Mayanzame 3:10 - New Testament in Mitsogo

¹⁰ Oma amabangôa gédimôge sedi mbe ôdôô te ône amabaka pitsi yetso digaa v’ombaa Onyepani eba aNzambé gôédukana dode. Muetso amatsapéô na amasiiô na singididi gô éne émabuéa gôndé gékonzoge géne.

Mayanzame 3:10 ပူးပေါင်းရင်းမြစ်များ

Matthieu 14:35

Asi gésage géne amabangôa mbe ône te Jésus. Tsangône émapaa ésee yetso mbe, te Jésus atsigini. Vane omee amatsuéa Jésus abeeyie muetso.

LUC TSANGO EAMOSOBA EMATENDA 4:36

Muetso amatsapéô na ameevôana anguene n’anguene mbe: ?O te wene mônongo ameekédu-a? Mômane ôdôô atôma édidi ébévani ti n’enyangee na ngudiye, na éangô te kusaga.

LUC TSANGO EAMOSOBA EMATENDA 9:43

Muetso ane amadenganôni amasôbasôbana ényangee na ngudi yaNzambé. Gômasôbasôbana omee ane mane mamayanza Jésus, amanigôa aneengie edi mbe:

Jean 5:20

Menyani mbe Tétee anyôngéô Muanedi. Na amôtubéda metso meendangô. Angamôtubéda dôta na mavo mayanza mootéa na mane mamapanga éenanôni. Na anye nôngatsapéô ti tsapéô.

Jean 9:3

Jésus amanigôa ahngô mbe: Esaba mane. Kaka gô ébévee éedi. Kaka dôta ébévee éakindedi. Ivô nanyôngéô mbe ngudi yaNzambé dienanô t’ebandô amabôtu na pogu.

Jean 9:8

Ane amabambana n’edi mbôkepo, na ane amamôena andé gôédukana va kôbangô anzéa, amatsapéô mbe: Akasôni ?tambô mômôgôô noo kaka te ône amadenganô va kôbangô anzéa adukana-a?

Mayanzame 2:12

Agendee muetso amatsapéô ti v’ekôdéô atsapéô. Ameevôana anguene n’anguene mbe: ?Ebégô édué ékegea vita nayee?

Mayanzame 2:7

Agendee amatsapéô na amasôbasôbana na gényônga mbe: ?Ane avovoni adua ka te asi Galilée aduaa?

Mayanzame 3:2

Gô eba aNzambé gômabaka ômbaa ôtetu mbe Onyepani. Va kôbangô ombee ône gômadigaa gékonzo sagébôté. Pitsi yetso akedi amamôtsuaka gôémôdigéda v’ombaa Onyepani mbe aduka dode gôndé ane eengéani.