Mayanzame 26:6 - New Testament in Mitsogo

⁶ Deo noo eeséda me gôébégô neetsi môtémami wetso gô éne ématéndéda tétee yasô émavangana Nzambé n’ahngô va mbeego mbe éngeenanô.

Mayanzame 26:6 ပူးပေါင်းရင်းမြစ်များ

Mayanzame 23:6

Paul asibômu mbe asi kundu épôni éAjuif amabaka éômbé ébaé. Egé gésa te Asadducéen. Egé gésa dôta Apharisien. Na amavovo n’ahngô mbe: Ana aTétee n’ami. Me dôta te Môpharisien. Téta te Môpharisien. ?Tambô anye nôtsundéda me te gôténdéda me gékundugéôge sowa-a?

Mayanzame 24:15

Ene éténdéda me gôndé Nzambé te éne éténdéda omeaa. Wa n’ahngô muetso tôsabômu mbe Nzambé angakundua oma muetso g’ôwa, n’ane abévani, n’ane amisôba.

Mayanzame 24:21

Me tsabômu ébégô évo émavovo me ésinyôngéô angô. Ebégôe te vamavovo me mbe: ?Tambô anye nôtsundéda me te gôténdéda me gékundugéôge sowa-a?

Mayanzame 26:8

?Anye Ajuife n’ami nôtsapéô nayee? ?Na nôtsuma paga mbe Nzambé asangoongôa ékundua ane amawani-a?

Mayanzame 28:20

Nôeni ébégôe ééndi me mbe vigani nôviôkô éne éndé n’ami. Wa n’anyô ana aIsraël tôténdéda ône angavigani. Esengo ékatô me te gôndé angô.

Mayanzame 3:24

Apandôédi muetso amatasa maNzambé bandôa na tétasô n’anyô Samuel, amavovo môvo môvo te mônogovo gôétôevéda mane mapitsi yedi.

Romains 15:8

Bangôani mbe Christ amakou môyanzi aAjuif gôédugéda éne émavanga Nzambé na téteye yAjuif va mbeego. Te éne étôtubéda mbe Nzambé asapata.

Galatie 4:4

Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.