Mayanzame 8:9 - New Testament in Mitsogo

⁹ Gômabaka mômôgôô môvo, inedi Simon. Amabaka na mbeego gô môsenge ône. Amayanza étsutsuku na mavétô. Amanyôngéô mbe asi Samarie asôbasôbana na aséngaka angô ôséngu. Amanyemôga mbe: Me te môma môvôni.

Mayanzame 8:9 ပူးပေါင်းရင်းမြစ်များ

Jean 7:18

Jésus angô mbe: One avovo gô ényangee éedi amuene abuta ékumédu. Ivô ône ayanza mbe môtômine wedi akumédu asangapata. Na mane medi metso te mapie matévo.

Mayanzame 13:6

Ahmananga na néngéne nyetso ngu na môsenge aPaphos. Gône amadenga nganga éénda mavétô, inedi Bar-Jésus. Angô Môjuif ameenda mbe: Me te môpandôédi amatasa maNzambé.

Mayanzame 13:8

Ivô ngangane éamavétô, inedi g’ôgi aGrec te Elymas, amavinga Barnabas na Saul. Na asinyôngéô mbe môtômi atsenge eetsa môtémedi gô meekédume maô.

Mayanzame 5:36

Bangôani gabaki mômôgôône atetu mbe Theudas, ngima akôdôtsé éva. Môsi nyemone ône amaatubéda gandé môma môvoni na amaandô n’aneengi edi mikama minayi miamôgôô. Amayôhu. Aneengi edi amapanzangana. Meekédu medi mamadimbana. Na inedi ésookanô.

Mayanzame 8:11

Amamookéô na amamôgobeda gôébégô amayanza mavétô medi na mbeego gômbe oma angamôsénga na angatsapéô.

II Thessaloniciens 2:4

Môdudeo nône angaboa nyemo mbe: Mane maneegedanye mane, masaba na tsoongo. Me nootéa mane maNzambé metso. Gô eba ôneegeda Ajuif Nzambé, môdudeo nône angadigaa gô tsongo éadisambô éndé gédigaa saNzambé. Na angeenda mbe: Me te Nzambé.

II Timothée 3:2

Engaba te nane. Oma angaba na guma n’onzôô okiti, na nyemo na bôpeeo. Angeenza Nzambé na asangagobeda iyee yaô na tétee yaô. Angaba na bôkôsô. Asangaditéda Nzambé na mabégô medi.

II Timothée 3:5

Gô ndéôye dine, oma angagésangana gô gésôga ti eembe andé gôégobeda Nzambé tambô asavamba na ngudi yedi. Kina évamba n’omee amônongoe ône.

II Pierre 2:18

Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.

Gétsutsuéô 22:15

Ane asangeengéa gô môsenge na ahngaba gô mbadi, te oma asagô na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.