Mayanzame 5:12 - New Testament in Mitsogo

¹² Ane amatômukuni amayanza va gatse oma émbégéa éyekani éangudi yaNzambé na mabégô mayekani mamisôba masoongôa môma ésupua. Ane ameetsa Jésus mitémamie amaduga muetso va komo ééndô mbe Salomon.

Mayanzame 5:12 ပူးပေါင်းရင်းမြစ်များ

Marc 16:20

Aneengie ahmakea tunguye yetso gôéékéda Tsangô Eamôsôba. Kumu Jésus amayanza n’ahngô. Mabégô manyônganéôni masoongôa môma ésupua mamayanzahngô mamatubéda oma mbe meekédume éma ti mapie.]

Jean 10:23

Jésus amakénga gô gatse eba aNzambé gô tsina ombaa ôvôni ôtetu mbe ômbaa aSalomon.

Jean 4:48

Jésus amavovo n’edi mbe: Anye nômakaaô na paga géôngôé éétsa me mitémamie mianyô buétsé te nôpanga éena émbégéa étsapanéôni na mane mamisôba mayanza me gôétubéda ngudi yami.

Mayanzame 1:14

Ahngô muetso amakôkangana vavo kuka yetso gôévovo na Nzambé. Ahngô na agetoe, na Marie yeene aJésus na aneyee amôgôô aJésus.

Mayanzame 14:3

Paul na Barnabas amadinga gô Iconium. Ameekéda na bôkédé. Mitéma miaô mietso te gôndé Kumu Jésus. Nzambé dôta ameetsa mate na amatubéda émbégéa éangudi yedi gôéwanyéda na meekédume maô moonga, mbe ahsapata. Embégée te vameetsô Paul na Barnabas ényanga gôéénda mabégô mavôni manyônganéôni masoongôa môma ésupua.

Mayanzame 16:18

Môgeto nône ameenda nane ti pitsi diyekani. Na Paul amabévéô. Nyovo amagéngôga na amavovo na Gédidi gébévani mbe: Gô ina aJésus-Christ, nagôtôma mbe kusa gôndé môgeto nône. Tsina na tsina gédidige géne gémakusa na gémanôtôga gôndé môgeto nône.

Mayanzame 19:11

Nzambé amayanza émbégéa éangudi yedi na Paul, gô mabégô mavôni manyônganéôni masoongôa môma ésupua.

Mayanzame 2:46

Minya mietso amabaka gô eba aNzambé gévéé. Amabukua mipemba gô yeba yaô na amaaka miyakô miaô na gényônga na mitéma mimasumani.

Mayanzame 28:9

Na vane abeeyie muetso amabaka gô néngéne amaviga na amadôngédu.

Mayanzame 3:11

Gékonzoge gémadôngéduni gésiaagané na Pierre na Jean gô eba aNzambé. Muetso amatsapéô na amakôkangana na vandé ahngô atatô va komu épôni ééndô mbe Komu éaSalomon.

Mayanzame 4:30

Konyo ôgogoe woo gômbe oma angadôngédu. Na mbe émbégéa éngeendôni na mabégô manyônganéôni masoongôa môma ésupua mangeenanô. Singa mabégô mema meendô gô ina aJésus môyanzi oo amatsimamani.

Mayanzame 9:33

Gô Lydda amadenga mômôgôô amakata éeyo, inedi Enée. Amabaka yama v’ekoko te aka mipuma génana n’ebeea éne.

Mayanzame 9:40

Pierre amapatsa oma muetso mbe: Kusani. Amasiba mabongo medi gôévovo na Nzambé. Amagéngôga gôébono nzumbine na amamôénda mbe: Tabitha, timôgaka. Môgetone amapôa misome. Vameenangô Pierre, amadigaa.

Romains 15:19

Amayanza na me gôétubéda émbégéa éangudi yedi, na gô mabégô manyônganéôni masoongôa môma ésupua, na gô ngudi yaGédidi SaNzambé. Te gameekéda me Tsangô Eamôsôba éaJésus-Christ, bandôa gô Jérusalem na nzéaye yetso dine ngu na gô tsenge éaIllyrie.

II Corinthiens 12:12

Mane mamayanza me va gatse anyô n’obibô na môvinéné na gétabé, mamatubéda mbe na gô pie namasevou na namatômuku na Christ. Mayanza mami te émbégéa éangudi yaNzambé na mayanza maGédidi sedi, na mabégô mamisôba matsapéô môma masoongôa angô énigôa.

Hébreux 2:4

Nzambé ameetsa ôgie ône ényanga gômatubéda angô émbégéa éangudi yedi na mayanza masôbasôbana oma, na gômayanza angô mabégô mavôni manyônganéôni masoongôa môma ésupua. Na gôétubéda mbe ôgie ôsapata akaba ganyôngéô angô migôô miviga na Gédidi sedi.