Mayanzame 22:1 - New Testament in Mitsogo

¹ Paul angô mbe: Aneya, anye tétee yami, ôôkôni édué. Me nanônigôa éne éndéké n’ami.

Mayanzame 22:1 ပူးပေါင်းရင်းမြစ်များ

LUC TSANGO EAMOSOBA EMATENDA 12:11

Vangakedu anye gôétsundédu gô yeba yewanyéô na vangatemedu anye va miso makitsi amisoso, n’ane atômani, nômbiakebangana môtangôe ônganigôa anye, na mônongoe ôngayuéga anye.

LUC TSANGO EAMOSOBA EMATENDA 21:14

Nanôévéda te mbe nôkônza mitéma mianyô gôéba gébé na mikebanganô na nôngamenya énigôa.

Mayanzame 13:26

Amôgôô, ana aTétee n’ami ana aAbraham, n’anye muetso nôneegeda Nzambé na gomo. Mabégôme mane magéobogeo mamakudégu gôndé wa n’anyô.

Mayanzame 19:33

Avo Ajuif amanigôa Alexandre ébégôe na amamôweseda na gô mbene mbe avovo. Amatomba ôgogo gôédékéda ane amakôvanakani mbe: Kôdani. Amanyôngéô évovo gôésungéa Gaïus na Aristarque, ane amatsôpukuni.

Mayanzame 23:1

Paul amabono asi kundu épôni éAjuif gébé na tsoyi. Amavovo mbe: Ana aTétee n’ami, vatsundédu me na muanga amôtémami, ôseeséda me va mbene aNzambé ngu na deo noo.

Mayanzame 23:6

Paul asibômu mbe asi kundu épôni éAjuif amabaka éômbé ébaé. Egé gésa te Asadducéen. Egé gésa dôta Apharisien. Na amavovo n’ahngô mbe: Ana aTétee n’ami. Me dôta te Môpharisien. Téta te Môpharisien. ?Tambô anye nôtsundéda me te gôténdéda me gékundugéôge sowa-a?

Mayanzame 24:10

Félix, môtômi atsenge amadogima na gôndé Paul mbe: Vovoko. Paul amanigôa mbe: Me nagônigôa môtangôe wami gébé na mikebanganô. Tsabômu mbe éwe ômatôma tsenge nedué mipuma miyekani na môtsundue woo ôsapengana.

Mayanzame 25:16

Namanigôa Ajuife ane mbe we asi Rome tôsaba na gésima seeséda môma gô matsuavi matévo, amuene ône atsuaviôni gébé vangô mbe angasiia.

Mayanzame 25:8

Paul amanigôa mane medi mbe: Me tsaba n’oési. Tsikékôé mige miAjuif. Tsienze eba aNzambé. Tsidete pene atsenge andé gô Rome.

Mayanzame 26:24

Vamabaka Paul gôénigôa éne émabaka n’edi, Festus amamôsemba mbe: Ewe Paul ?Oka gégiô-ma? Gô géneengage soo gévôni, môtémee woo ôka sagôsagô. Ovétsi môkambô.

Mayanzame 28:17

Vamoota pitsi ditatô, Paul amabambéa atômi aAjuif adigaa gô Rome. Vamakôkangana ahngô, Paul amavovo mbe: Ana aTétee n’ami. Menyani mbe me tsiindé ébégô gôébévéda omasô n’anyô Ajuif. Me tsikékôé ésima ématsikéô wa n’anyô na peeye yasô n’anyô Ajuif. Namatsôpu gô Jérusalem. Namadeekedu na gô mogo masi Rome.

Mayanzame 7:2

Etienne amasiia mbe: Anye tétee yami yami na aneya, ôôkôni édué. Nzambé, Kumu ondômbee wetso amatsutsuga na gôndé tétasô Abraham vamadigaangô gô Mésopotamie. Te angô madeo asitôta na gô Charan.

Romains 2:15

Gôwanya mine miamôma na mine miaNzambé mitubéda mbe Nzambé amatenda ndongi na mitôma na mige miedi gô môtéma amôma mbe angamimenya, angô gébeendu miangô. Buéyé na muanga amôtéma amôma, ône ôtsundéda angô gô môtéma amuene, ôwanya na migemie na te angô ôeséda môma ôési, vo ôétsa môma mitayi.

I Corinthiens 9:3

Nôeni gaabéa me ane apatéa me. Me mbe:

II Corinthiens 12:19

Me tsabuta éatsimaméda memuene va miso manyô gatasa avo oma. Navovo ganyôngéo Christ va mabene aNzambé. Mane mavovo me n’anye wee yami, te gôéweseda anye gô nzéa éaNzambé ékeanye.

II Corinthiens 7:11

Vamadita mitéma mianyô na tsoyi, eenakani gamayanza Nzambé na ngudi gôndé anye. Mbeka mbe anye nômeena tsoyi na gésangôge sami, anye mbe nôsibé na tsambu gôéyavôga ékônza ébégôe émabaka n’anye. Nômakuadima na gomo mbe: ?Môma môbévani angadigaa va gatse asô nayee? Nômanyôngéô éôkô ndongi yami. Nômaba na géviôviô gôétsimaméda mbumu éaNzambé. Anye nôsiene éso avio gôéeséda mômôgôô nône môbévani. Gômeendanye metso mane nômayuéga gô ébégôe ébévani éne.

Philippiens 1:17

Géé avo, andé gôéékéda mabégô maChrist te gandé matséva gôéénda tsaé n’akaô. Ahngô anyôngéô ékôndéga panda yami na pieviane éôkô me gô môtéma gôndé me gô eba atsôgôô.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

II Timothée 4:16

Vamanigôa me kukane éamapanga ébégôe éami gô eba amisoso, gôsibé ta na môma môvo gôésungéa me. Muetso amatsika me. Naduka Nzambé mbe: Ombiétsa ahngô ôési gô éne.

I Pierre 3:15

Kôngédani gô mitéma mianyô mbe: Nzambé te Kumu ami. Minya mietso bakani kuanakue nôngamenya éaabéa nyivô diévou anye mbe: ?Tsoongone yoo yééndé?