanza.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Mayanzame 9:13

Ananias amatsunda na Kumu mbe: Ivô Kumu, oma ayekani amanigôa me mane mamômôgôô nône. Me tsabômu mane mabévani metso mameendangô omee woo gô Jérusalem.

Romains 1:1

O te me Paul môyanzine aJésus-Christ. Nzambé amasevoa me na amakudéga me. Namatômu na Jésus gôéékéda Tsangô éedi Eamôsoba.

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

I Corinthiens 16:10

Okô Timothée atsigi gôndé anye, keneani angô buedi. Wa n’edi tôndé te éyanza évo éaKumu Jésus.

II Corinthiens 1:1

O te me Paul namasevou na namatômuku na Jésus‐Christ gamanyôngéô Nzambé. We tôvovoni te me Paul na muana aTétee n’asô n’anyô agô mbumu éaNzambé, Timothée. Gésangô gegé te sanyô asi mbumu éaNzambé nôndé gô môsenge aCorinthe na gô tsengene nyetso éaGrèce.

Galatie 1:10

?Vavovo me nane nômenya mbe me nabuta ékumédu n’oma‐a? Aé. Navovo nane te mbe nangakumédu na Nzambé. ?Nômenya mbe nabuta ényônganéô n’ôma‐a? Aé. Okô nabuti ényônganéô n’oma tambô tsaba môyanzi aChrist.

Galatie 3:26

We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.

Galatie 3:28

Tambô gôsabadô ôkabô va gatse Ajuif n’ane ahsaba Ajuif, va gatse avéga n’ane asaba avéga, va gatse amôgôô n’ageto. Muetso tôndé môvo na vitoo na Jésus‐Christ.

Ephésiens 1:1

O te me Paul namasevou na Nzambé na namatômu na Jésus‐Christ gôétsua tsangô éedi. Nanôtendéa, anye asi mbumu éaNzambé nôndé gô Ephèse. Anye nôsitatôané gô vitoone éndé n’anye na Jésus‐Christ.

Ephésiens 1:15

Me Paul nootéa évovo na Nzambé gô mabégô mabaé. Ene éamapanga te metso mane mamayanzéa Nzambé wa n’anyô. Ene éamôbaé te gômookô me kumane yanyô gameetsanye Kumu Jésus mitéma mianyô gébé na paga na gandé anye na vitoo n’asi mbumu éaNzambé muetso.

Ephésiens 6:24

Te mbe mate maNzambé mabaké gôndé muetso ane anyôngéô Kumu asô n’anyô Jésus‐Christ na vitoo ésagogakani.

Philippiens 2:19

Okô Kumu Jésus asingi ganyôngéô me, nanganôkudégéa Timothée. Na vanganika angô n’eva, anganigôa me tsangône yanyô gôékasôgéda me.

Philippiens 2:5

Anye bakani na ôtasédie ôndé na amuene Jésus‐Christ.

Philippiens 3:12

Me tsaba n’etasa mbe ne namani édiia éne émagényôga me pitsi yetso gôédiia. Me tsaba n’etasa mbe me namani ébôngama. Ivô neenda gandé ane akea pita gô tsaé gôédiia éne éamôsôba éndé gô ékôdéô. Nagémbôga gôéwesea na gôétsôpa éne éamôsôba, mônongovo gamatsôpu me dôta na Jésus‐Christ.

Philippiens 3:3

Gégeetéôge saô kaka géne sapie. Géne sapie te géne sasô n’anyô tôseetsa mitémamie gô ésôgee na gô ésimee éotô. Tôtsôkéa te Jésus‐Christ na tôyanzéa Nzambé gô ngudi yaGédidi sedi.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

1 Thessaloniciens 1:1

Oô te me Paul na Silas na Timothée tônôkudéga gésangô gegé. Sangô te sanyô, asi mbumu éaNzambé gô môsenge aThessalonique. Nôndé oma aTéta Nzambé na aKumu Jésus‐Christ. Tônyôngéô mbe mate medi na gétabé sedi gébaké gôndé anye.

1 Thessaloniciens 2:2

Nôsabômu dôta mbe me n’egétsigaka na gôndé anye gô Thessalonique, namapanga étubédu maguga gô môsenge ôtetu mbe Philippes. Ivô Nzambé ameetsa we bôkédé gôénigôa anye Tsangô éedi Eamôsôba, buéyé gamadenga we gékuanô gévôni.

