Mayanzame 3:6 - New Testament in Mitsogo

⁶ Pierre amavovo n’edi mbe: Gôndé me, tsaba na sôma ta na dode ta na dodo mbe nagôétsa éangô. Ivô éne éndéké n’ami, nagôétsa éangô. Gô ina aJésus-Christ môsi Nazareth, timôga. Kiaka na makôdô moo.

Mayanzame 3:6 ပူးပေါင်းရင်းမြစ်များ

Matthieu 10:9

Na Jésus amadékéda aneengie mbe: Nônatsua ta na ôkiti gô ébémbé éangoyi yanyô.

Matthieu 7:22

Gô nyee ône, ayekani angavovo n’ami mbe: Kumu, Kumu, gô inoo tômapandôéda ndongi dimeetsô we na Nzambé. Tômakuséda édidi ébévani gôndé oma te gô ngudi yainoo. Na dôta tômayanza émbégéa évôni na éyékani te gô ngudi yainoo.

Marc 14:8

Môgeto noo eendéyi me éne ébaki n’edi gôéendéa me. Amani ésôga me môyombo gôékônza ôtô ami, ti me madeo tsigunyu gô ngii.

Marc 16:17

Menyani mbe ane eetsa Nzambé mitéma miaô ahngayanza émbégéa évôni étubéda ngudi yaNzambé. Embégéa te mbe ahngakuséda édidi ébévani gôndé oma gô inami. Ahngavovo gô yaanga yôgi disiikédu ahngô.

Jean 19:19

Pilate ameetsa môtôma mbe: Tendani saté sokadô mbe, Oô te Jésus môsi Nazareth môtômine aAjuif. Vumbani angô va ngongo agésumuge.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Mayanzame 16:18

Môgeto nône ameenda nane ti pitsi diyekani. Na Paul amabévéô. Nyovo amagéngôga na amavovo na Gédidi gébévani mbe: Gô ina aJésus-Christ, nagôtôma mbe kusa gôndé môgeto nône. Tsina na tsina gédidige géne gémakusa na gémanôtôga gôndé môgeto nône.

Mayanzame 2:22

Pierre amavovo mbe: Anye oma aIsraël, ôôkôni mabégô mema. Nzambé gô inedi ameetsa anye Jésus môsi Nazareth. Enyanga éndé n’edi éaNzambé émeenanô gô mane mameendangô va gatse awa n’anyô. N’anye nôsabômu gameenda Jésus mavétô, n’embégéa éangudi yaNzambé, na mabégô manyônganéôni masoongôa môma ésupua.

Mayanzame 2:36

Buedi mbe éongo éetso éaIsraël émenya ébégôe édué. Anye nômabôkéda Jésus gô gésumu sowa. Nzambé amakônza va mbeego mbe Jésus ôdôô angaba Kumu na Christ, ône amasevou na Nzambé.

Mayanzame 3:16

Inee éaJésus éne éndéké na ngudi. Gékonzoge gésabômu anye na géenanye egé, gédôngédiô te gô ngudi yaina aJésus ésitsumé angô paga. Gôétsi angô Jésus môtémee wetso gébe na paga, te gadôngédiô angô. Te geenanye angô nane.

Mayanzame 3:5

Gékonzoge gémabono ahngô na gégééba gômatasangô mbe: Deo nangeetsô sôma.

Mayanzame 3:7

Vane Pierre amamôtsôpa g’ôgoge ômôgôô gôémôtimôa. Tsina na tsina makôdôme na késéôye dimasipa.

Mayanzame 4:10

Vôtaganganôni ébégô édué anye nôévôi we. N’anye oma aIsraël muetso, vôtanganôni édué. Mômôgôône ôdôô atema môtie na makôdô medi va miso manyô te gô ina aJésus-Christ môsi Nazareth, ône amabôkédanye va gésumu sowa. Te ône amakunduu na Nzambé g’ôwa.

Mayanzame 4:7

Amatôma mbe Pierre na Jean abuédu na va mbene aô. Ameevôa ahngô mbe: ?Anye nôdôngédi gékonzoge gô ngudi yaanda? ?Na gô ina andaa?

Mayanzame 9:34

Pierre amavovo n’edi mbe: Enée, menya mbe Jésus-Christ agôdôngédi. Timôgaka. Kônzaka ékokoe ébaki éwe. Tsina na tsina Enée amatimôga.

I Corinthiens 4:11

Ngu na ndéône we tôôkô nzaa na tôôkô sôé na tôsaba na maduani. Tôndé tômabômôuni. Tôndé ga tônyôépogo.

II Corinthiens 6:10

Miso masô te keba, ivô gô mitéma tôndé na gényônga. Tômenyanganô mbe misuga, tambô tôdôngéda ayekani n’okitie ôndé n’asô. Tôsaba ta na dode épo mbe tôsômba sôma, tambô tôsabuta sôma.

II Corinthiens 8:12

Okô môma eetsa géenza gébé na ninga, Nzambé asinga géne géetsiôni. Nzambé asabono éne ésaba na môma gôéétsa. Abono te éne éndé na môma mbe eetsa éangô.

II Corinthiens 8:9

Anye nôsabômu éne émeetsô wa n’anyô na Kumu Jésus‐Christ ôbiia. Amabaka gékiti. Amakoga môsuga te mbe wa n’anyô tôkoga ékiti.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

I Pierre 4:10

Buedi mbe môma na môma ayanzédé n’ekena migôô mimeetsô angô na Nzambé ôbiia. Adôngédé akedi na miangô.