Mayanzame 5:32 - New Testament in Mitsogo

³² We adua tôndé mbangi éamabégôme matôvovoni éma. Te we adua na Gédidi gémeetsa Nzambé gôndé ane amôgobedani.

Mayanzame 5:32 ပူးပေါင်းရင်းမြစ်များ

Jean 7:39

Jésus amavovo nane gôépandôéda gangaviga Gédidi SaNzambé gôéengéa na gôndé ane eetsa Nzambé mitémamie miaô. Ivô gô ndéône ématemangô gôévovo, Gédidi SaNzambé gémabaka madeo gésisuma gôébégô amuene Jésus amabaka te madeo asikea na g’ôba gôndé Nzambé.

Mayanzame 1:8

Menyani mbe anye nôngadiia ngudi vangaviga Gédidi SaNzambé na gôndé anye. Anye nôndéké mbangi yami na nôngatsua tsangô éami gô Jérusalem, na gô tsengeye yetso yaJudée, na yaSamarie, na ngu na tsengeye disibuéôkô na mbeego yagô makôdéô matsinane.

Mayanzame 10:44

Vamabaka Pierre andé gôévovo, Gédidi SaNzambé gémasuma na gôndé ane amabaka gôéôkô meekédume mamaviga n’edi.

Mayanzame 13:31

Gô pitsi diyekani Jésus amatsutsuga kuka yetso gôndé ane amanôtôga n’edi gô Galilée gôékea na gô Jérusalem. Deo noo ahngô andé mbangi yedi gôétusa tsangô éedi na gôndé akaô oma aIsraël.

Mayanzame 15:28

Tôvangi gôénôtendea ébégô édué. Na vane Gédidi SaNzambé géwanyédi na we moonga gô éangô. Ebégôe te mbe tôsoongôa énôkatéa égumba éditani éapingô yamige. Tônôbangôéda te mivo mivôni mimatsikéô we va mbeego mbe nôkenea te mine.

Mayanzame 2:32

Nzambé amakundua te Jésus ôdôô. Na wa n’anyô muetso tômôeni na tômôôkiô.

Mayanzame 2:4

Gédidi SaNzambé gémeengéa gô mitéma miaô na gémamiyuéséda na ngii. Omeaa amabandôa évovo yaanga yôgi disiikédu ahngô. Amavovo gamatévédu ahngô na Gédidi SaNzambé gôévovo.

Mayanzame 5:29

Pierre n’akedi ane amatômukuni amasiia mbe: We tônyôngéô te égobeda Nzambé, kaka oma.

Romains 8:16

Gédidige sedi géwanyéda moonga na géne sasô n’anyô oma mbe na gô pie tôndé ana amabôtu gô mbumu éaNzambé.

II Corinthiens 13:1

Odôô te môtôôe amôtatô ôviga me na gôndé anye. Matendeo MaNzambé matônigôa mbe: Emoni ébaé, étatô ésoongôa épata ébégô.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.