Mayanzame 3:13 - New Testament in Mitsogo

¹³ Menyani mbe Nzambé, ône amaneegedu na Abraham na Isaac na Jacob, te Nzambéne émaneegedu na peeye yasô n’anyô, ameetsa ôndômbee wedi wetso gôndé môyanzi edi Jésus. Te ône amadeekeda anye na gôndé ane atômani. Nômamôtôna va mbene aPilate buéyé gamamyôngéô amuene Pilate émônzeegeda.

Mayanzame 3:13 ပူးပေါင်းရင်းမြစ်များ

Mayanzame 7:32

Me te Nzambéne éneegedu na peeye yoo. Me te Nzambé éneegeda Abraham, na Isaac, na Jacob. Moïse amatatéa na gomo na asiyeegedô ébono géététége.

Matthieu 22:32

Me te Nzambé éneegeda Abraham na Isaac na Jacob. Nzambé te Nzambé ane adôngani, kaka Nzambé ane amawani.

Hébreux 2:9

Ivô tôena môvo, te Jésus amasugéa pesu andéô na gô tsina otômu asi g’ôba ayanzie aNzambé gôéwa gôndé oma muetso gô ngeba yaNzambé. Gô ndéô nedué tômôena abatédu na gô gédigaa sokumaka na sondômba, gôébégô éowa ôdagani ômawa angô gôndé oma.

Jean 19:15

Ajuif amaadôngana mbe: Awaaké. Awaaké. Komeda angô va gésumuge. Pilate ameevôa ahngô mbe: ?Na gô pie nônyôngéô mbe nakomeda môtômine wanyô va gésumuge-a? Tsesu yadeekedi adigondoku amabika n’edi mbe: We tôsaba na atômi abaé. Môtômine wasô te César gô Rome.

Jean 19:12

Gô mavoviame mane Pilate amabuta mônongo gôénzeegeda Jésus. Ivô Ajuif asisingé. Amamôsongeda mbe: Ti éwe ôkô ônzeegedi mômôgôô nône, éwe ôsaba n’evamba na César, môtômine atsenge andé gô Rome. One avovo mbe: Me te Kumu, angô te môdudeone amôtômine atsenge andé gô Rome.

Jean 18:40

Vane géômbége gémaadôngana na ngudi yaô yetso mbe: Aé, kaka ône. Kusédea we Barabbas. Tambô Barabbas te môsi môkôbé.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Mayanzame 22:14

Amavovo n’ami mbe: Nzambé, ône aneegedu na peeye yasô n’oo amasevoa éwe va mbeego gômbe ôngeenda éne ényôngéô angô. Na mbe ôena angô Kumu étsimama. Na dôta mbe éwe ôôkô gavovo angô gô mônyedi amuene.

Jean 12:16

Aneengi aJésus amatsapéô gôsinigôgéô ahngô mane mamabuéani. Ivô gô ndéône émanika Jésus na g’ôba, ahmabangôa éne émanigôa Matendeo MaNambé gôndé Jésus na amabangôa dôta na éne émeendéa ahngô Jésus nyoone.

Jean 7:39

Jésus amavovo nane gôépandôéda gangaviga Gédidi SaNzambé gôéengéa na gôndé ane eetsa Nzambé mitémamie miaô. Ivô gô ndéône ématemangô gôévovo, Gédidi SaNzambé gémabaka madeo gésisuma gôébégô amuene Jésus amabaka te madeo asikea na g’ôba gôndé Nzambé.

LUC TSANGO EAMOSOBA EMATENDA 23:4

Pilate amavovo na tsesu yadeekedi adigondoku na géômbége mbe: Me tseena ébégô éeséda Jésus.

Marc 15:11

Ivô tsesu yadeekedi adigondoku amoonguma ne géômbége mbe: Nôénda te Pilate mbe: Kuséda Barabbas gô tsôgôô.

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Matthieu 27:2

Amakata Jésus gésengo na amakea n’edi na gôndé Pilate môtômine atsenge.

Matthieu 20:19

Nangadeekedu na gôndé oma asavamba na Nzambé. Ahngô angadeta me. Angabita me na mibitô mievongo. Ahngabôkéda me va gésumu sowa. Va mbene apitsi dibaé, éne éamôtatô nangakunduga.

Matthieu 11:27

Jésus amavovo mbe: Tétami amani édeekeda me mabégô metso. Gôsaba môma angoongôa émenya me, Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angatubédu Téta na me.

LUC TSANGO EAMOSOBA EMATENDA 6:37

Nômbiatsuava akanyô kabaga anye nôtsundédu na Nzambé. Nômbieeséda akanyô, kabaga Nzambé anôeséda. Singéani akanyô kokoo, na Nzambé anganôsingéa dôta kokoo.

Jean 19:11

Jésus amanigôa angô mbe: Mbeka Nzambé agôétsa ényanga éviga g’ôba, éwe mbe ôsoongôa étôma me. T’ebandô ône akabi me na gô mogo moo, ébévee éedi éotéa n’ene éoo.

Mayanzame 3:12

Vameena Pierre géômbége, amavovo n’ahngô mbe: ?Anye oma aIsraël nôsôbasôbana ndé? ?Te gôdôngédiô gékonzoge egé-a? Nônabono we mbe tôdôngédi mômane ôdôô gô ngudi yawéene, na gô évambee éndé we na Nzambé.

Mayanzame 3:26

T’ebandô Nzambé amakudéga môyanzi edi, mapangame te gôndé anye. Amakudégéa angô na gôndé anye te mbe vangaviianye ngima mabégô manyô mabévani, anganôétsa mate.

Mayanzame 4:27

Ah Nzambé, te gô môsenge ôdôô mbe Hérode na Ponce Pilate amavanga gépangô na mavo mongo na mabôta metso maIsraël. Amavangéa gépangô gôndé Jésus, môyanzi oo amatsimamani, ône amasevoa éwe.

Mayanzame 4:30

Konyo ôgogoe woo gômbe oma angadôngédu. Na mbe émbégéa éngeendôni na mabégô manyônganéôni masoongôa môma ésupua mangeenanô. Singa mabégô mema meendô gô ina aJésus môyanzi oo amatsimamani.

Mayanzame 24:14

Tambô me Paul namema va mbene éwe ébégô édué. Me nayanzéa Nzambé éneegedu na peeye yasô. Me nakea gô nzéane éamanza, te éne éénda omeaa mbe ésanyepa. Ivô metso mane mamatendu gô miganda miaMoïse na mine miapandôédi amatasa maNzambé, me tsamatsuma paga. Namagobeda te gobeda.

Romains 9:5

Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.

LUC TSANGO EAMOSOBA EMATENDA 22:57

Ivô Pierre amatôna mbe: Môgeto noo, me tsamenya Jésus.