Mayanzame 26:9 - New Testament in Mitsogo

⁹ Memuene namasema gôégenya ébadi na Jésus, môsi Nazareth mbe inedi édimbana.

Mayanzame 26:9 ပူးပေါင်းရင်းမြစ်များ

Jean 15:21

Metso mangeenda oma anye, anôénda mangô gôébégô nôndé omami. Gôébégô ahngô asamenya éneegeda ône amatôma me.

Mayanzame 21:13

Ivô Paul amakékôa ôgie wasô mbe: ?Anye nôdéa ndé? ?Nayee nôyungéda me môtéma mbe kabaga tsakea-a? Memuene nandé na môtéma ômasumani gôékea, kaka gôékatô ésengo étévo, buéyé na gôéyôhu gô mabégô maKumu Jésus gô Jérusalem me tseena panda.

Mayanzame 22:3

Me te Môjuif. Namabôtu gô Tarse gô tsenge ééndô mbe Cilicie. Ivô mbôkami émoongôga me te égô duégô gô Jérusalem. Môékédine wami te Gamaliel. Ameekéda me mabégô metso mamatsikéô we na peeye yasô n’anyô. Ene ééndanye deo noo gôéyanzéa Nzambé na ngudi yanyô yetso te éne émeendaka me.

Mayanzame 22:4

Me namakuana ngu na g’ôwa ane amakea gô nzéa éaKumu Jésus. Namatsôpa amôgôô n’ageto gôéaheengéda gô eba atsôgôô.

Mayanzame 22:8

Me namamôévôa mbe: ?Kumu, ône avovoni indaa? Angô amanigôa me mbe: Me te Jésus môsi Nazareth. Ewe Saul ôndé gôékuana me.

Mayanzame 24:5

?Oeni mômôgôône ôdôô-a? Angô te môma agéyoongi. Aseendô gôéyungéda Ajuif muetso gô tsengeye yetso yava tsina. Angô te pene agéômbé sAjuif gééndô mbe Nazaréen.

Mayanzame 3:17

Eébéyée nane, ana aTéta agô mbumu éaIsraël. Me tsabômu mbe anye na atômie wanyô nômabaka n’odungé, gémenye éne émeendéanye Jésus.

Mayanzame 3:6

Pierre amavovo n’edi mbe: Gôndé me, tsaba na sôma ta na dode ta na dodo mbe nagôétsa éangô. Ivô éne éndéké n’ami, nagôétsa éangô. Gô ina aJésus-Christ môsi Nazareth, timôga. Kiaka na makôdô moo.

Mayanzame 9:1

Tambô gô ndéô nene, Saul asitsiké ékuana aneengi aKumu Jésus ngu na gôéyôha ahngô. Amakea na gôndé pene adeekedi adigondoku.

Mayanzame 9:16

Memuene nangamôtubéda éetso éngeenangô maguga gô inami.

Romains 10:2

Me Paul tsabômu mbe Ajuif andé na géviovio gôéyanzéa Nzambé. Ivô mayanzame maô te magô tsina evitsi, gémenyé éne éyanzahngô.

Philippiens 3:6

Namabaka na géviôviô gévôni gô mabégô maNzambé gésingé mangô mabévédu. T’ebandô namakuana asi mbumu éaNzambé. Gôsibé muene gandé me gôédiia monyo gô gékeneo sandongi na mitôma na mige mia Nzambé.

I Timothée 1:13

Eenda nane buéyé mbe namamôkékôa v’ebandô na namamôkuana na namamôenza. Ivô Nzambé ameena me ti ngeba gôébégô metso mane namamayanza g’ôdungé tsimenye. Namabaka na paga tsiitséké môtémee gô mabégô medi mapie.