Mayanzame 2:47 - New Testament in Mitsogo

⁴⁷ Ahmakuméda Nzambé. Amanyônganéô n’oma muetso. Minya mietso Kumu Jésus amoombaka ékôndéga gô mbumu éaNzambé ane amoobogokoni.

Mayanzame 2:47 ပူးပေါင်းရင်းမြစ်များ

LUC TSANGO EAMOSOBA EMATENDA 19:48

Ivô ahmatsapéô gôémôtsôpa géenanô n’oma. Oma muetso amanyôngéô éôkô meekédu maJésus na amadigaa na vôôka.

LUC TSANGO EAMOSOBA EMATENDA 2:52

Otô aJésus ômavunda na ômoongôga. Môtémedi dôta na matasa medi mamakôndama te kôndama. Amadigaa kuanakue va mbene aNzambé na va mbene oma.

Mayanzame 11:21

Ngudi yaKumu dimeenanô gôndé eekédie ane. Oma ayekani amagéngôga na gôndé Kumu na ameetsa Jésus mitéma miaô.

Mayanzame 11:24

Barnabas te môma amôsôba. Môtémedi ômayôa na Gédidi SaNzambé. Gômavambangô na Nzambé asitsumé ngudi yedi paga. Amaweseda oma ayekani gôésinga Kumu.

Mayanzame 13:48

Vamookô ane asaba Ajuif ookô ôgie ône amatsôkéa na amakuméda Kumu na Mane Mamavovo angô. Muetso ane amasevou na Nzambé gôédiia monyo ôsakôdéakani amakoa matasa maô gôétsa Nzambé mitémamie.

Mayanzame 14:1

Gô Iconium dôta Paul na Barnabas ameengéa na gô eba agéwanyéô sAjuif. Gô mônongo ômeekedangô, ayekani Ajuif n’ane asaba Ajuif, amakoa matasa maô gôéétsa Nzambé mitéma.

Mayanzame 14:21

Paul na Barnabas ameekéda Tsangô Eamôsôba éaJésus-Christ gô môsenge aDerbe. Gône ayekani amakoga aka aneengie aJésus. Vane amoomba énika na gô Lystre na Iconium na épo Antioche éndé gô Pisidie.

Mayanzame 16:5

Mbumu yetso yaNzambé gô tungu yetso dimasipa gô mane manzéa éaJésus émeetsangô mitémamie gôékea gô mbene na gô mbene. Otangôe omee waô ômakôndama pitsi yetso.

Mayanzame 17:12

Ayekani va gatse aô ameetsa Jésus mitéma miaô. Na Agrec te mônongovo. Ageto ayekani avôni ekitie, n’amôgôô ayekani ameetsa Jésus mitémamie gébé na’ paga.

Mayanzame 2:39

Menyani mbe vamavanga Nzambé gôétôétsa Gédidi sedi amavanga gôndé wa n’anyô na gôndé ana asô n’anyô, na gôndé muetso adigaa gô tsenge ditongoni. Endé gôndé muetso angabambéôni na Kumu éasô n’anyô Nzambé.

Mayanzame 2:41

Tambô ane amasingaka mabégô mamavovo Pierre ameetsô bateme. Gô nyoone, mbumu éaNzambé émoomba ékôndama mitônisa mitatô mioma.

Mayanzame 4:21

Asi kundu épôni éAjuif amoomba évediméa ahngô abaé na amaahnzeegeda. Ahsibédô na ngudi gôésiséda ahngô gôébégô oma muetso amabaka gôékuméda Nzambé gô éne émabuéani.

Mayanzame 4:33

Ane amasevouni na amatômukuni amanigôa n’enyangee évôni gamakunduga Kumu Jésus g’ôwa. Na Nzambé ameetsa ahngô muetso mate mavôni.

Mayanzame 4:4

Ivô ayekani ane amookô meekédume mane ameetsa Jésus mitémamie gémôtsumé paga. Otangôe asi mbumu éaNzambé ômakôndama ômabaka ôkana amitônisa mitayi mioma.

Mayanzame 6:1

Gô ndéô nene ôtangô aneengie aJésus ômakôndama. Ajuif amavovo ôgi aGrec amasanganédana na Ajuif amavovo ôgi aHébreu. Angô mbe: Mikué miasô misakeneo gakeneo mine mianyô. Nyaa wetso gô ndéô ékabô môyakôe, mine miasô misadiia kuanakue.

Mayanzame 6:7

Mabégô maNzambé mamoomba étsanzabana pepe. Otangôe aneengie ômakôndama pepe gô Jérusalem. Adeekedi ayekani adigondoku ameetsa Jésus mitéma miaô gémôtsumédô paga.

Mayanzame 9:31

Gô tsengeye yaJudée na Galilée na Samarie, asi mbumu éaNzambé amabaka gô gétabé. Amasipa na ahmoodo gô mabégô manzéa éaKumu Jésus. Ahmakea na gô mbene gômookô ahngô Kumu Jésus gomo. Gô ngudi yaGédidi SaNzambé ôtangôe waô ômakôndama te kôndama.

Mayanzame 9:35

Asi Lydda muetso, n’asi gô géndamba gééndô mbe: Saron, ameena éne émabuéani na amakoa matasame gôéétsa Kumu Jésus mitéma miaô.

Romains 14:18

Okô ôyanzéa Christ gôémôgobeda gô mabégô mema, Nzambé anganyôngéô na akoo dôta angagôsénga ôséngu.

Romains 8:30

V’ebandô Nzambé amasevoa ane angaba eedi na amabambéa ahngô. Ane amabambéôni, na amaabéani, Nzambé amatsimaméda ahngô ti eembe asaba n’oési va mbene edi. Ane amatsimaméduni, Nzambé amagésangana n’ahngô g’ôbébayi ôtubéda ôndômbee wedi.

Romains 9:27

Esaïe, môpandôédi amatasa maNzambé amatenda gôébégô éana aIsraël mbe: Buéyé mbe géômbé sana aIsraël géyeka gayeka misige gô mbéyi, ane angoobouni asangayeka.

I Corinthiens 1:18

Meekédume mowa aChrist gô gésumu sowa masanyônganéô n’ane akea gôébungana na eenda mangô mbe: Matsôga. Géé gôndé wa n’anyô tôndé gô nzéa éagéobogoe, meekédume mane matômenyeda ngudi yaNzambé.