Mayanzame 22:3 - New Testament in Mitsogo

³ Me te Môjuif. Namabôtu gô Tarse gô tsenge ééndô mbe Cilicie. Ivô mbôkami émoongôga me te égô duégô gô Jérusalem. Môékédine wami te Gamaliel. Ameekéda me mabégô metso mamatsikéô we na peeye yasô n’anyô. Ene ééndanye deo noo gôéyanzéa Nzambé na ngudi yanyô yetso te éne émeendaka me.

Mayanzame 22:3 ပူးပေါင်းရင်းမြစ်များ

LUC TSANGO EAMOSOBA EMATENDA 10:39

Môdimine aMarthe inedi te Marie, amadigaa va makôdô maJésus gôéôkô mane mameekédangô.

LUC TSANGO EAMOSOBA EMATENDA 2:46

Pitsine éamôtatô amamôdenga andé digaa gô eba aNzambé. Amabaka va gatse anigôi amige miaNzambé, gôéôkô gasupuangô na gôéévôa ahngô nyivôye.

LUC TSANGO EAMOSOBA EMATENDA 8:35

Oma ahmaviga gôéena éne émabuéani. Ahmatsiga na vandé Jésus. Ahmeena mômôgôô akusédiô édidi ébévani andé digaa va makôdô maJésus. Amaata maduani medi, na môtémedidô ômaba ômadigaaganani. Oma muetso amookô gomo.

Mayanzame 11:25

Va mbenene vane, Barnabas amakea na gô Tarse gôéwanyéda Saul.

Mayanzame 15:23

Ameetsô gésangô mbe: Keani na sangô. Gématendu mbe: We tônôkômbôani te peeye yambumu éaNzambé na we tômasevouni na tômatômukuni tôndé ana aTétee n’anyô. Te we tôtendea anye nôsibôtu gô éongo éAjuif nôdigaa gô Antioche na Syrie na Cilicie.

Mayanzame 15:41

Ahmakitsangana tsengeye yaSyrie na Cilicie gôéseta asi mbumu éaNzambé na gôéoodeda ahngô gô Mane Mamavovo Nzambé.

Mayanzame 21:20

Vamookô ahngô nane, omee ane amakuméda Kumu Nzambé. Na amavovo na Paul mbe: Muana aTétee n’asô, bangôa ôtangôe ôvôni aAjuif amakogani gômeetsahngô Jésus mitémamie. N’ahngô ahsaagana na mige na mitôma mimatsikéô ahngô na Moïse.

Mayanzame 21:39

Paul amanigôa mbe: Me te Môjuif. Namabôtu gô Tarse gô tsenge éaCilicie. Mbôkane éami te môsenge ôsabômanôni. Nagôduka mbe, singéa me navovo n’oma adua.

Mayanzame 23:34

Môtômine môvôni amatanga gésangôge. Ameevôa Paul mbe: ?Ewe môsi gôni? Paul angô mbe: Me môsi gô Cilicie.

Mayanzame 23:6

Paul asibômu mbe asi kundu épôni éAjuif amabaka éômbé ébaé. Egé gésa te Asadducéen. Egé gésa dôta Apharisien. Na amavovo n’ahngô mbe: Ana aTétee n’ami. Me dôta te Môpharisien. Téta te Môpharisien. ?Tambô anye nôtsundéda me te gôténdéda me gékundugéôge sowa-a?

Mayanzame 26:5

Ajuif amenya me. Anguene andé na ngudi yegônigôa gameengéa me gô gésôga sagébé na ngeba, te géné sagéômbé sApharisien.

Mayanzame 26:9

Memuene namasema gôégenya ébadi na Jésus, môsi Nazareth mbe inedi édimbana.

Mayanzame 5:34

Na va gatse aô gômadenganô Môpharisien môvo amaditédu n’oma muetso. Inedi te Gamaliel na amabaka mônigôi amige miaNzambé. Amatema môtie vandé akedi. N’egévovoko amapatsa ane amatômukuni mbe: Kusani pesu andéô.

Mayanzame 6:9

Avo amôgôô asinyôngéô mane mamayanza Etienne. Amôgôôe ane amabaka gô géômbége gémeendô mbe, avéga amoobouni. Géômbége géne gémabaka na ebaô agéwanyéô. Gô géômbége géne gômadenganô Ajuif amaviga gô Cyrène na Alexandre na Cilicie na Asie. Ahmatsunda na Etienne.

Mayanzame 9:1

Tambô gô ndéô nene, Saul asitsiké ékuana aneengi aKumu Jésus ngu na gôéyôha ahngô. Amakea na gôndé pene adeekedi adigondoku.

Mayanzame 9:11

Kumu amamôtôma mbe: Kiaka n’atsatsee gô nzéa ééndô mbe Droite. Gô eba ôdigaa Judas, ôbambéa mômôgôô eendô mbe Saul, môsi Tarse. Angô n’atsatsee andé gôévovo na Nzambé.

Mayanzame 9:30

Vamookô ana atétee n’edi agô mbumu éaNzambé ébégôe éne, amaveegeda Saul na gô Césarée gôémôkeda na gô Tarse.

Romains 11:1

Me Paul natsapéô mbe ?tambô Nzambé amakina omedi ana aIsraël-a? Aé, asiakiné. Memuene Paul nandé môsi éongo éaIsraël. Tétene éami te Abraham. Ebôtee éami te Benjamin.

II Corinthiens 11:22

?Ane asingana n’anye te asi ôgi aHébreu‐a? Me dôta tsavovo gémbéta, me to môsi ôgi aHébreu. ?Ahngô te asi éongo éaIsraël‐a? Me dôta te môsi éongo éaIsraël. ?Tétaô te Abraham‐a? Na me muetso, téta te Abraham.

Galatie 1:14

Me namootéa pepe akasô Ajuif, asi éongo évo n’ami gô mane magô ésôga éAjuif. Namabaka gétômbiatômbia gô mane mamatsikéô we na tétee yasô.

Galatie 1:21

Vane namakea na gô tsengeye éaSyrie na éaCilicie.