Mayanzame 4:30 - New Testament in Mitsogo

³⁰ Konyo ôgogoe woo gômbe oma angadôngédu. Na mbe émbégéa éngeendôni na mabégô manyônganéôni masoongôa môma ésupua mangeenanô. Singa mabégô mema meendô gô ina aJésus môyanzi oo amatsimamani.

Mayanzame 4:30 ပူးပေါင်းရင်းမြစ်များ

Jean 4:48

Jésus amavovo n’edi mbe: Anye nômakaaô na paga géôngôé éétsa me mitémamie mianyô buétsé te nôpanga éena émbégéa étsapanéôni na mane mamisôba mayanza me gôétubéda ngudi yami.

Mayanzame 2:22

Pierre amavovo mbe: Anye oma aIsraël, ôôkôni mabégô mema. Nzambé gô inedi ameetsa anye Jésus môsi Nazareth. Enyanga éndé n’edi éaNzambé émeenanô gô mane mameendangô va gatse awa n’anyô. N’anye nôsabômu gameenda Jésus mavétô, n’embégéa éangudi yaNzambé, na mabégô manyônganéôni masoongôa môma ésupua.

Mayanzame 2:43

Oma muetso ameena gomo gô ényanga émabaka na ane amasevoukuni na amatômukuni vameendangô émbégéa éangudi yaNzambé na mabégô mamisôba masoongôa môma ésupua.

Mayanzame 3:13

Menyani mbe Nzambé, ône amaneegedu na Abraham na Isaac na Jacob, te Nzambéne émaneegedu na peeye yasô n’anyô, ameetsa ôndômbee wedi wetso gôndé môyanzi edi Jésus. Te ône amadeekeda anye na gôndé ane atômani. Nômamôtôna va mbene aPilate buéyé gamamyôngéô amuene Pilate émônzeegeda.

Mayanzame 3:16

Inee éaJésus éne éndéké na ngudi. Gékonzoge gésabômu anye na géenanye egé, gédôngédiô te gô ngudi yaina aJésus ésitsumé angô paga. Gôétsi angô Jésus môtémee wetso gébe na paga, te gadôngédiô angô. Te geenanye angô nane.

Mayanzame 3:6

Pierre amavovo n’edi mbe: Gôndé me, tsaba na sôma ta na dode ta na dodo mbe nagôétsa éangô. Ivô éne éndéké n’ami, nagôétsa éangô. Gô ina aJésus-Christ môsi Nazareth, timôga. Kiaka na makôdô moo.

Mayanzame 4:10

Vôtaganganôni ébégô édué anye nôévôi we. N’anye oma aIsraël muetso, vôtanganôni édué. Mômôgôône ôdôô atema môtie na makôdô medi va miso manyô te gô ina aJésus-Christ môsi Nazareth, ône amabôkédanye va gésumu sowa. Te ône amakunduu na Nzambé g’ôwa.

Mayanzame 4:27

Ah Nzambé, te gô môsenge ôdôô mbe Hérode na Ponce Pilate amavanga gépangô na mavo mongo na mabôta metso maIsraël. Amavangéa gépangô gôndé Jésus, môyanzi oo amatsimamani, ône amasevoa éwe.

Mayanzame 5:12

Ane amatômukuni amayanza va gatse oma émbégéa éyekani éangudi yaNzambé na mabégô mayekani mamisôba masoongôa môma ésupua. Ane ameetsa Jésus mitémamie amaduga muetso va komo ééndô mbe Salomon.

Mayanzame 6:8

Mate maNzambé mamabaka na Etienne gôémôétsa ngudi dipôni. Amatubéda oma émbégéa éangudi yaNzambé na mabégô manyônganéôni masoongôa môma ésupua.