Mayanzame 6:1 - New Testament in Mitsogo

¹ Gô ndéô nene ôtangô aneengie aJésus ômakôndama. Ajuif amavovo ôgi aGrec amasanganédana na Ajuif amavovo ôgi aHébreu. Angô mbe: Mikué miasô misakeneo gakeneo mine mianyô. Nyaa wetso gô ndéô ékabô môyakôe, mine miasô misadiia kuanakue.

Mayanzame 6:1 ပူးပေါင်းရင်းမြစ်များ

Matthieu 23:13

Jésus amavovo mbe: Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Anye nôkukégéa oma ôkuké ag’ôkumu aNzambé. Anyene nôseengéa gô angô, na nôsatsika ane anyôngéôni mbe eengéa. [

Mayanzame 11:20

Buéyé nane, avo ane ameetsa Jésus mitémamie amatimôga gô Chypre na gô Cyréne gôékea na gô Antioche. Gône ameekéda buéyé n’ane ahsaba gô éongo éAjuif. Amanigôa ahngô Tsangô Eamôsoba éaKumu Jésus.

Mayanzame 11:26

Vamamôdengangô, ahmanika muetso abaé na gô Antioche. Amanana wangô môpuma amôbongo va gatse ambumu éaNzambé. Ameekéda oma ayekani. Aneengie amatetu mbe oma aChrist. Inee éne émabandôa te gô Antioche.

Mayanzame 11:29

Aneengie amavangana anguene gôéwedéa akaô. Angô mbe: We muetso, môma na môma tôngeetsa éne éndéké n’asô gôékudégéa ana aTéta asi mbumu éaNzambé adigaa gô Judée.

Mayanzame 2:41

Tambô ane amasingaka mabégô mamavovo Pierre ameetsô bateme. Gô nyoone, mbumu éaNzambé émoomba ékôndama mitônisa mitatô mioma.

Mayanzame 2:45

Ahngô amasômbédaka yeba yaô na yômee yaô, na amakabanaka gamadiiangô. Ameetsô môma na môma gô mônongoe ômabaka na angô ôgômbô.

Mayanzame 2:47

Ahmakuméda Nzambé. Amanyônganéô n’oma muetso. Minya mietso Kumu Jésus amoombaka ékôndéga gô mbumu éaNzambé ane amoobogokoni.

Mayanzame 4:35

amaditsua na gôndé ane amatômukuni. Ahmakabanéa muetso dikabô gô éne émagômbéôkô angô môma na môma.

Mayanzame 4:4

Ivô ayekani ane amookô meekédume mane ameetsa Jésus mitémamie gémôtsumé paga. Otangôe asi mbumu éaNzambé ômakôndama ômabaka ôkana amitônisa mitayi mioma.

Mayanzame 5:14

Géômbé gévôni samôgôô n’ageto ameetsa Jésus mitémamie gébé na paga gôévamba n’asi mbumu éaNzambé. Na amoomba ékondama ôtangôe waô.

Mayanzame 5:28

Tômadékéda anye na môge mbe: Nômbiekéda gô ina amômôgôô nône, eendô mbe Jésus. ?Anye nômeenda nayee? Anye nômatsanzabanéda meekédume manyô gô môsenge wetso aJérusalem. N’anye nôétsa we ôési g’ôwa amômôgôô nône.

Mayanzame 6:2

Ane amatômukuni amakôva aneengie muetso. Na amavovo n’ahngô mbe: Gôndé we éékédi tôsoongôa étsika éékéda Ogi aNzambé, tôkea gôékaba môyakô.

Mayanzame 6:7

Mabégô maNzambé mamoomba étsanzabana pepe. Otangôe aneengie ômakôndama pepe gô Jérusalem. Adeekedi ayekani adigondoku ameetsa Jésus mitéma miaô gémôtsumédô paga.

Mayanzame 9:29

Amanigôana n’Ajuif, ane amavovo ôgi aGrec. Ivô omee ane amabuta émôyôha.

Mayanzame 9:39

Pierre amayavôga ékea na ane amaviga na môkudégee. Vamatsigahngô gô Joppé amakea na Pierre na gô tsongone éagô ngongo eba. Mikué muetso amaweséa na vandé Pierre ahdéa. Agetoe ane ahmamôtubéda édénga na ngoyiye dimatuba Dorcas vamabangô agédôngaka.

Mayanzame 9:41

Pierre amamôtsôpa g’ôgogo na amamôwedéa gôétema môtie. Pierre amabambéa ane ameetsa Jésus mitémamie mbe: Ingéani. Nôeni gôkundugi môkanyô.

Romains 12:7

Na ône andé na môgôô gôéwedéa môkedi, awedéké. One andé na môgôô gôéékéda, eekédéké.

I Corinthiens 10:10

Nômbiavovo na Nzambé na tsévi gameenda avo va gatse aô na ahmayôu na môyanzi aNzambé, môsi g’ôba amaviga n’owa.

II Corinthiens 11:22

?Ane asingana n’anye te asi ôgi aHébreu‐a? Me dôta tsavovo gémbéta, me to môsi ôgi aHébreu. ?Ahngô te asi éongo éaIsraël‐a? Me dôta te môsi éongo éaIsraël. ?Tétaô te Abraham‐a? Na me muetso, téta te Abraham.

Philippiens 3:5

Namageetu te naka pitsi génana. Namabôtu gô éongo éaIsraël. Ebôta éami te Benjamin. Ogie apie agébé gémbéta ômabôtu me te Hébreu. Gôékenea mige na mitôma miAjuif nameengéa gô géômbé sApharisien.

I Timothée 5:3

Gôndé mikué miageto asaba na kinde ôtubéda ahngô ngeba.

I Timothée 5:9

Gô gésangôge sanyô samikué, ôtenda te ane adômbéni aka na nzima môtôba yamipuma na va mbene. Otenda te ône amabaaô na mômôgôô môvo.

Hébreux 13:1

Nômbiatsika ényônganéôe éndé n’anye éavitoone, nôndé gô mbumu éaChrist.

Jacques 1:27

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.

Jacques 4:5

Nôtasa mbe Matendeo MaNzambé matôbeenda bobo mbe: Nzambé anyôngéô, ti v’ekôdéô ényôngéô, gédidi gémavumbangô gôndé wa n’anyô.

Jacques 5:9

Nônatsuavana anyene n’anyene, kabaga nôesédu na Nzambé. Aanakani, môtsundédine aka v’ombaa.