Mayanzame 8:1 - New Testament in Mitsogo

¹ Na vane Saul amanyôngéô gamayôhu Etienne. Nyaa ômayôhu Etienne, te nyaa ômabandôa gékuanô gévôni sasi mbumu éaNzambé agô Jérusalem. Angô muetso buétsé te ane amatômukuni, amapanzangana na gô tsengeye yaJudée na Samarie.

Mayanzame 8:1 ပူးပေါင်းရင်းမြစ်များ

Matthieu 22:6

Avo amatsôpa ane amatômukuni gôéabômôa na gôéayôha.

Matthieu 23:34

Oôkôni buedi édué. Nangatôma avo apandôédi amatasa maNzambé na oma eodo, n’oma agéneenga gévôni na gôndé anye. ?N’anye nôngaba n’ahngô nayee? Me tsabômu mbe anye nôngayôha avo. Na nôngabôkéda avo va gésumu sowa. Avo dôta nôngabita ahngô na mibitô mievongo gô yeba yanyô yewanyéô. Nôngayunza ahngô mbôka yetso.

Matthieu 5:13

Anye nôndé ga vianga gô tsengene. Okô vianga visabadô na duegi ?môma oongôa évinikéda duegine nayee? Okô viangavie visiba na duegi vingagunyu na gô mbadi, na oma angaviyeta.

Jean 15:20

Bangôani éne émanigôa me anye mbe gôsaba môyanzi ootéa kumu edi. Okô mbe oma akuana me, angakuana te n’anye muetso. Okô mbe oma amagobeda meekédu mami, angagobeda te na mane manyô.

Jean 16:2

Oma anganôpatsa gô yeba yewanyéô. Gô ndéô divigani oma anganôyôha na angeenda mbe: Gôyôhi we môma nône, we tôyanzéyi Nzambé ébégô éamôsôba.

Mayanzame 1:8

Menyani mbe anye nôngadiia ngudi vangaviga Gédidi SaNzambé na gôndé anye. Anye nôndéké mbangi yami na nôngatsua tsangô éami gô Jérusalem, na gô tsengeye yetso yaJudée, na yaSamarie, na ngu na tsengeye disibuéôkô na mbeego yagô makôdéô matsinane.

Mayanzame 13:1

Va gatse asi mbumu éaNzambé gô Antioche gômabaka apandôédi amatasa maNzambé na eékédie. Ahngô te Barnabas, na Siméon (eendô mbe ône anzue) na Lucius (amaviga gô Cyrène). Na avo dôta te Manaën, (ône amabôngôu gô eba aHérode môtômi atsenge) na Saul.

Mayanzame 13:36

Gô ndéône yedi, David amayanza gésaô gémanyôngéô Nzambé. Na amawa. Amagunya va kôbangô atétee yedi. N’otô edi ômaboo.

Mayanzame 2:47

Ahmakuméda Nzambé. Amanyônganéô n’oma muetso. Minya mietso Kumu Jésus amoombaka ékôndéga gô mbumu éaNzambé ane amoobogokoni.

Mayanzame 22:20

Na vamayôhu môyanzi oo Etienne, me namabaka te wangô. Namayôngéô ti nyôngéô. Namakenea ngoye yane amamôtumakani.

Mayanzame 26:10

Gô Jérusalem me nameenda te nane. Na va mbenene vane nameetsô na tsesu yadeekedi adigondoku ényangee gôéengéda ayekani ane ameetsa Jésus mitémamie na gô eba atsôgôô. Vameesédu ahngô gôéwa, me namanyôngéô.

Mayanzame 5:18

Ahmatsôpéda ane amatômukuni na ameengéda ahngô na gô eba atsôgôô.

Mayanzame 5:20

Kiakani. Nôketema gô eba aNzambé. Nôkeékéda oma gakegea monyo aNzambé gô mitéma mioma.

Mayanzame 5:33

Ane amakôvu gô kundu amakambôga vamookô ahngô mabégôme mane. Amanyôngéô éyôhéda ane amatômukuni.

Mayanzame 5:40

Amanikéa ébambéa ane amatômukuni. Amabitéda ahngô na amadékéda ahngô mbe: Nômbioomba éekéda gô ina aJésus. Na ameenda ahngô mbe: Kiakani.

Mayanzame 7:38

Bangôani mbe Moïse te ône amakénga na omee asô n’anyô gô tsenge émagasani. Amabaka na peeye yasô n’anyô. Amabaka gékambi va gatse ana aIsraël na môsi g’ôba amavovo n’edi gô ngongo amôkôdi aSinaï. Ameetsô na Nzambé mabégô mavôni matôétsa monyo, na amatsika mangô gôndé wa n’anyô.

Mayanzame 7:54

Asi kundu épôni éAjuif ahmakambôga vamookô ahngô mane mamanigôa Etienne. Ahmagéa ngeko g’ôpisee ômookô ahngô.

Mayanzame 7:58

Ahmamôtsua na gô étumba éambôka. Na ahmamôtuma na mataé gôémôyôha. Atubie ebégôe amanôtôa ngoyiye dipôni na amadivumba vandé mômôgôône atetu mbe Saul, mbe akenea yangô.

Mayanzame 8:14

Ane amasevou na amatômuku na Jésus amabaka gô Jérusalem. Amookô tsangô mbe asi Samarie ameekédu na amasinga Ogi aNzambé. Vane amakudégéa ahngô Pierre na Jean.

Mayanzame 8:2

Avo amôgôô agobedi aNzambé, amakea gôégunya Etienne na amadéa ti gegeto g’ôwee wedi.

Mayanzame 8:4

Ane amapanzaganani amakiaka gô tunguye yetso gôébeenda Tsangô Eamôsôba éaJésus-Christ.

Mayanzame 8:5

Philippe amakea gô môsenge ôndé gô tsenge ééndô mbe Samarie. Amanigôa asi môsenge ône Tsangô éaChrist, ône amasevou na Nzambé.

Mayanzame 9:31

Gô tsengeye yaJudée na Galilée na Samarie, asi mbumu éaNzambé amabaka gô gétabé. Amasipa na ahmoodo gô mabégô manzéa éaKumu Jésus. Ahmakea na gô mbene gômookô ahngô Kumu Jésus gomo. Gô ngudi yaGédidi SaNzambé ôtangôe waô ômakôndama te kôndama.

Romains 1:32

Asabômu mbe gôndé môtsundu owa va mbene aNzambé gô mabégô mayanzahngô mabévani. Buéyé nane, oomba te éénda mayanzame maô masagô. Na va ngongone vane atsôkéa vadiiangô môma gôéyanza mane mabévani meendahngô anguene.

Philippiens 1:12

Ana aTétee n’ami asi mbumu éaNzambé, nanyôngéô mbe nônigôgéô ébégôe édué. Mane mamabuéa gôndé me masibévé bévaga. Ivô mamanyepa gômaweseda mangô Tsangô Eamôsôba éaJésus‐Christ gô mbene na gô mbene na gô dipo tungu.

Hébreux 11:27

Moïse ameetsa Nzambé môtémedi wetso na asitsumé ngudi yedi paga gôénôtôga gô Egypte. G’ôpisa amôtômine atsenge asiene gomo. Amasipa ti eembe ameena Nzambé, ône aseenanôni, na miso medi na kiaa.