Philémon 1:17 - New Testament in Mitsogo

¹⁷ Okô mbe wa n’oo tôndé n’evamba, tambô kenea Onesime ti eembe te me.

Philémon 1:17 ပူးပေါင်းရင်းမြစ်များ

Matthieu 10:40

One asinga anye, asinga dôta na me. One asinga me asinga dôta na ône amatôma me.

Matthieu 18:5

One agobeda viana gandé évi gô inami agobedi te na me.

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Mayanzame 16:15

Môgeto nône ameetsô bateme, angô na asi ebedi muetso. Vane amabambéa we mbe: Okô anye nômenyi na gô pie mbe me neetsi Kumu Jésus môtémami wetso, tambô vigani nôvidigaa gô ebami. Asinyôngéô mbe we tôkina.

II Corinthiens 8:23

Gôndé Tite, nôsabômu mbe te wa n’edi tôyanza géômbé gôndé anye. Géé avo aviga n’edi madeo nôsiena ahngô, menyani mbe ahmakudégu te n’asi mbumu éaNzambé gôékuméda Jésus‐Christ gô éyanzee éaô.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

I Timothée 6:2

Môvéga asakina égobeda kooko edi môma ameetsa Jésus môtemee, tsangô mbe ahngô muetso andé ana aTétee avitoo gô mbumu éaNzambé. Ene éamôsôba te mbe môvégee nône ootéé émôyanzéa na géneega gôébégô éne ékusa gô éyanzee éedi ésadimbana gô môkii, éndé te éagô mbumu éaNzambé. Timothée, ôeni éne éngeekéda éwe.

Philémon 1:10

Me nagôgondo gô ébégôe ésungéa me Onésime. Angô te muanami gô ina aChrist. Me naka tétedi agô mbumu éaNzambé gômatévéda me angô nzéane gôéwesea na gôndé Nzambé gôévamba n’edi, tôndé gô eba atsôgôô.

Philémon 1:12

Angô te gandé géeme gévo sagô ôtôe wami. Nagôkudégéa angô.

Philémon 1:18

Okô agôbévédi ébégô, buéyé mbe agôsombeyi môtete, eetso éne, ôbono te me.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

I Jean 1:3

One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.