II Thessaloniciens 1:1

Oô te me Paul, na Silas na Timothée. Tônôtendéa gésangô gegé, anye asi mbumu éaNzambé gô môsenge aThessalonique. Anye nômavamba na Tétasô n’anyô Nzambé na Kumu asô n’anyô Jésus‐Christ.

II Thessaloniciens 1:10

Engabuéa te gô ndéône éngavigangô gôéneegedu n’asi mbumu éedi na gôékumédu n’ane amamôétsa mitémamie. N’anyene nôngaba wangô gôébégô nôsitsumé paga gô meekédume mamanigôa we anye.

I Timothée 1:2

Nagôtendéa gésangô gegé éwe Timothée, ôndé muanami amôtéma agô mbumu éaNzambé. Nanyôngéô mbe Tétasô n’oo Nzambé na Kumu asô n’oo Jésus‐Christ agôétsa mate medi, na agôtubéda ngeba yedi na agôsuméda môtéma.

I Timothée 3:8

Gôndé ane ameetsô ényangee gôéwedéa asi mbumu éaNzambé te mônongovo. Abaké oma esima éamisôba, kaka na miônya mibaé. Abaké gébé na gésima senyua maduku mayekani. Abaké môma asayanza na buembe gôédiia dode.

Tite 1:1

Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.

Tite 1:7

Endé te nane. Pene étôma mbumu éaNzambé andé n’eyanza évôni gôéweseda gésaô saNzambé gô mbene na gô mbene na gétabé. T’ebandô gôndé angô ésanyepa mbe gôôkanô ta na vibégô vianzongodi. Te buedi mbe môma nône abaka gébé na bôpeeo, na gébé na ôpisa, na gébé na gésima senyua maduku. Abaké gébé môgenyi na gébé n’onzôô adode gôédidiia gô divooti na gô diboe.

Philémon 1:1

Oô te me Paul, nandé gô eba atsôgôô gô mabégô metso maJésus‐Christ. Wa na muana aTétee n’asô n’anyô agô mbumu éaNzambé, Timothée tôgôtendéa. Tôgôtendéa Philémon, ôndéké na vitoo n’asô gô éyanzee édué.

Hébreux 13:23

Nôngeena buedi gôéôkô mbe muana aTétee n’anyô, Timothée amakusédu gô eba atsôgôô. Okô ayavôgi étsiga na vandé me nangaviga n’edi na gôndé anye.

Jacques 1:1

Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.

I Pierre 2:25

Anye nômagonoko ga mandombo madimbanéyiô nzéa, ivô n’atsatsee nôniki na gôndé Christ môbôngôyi anyô na môkeneyi anyô.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

Jude 1:1

O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.

Gétsutsuéô 1:1

Gô gésangô gegé nôngookô tsangô éamane mamatsutsua Jésus‐Christ. Nzambé amasingéa Jésus‐Christ gôétsutsua mangô gômbe angatévéda ayanzi edi mane mangabuéani. Amakudéga môsi g’ôba na gôndé môyanzi edi Jean, gôémôtévéda mabégô mema.

Gétsutsuéô 1:20

Oeni éne ésamenyanganôni éav’esooe éaminanga tsambué miena éwe sumbéda g’ôgogo ami ômôgôô na éne éeni éwe évumbéô tsambué éadambi éangôéé. Minangamie tsambué te asi g’ôba amavigédu na Nzambé andé gôékenea asi mbumu éedi gô mbôkaye tsambué. Evumbéô tsambué éadambi te asi mbumu éaNzambé gô mbôka tsambué.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.

Gétsutsuéô 2:12

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékénéa asi mbumu éedi gô mbôka ééndô mbe Pergame. Oôkéôni ndongi divovo ône andé n’ebaga amengô.

Gétsutsuéô 2:8

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Smyrne. One andé v’ebandô ametso te angô andé v’ekôdéô ametso. Na ône amawani te angô amakundugani, andé na monyo ôsakôdéakani anôétsa ndongi yedi. Oôkéôni angô.

Gétsutsuéô 22:9

Ivô angô amasemba me mbe: Ombiayeega éneegeda me. Me te môyanzi gandé éwe na gandé ana aTétee n’oo, apandôédi amatasa maNzambé na gandé muetso ane ahgobeda ôgie amiganda miemi. Nôneegeda te Nzambé.