Mayanzame 3:16 - New Testament in Mitsogo

¹⁶ Inee éaJésus éne éndéké na ngudi. Gékonzoge gésabômu anye na géenanye egé, gédôngédiô te gô ngudi yaina aJésus ésitsumé angô paga. Gôétsi angô Jésus môtémee wetso gébe na paga, te gadôngédiô angô. Te geenanye angô nane.

Mayanzame 3:16 ပူးပေါင်းရင်းမြစ်များ

Matthieu 14:29

Jésus amamôbambéa mbe: Vigaka. Pierre amasutuméa gô mbôngône na amakea ayeta gô ngongo amebame gôéwanyéda Jésus.

Matthieu 9:22

Jésus amanikéda miso medi na gô ngima na ameena môgetone. Amavovo na môgetone mbe: Suméda môtémee muanami. Odôngi gôsitsuma éwe ngudi yami paga. Ogi yadingani môgeto nône amadônga.

Jean 14:12

Me nanôbeenda na gô pie mbe, ône eetsa me môtémedi wetso, angeenda mane mamisôba meenda me. Angeenda na mavo mabégô mangootéa mane mami na ngudi gôkea me na gôndé Téta.

Jean 7:23

Anye mbe: Tôsangoongôa ékékôa mige mimatsikéô we na Moïse. T’ebandô tôgeeta anamôgôô gô nyee edunda. Me dôta, nanôévôa mbe ?nôndé na me n’opisa vadôngédi me môma ôtôe wetso gô nyee edunda gôndé?

Mayanzame 14:9

Amookô mane mamavovo Paul. Paul amamôbono na nzôô. Ameena mbe mômôgôône ôdôô asatsuma ngudi yaNzambé paga gôédôngédu.

Mayanzame 16:18

Môgeto nône ameenda nane ti pitsi diyekani. Na Paul amabévéô. Nyovo amagéngôga na amavovo na Gédidi gébévani mbe: Gô ina aJésus-Christ, nagôtôma mbe kusa gôndé môgeto nône. Tsina na tsina gédidige géne gémakusa na gémanôtôga gôndé môgeto nône.

Mayanzame 3:6

Pierre amavovo n’edi mbe: Gôndé me, tsaba na sôma ta na dode ta na dodo mbe nagôétsa éangô. Ivô éne éndéké n’ami, nagôétsa éangô. Gô ina aJésus-Christ môsi Nazareth, timôga. Kiaka na makôdô moo.

Mayanzame 3:8

Gékonzoge gématimôga matséda. Amatema môtie na amakénga. Ameengéa na Pierre na Jean na gô eba aNzambé. Amakea atséda makongo na akuméda Nzambé.

Mayanzame 4:10

Vôtaganganôni ébégô édué anye nôévôi we. N’anye oma aIsraël muetso, vôtanganôni édué. Mômôgôône ôdôô atema môtie na makôdô medi va miso manyô te gô ina aJésus-Christ môsi Nazareth, ône amabôkédanye va gésumu sowa. Te ône amakunduu na Nzambé g’ôwa.

Mayanzame 4:30

Konyo ôgogoe woo gômbe oma angadôngédu. Na mbe émbégéa éngeendôni na mabégô manyônganéôni masoongôa môma ésupua mangeenanô. Singa mabégô mema meendô gô ina aJésus môyanzi oo amatsimamani.

Mayanzame 4:7

Amatôma mbe Pierre na Jean abuédu na va mbene aô. Ameevôa ahngô mbe: ?Anye nôdôngédi gékonzoge gô ngudi yaanda? ?Na gô ina andaa?

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

I Corinthiens 13:2

Buéyé mbe nabéyee na môgôô epandôéda ndongi diviga gôndé Nzambé, na me ôkô tsiba n’etondo éaNzambé gô môtémami me mbe te môma abobo. Buéyé mbe nabéyee n’eodo gôémenya metso moongôa môma émenya vawaa môma na vadônga môma na mavétô metso, na ôkô tsiba n’etondo éaNzambé gô môtémami me mbe te môma abobo. Okô nandé môtémovo na Nzambé gétsumé ngudi yedi paga navovo na môkôdie mbe: nôtôga vane na angô te nôtôga, na me ôkô tsiba n’etondo éaNzambé gô môtémami me mbe te môma abobo.