Mayanzame 2:9 - New Testament in Mitsogo

⁹ We agenda tômaviga gô tsenge diyekani. Tômaviga gô Parthes, na gô Médie na gô Elam, na gô Mésopotamie, na gô Judée na gô Cappadoce na gô Pont éndé gô tsenge étetu mbe Asie.

Mayanzame 2:9 ပူးပေါင်းရင်းမြစ်များ

Mayanzame 16:6

Gédidi SaNzambé gémadékéda Paul n’akedi mbe: Nômbiakea na gô tsenge éAsie gôéékéda Mane Mamavovo Nzambé. Vane amaseta tsengeye yaPhrygie na Galatie.

Mayanzame 18:2

Gô Corinthe amadenga Môjuif inedi Aquilas. Amabôtu gô tsenge ééndô mbe Pont. Gô ndéône émadenganô angô na Paul, te ndéône émavigangô gô Italie na môgayedi inedi Priscille. Amaviga nane gôébégô môtômine agô Rome eendô mbe Claude, amapatsa Ajuif muetso.

Mayanzame 19:10

Emabaka nane gô mipuma mibaé. T’ebandô asi tsenge éAsie muetso, n’Ajuif n’ane asaba Ajuif, amookô Mane Mamavovo Kumu Jésus.

Mayanzame 19:27

Tambô gébanage sasô n’anyô gésangadôkuma. Na ésangakôdéa n’ene étévo. Buéyé na ina amôgetone môvôni Artémis, éneegeda we éngadimbana. Na eba ôneegedu angô ôsangadômenyanganô. Artémis te mbumbane éasô n’anyô muetso bandôa gô Ephèse ngu na tsengene nyetso éAsie. Buéyé na tsinane nyetso. ?Tôngasinga inedi n’okumakedi édimbana nane nayee?

Mayanzame 19:31

Buéyé na avo oma avôni amatôma gô Asie, wee yedi amamôkudéga ôgie mbe: Paul ômbiakea na gô gétungu gékediô akoo.

Mayanzame 2:8

?Wa n’anyô asi dipo tsenge tôôkô ahngô avovo gô yôgiye dimabôtu wa n’anyô nayee?

Mayanzame 20:16

Paul amabaka n’etasa gôéôta Ephèse te ootaga, gésikamé. Asibé na ndéô gôédinga gô tsenge éAsie. Amabénga ébuéa na gô Jérusalem gô ndéô éaPentecôte.

Mayanzame 20:18

Vamabuéa peeye na gôndé Paul amanigôa ahngô mbe: Anye nôsabômu môdigédie wami ômabaka me n’anye, bandôa gô nyee ômatsiga me gô tsenge éanyô éAsie.

Mayanzame 20:4

Ane amakea n’edi te adua. Sopater muana aPyrrhus môsi Bérée, na asi Thessalonique abaé te Aristarque na Secundus. Na Gaïus môsi Derbe na dôta asi tsenge éAsie te Timothée na Tychique na Trophime.

Mayanzame 21:27

Pitsi tsambué dimoota, dine dimaba Paul n’akedi gô gésôgage segôgédu. Avo Ajuif agô Asie ameena Paul andé gô eba aNzambé. Ajuif ane amakôva géômbége na gékiba gôétsôpa Paul.

Mayanzame 24:18

Na te éne émabaka me gôéénda vamadenganô me na adua gô eba aNzambé. Namamana éengéa gô ésôga éégôgédu ôtôe. Gôsibé n’ami oma ayekani. Na gôsibé ta na diyunga.

Mayanzame 27:2

Tômapeka gô mbôngône émaviga gô Adramytte na émakea na gô mahbôngôme mandé gô Asie. Tômatenôa. Môsi Macédoine môvo, inedi Aristarque amakea n’asô. Mbôkedi te Thessalonique.

Mayanzame 6:9

Avo amôgôô asinyôngéô mane mamayanza Etienne. Amôgôôe ane amabaka gô géômbége gémeendô mbe, avéga amoobouni. Géômbége géne gémabaka na ebaô agéwanyéô. Gô géômbége géne gômadenganô Ajuif amaviga gô Cyrène na Alexandre na Cilicie na Asie. Ahmatsunda na Etienne.

Mayanzame 7:2

Etienne amasiia mbe: Anye tétee yami yami na aneya, ôôkôni édué. Nzambé, Kumu ondômbee wetso amatsutsuga na gôndé tétasô Abraham vamadigaangô gô Mésopotamie. Te angô madeo asitôta na gô Charan.

Romains 16:5

Kômbôani dôta gô inami asi mbumu éaNzambé muetso môwanya gô eba aPriscille na Aquilas. Kômbôani wee ami Epaïnète gô tsenge éAsie. Te angô amapanga éétsa Christ môtémedi gô tsenge nene.

I Corinthiens 16:19

Asi mbumu éaNzambé andé gô tsenge éAsie anôkômbôa. Aquilas na Priscille n’asi mbumu éaNzambé awanya gô ebaô anôkômbôa n’etondo gô ina aKumu Jésus‐Christ.

II Corinthiens 1:8

Ana aTéta asi mbumu éaNzambé, we tônyôngéô mbe nômenya tsangône éasô éapanda dimeena we gô tsenge éAsie. Pandaye dine dimabaka ga magumba maditani masoongôa môma étômba. Na we tômabaka gô tsina ayangô ti eembe tôwéyi.

II Timothée 1:15

Omuene ôsabômu gamatsikô me n’asi mbumu éaNzambé adigaa gô Asie. Amatsika me gameenda akaô abaé Phygèle na Hermôgène.

I Pierre 1:1

Oô te me Pierre. Namatômu na Jésus‐Christ. Nakudéga gésangô gegé na gôndé anye nômasevou na Nzambé na nômapanzangana na gô tsengeye yetso. Anye nôndé g’ôgenda gô Pont, avo gô Galatie, avo gô Cappadoce, avô dôta gô Asie na Bithynie.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.