Mayanzame 2:4 - New Testament in Mitsogo

⁴ Gédidi SaNzambé gémeengéa gô mitéma miaô na gémamiyuéséda na ngii. Omeaa amabandôa évovo yaanga yôgi disiikédu ahngô. Amavovo gamatévédu ahngô na Gédidi SaNzambé gôévovo.

Mayanzame 2:4 ပူးပေါင်းရင်းမြစ်များ

Matthieu 10:19

Vangakedu anye gôétsundédu gô eba amisoso nônakebangana môtangôe ôngaba n’anye na mônongoe ônganigôa anye. Vangaba anye va mbene aatsundédi, nigôani te éne éngabeendu anye na Nzambé.

Marc 16:17

Menyani mbe ane eetsa Nzambé mitéma miaô ahngayanza émbégéa évôni étubéda ngudi yaNzambé. Embégéa te mbe ahngakuséda édidi ébévani gôndé oma gô inami. Ahngavovo gô yaanga yôgi disiikédu ahngô.

LUC TSANGO EAMOSOBA EMATENDA 1:15

Muanoo angaba môma môvôni va mbene aKumu Nzambé. Môsi g’ôba amamônigôa mbe: Muanee ône asanganyua maduku. Asanganyua ta na meba mavo meedangi. Angaba amayôa na Gédidi SaNzambé gô môtémedi bandôa g’ôbôtu edi.

LUC TSANGO EAMOSOBA EMATENDA 1:41

Vamookô Elisabeth ôtimôgiee aMarie, amookô na muanee apupa gô ébuyi. Gédidi SaNzambé gémamôyuéséda môtémee.

LUC TSANGO EAMOSOBA EMATENDA 1:67

Gédidi SaNzambé gémeengéa na gôndé Zacharie, tétene amuanee avembo. Amapandôéda matasa maNzambé gô imbô mbe:

LUC TSANGO EAMOSOBA EMATENDA 12:12

Vangaba anye va mbene atsundédi, nigôani te éne éngeetsô anye na Gédidi SaNzambé gôénigôa.

LUC TSANGO EAMOSOBA EMATENDA 21:15

Menyani mbe memuene nanganôétsa éodo évôni na mavovia mangudi. Vane buéyé n’adudeoe wanyô asangamenya ékitsanganéa anye na asangoongôa ésiia.

LUC TSANGO EAMOSOBA EMATENDA 4:1

Jésus ameenôga gô Jourdain môtémedi ômayôa na Gédidi SaNzambé. Amakedu na sangô na gô tsenge émagasani ésadigaa oma.

Jean 14:26

Môwedine wanyô te Gédidi SaNzambé, géngatôméô anye na Téta géngaviagana me. Génganôéékéda na génganôbangôéda metso mameekéda me anye.

Jean 20:22

N’emana évovo nane, Jésus amavumbéa modie wedi na gôndé ahngô. Angô mbe: Diiani Gédidi SaNzambé.

Mayanzame 1:5

Na gô pie Jean amanôbatésa na meba, ivô vangoota pesu andéô Nzambé anganôbatésa na Gédidi Sedi.

Mayanzame 1:8

Menyani mbe anye nôngadiia ngudi vangaviga Gédidi SaNzambé na gôndé anye. Anye nôndéké mbangi yami na nôngatsua tsangô éami gô Jérusalem, na gô tsengeye yetso yaJudée, na yaSamarie, na ngu na tsengeye disibuéôkô na mbeego yagô makôdéô matsinane.

Mayanzame 10:46

Amatsapéô nane te vamookô ahngô géômbé saCorneille avovo yaanga yôgi disiikédu ahngô gôéneegeda Nzambé n’okumakedi wetso. Vane Pierre amavovo mbe:

Mayanzame 10:47

We tôsoongôa ékina éétsa omeaa batemene éagô mbéyi gôébégô Nzambé amani éyuéséda mitéma miaô na Gédidi Sedi mônongovo gamayuésédu mine miasô.

Mayanzame 11:15

Namabandôa évovo n’ahngô Gédidi SaNzambé gémasuma gôéengéa gô mitéma miaô mônongovo gameengéa sangô na gôndé wa n’anyô v’ebandô.

Mayanzame 11:24

Barnabas te môma amôsôba. Môtémedi ômayôa na Gédidi SaNzambé. Gômavambangô na Nzambé asitsumé ngudi yedi paga. Amaweseda oma ayekani gôésinga Kumu.

Mayanzame 13:52

Aneengie aJésus gô Antioche amabaka mitéma miaô mimayôa na Gédidi SaNzambé na ahmatsôkéa na gényônga gévôni.

Mayanzame 13:9

Gédidi SaNzambé gémeengéa pepe gôndé Saul, ône amoogu dôta mbe Paul. Amabono Elymas na nzôô.

Mayanzame 15:8

Nzambé te ône asabômu mitéma mioma. Ameetsa gémbégéa gétubéda mbe: Me nasinga adua, asabéyee Ajuif gamasinga me anye nôndé Ajuif. Gémbégéage te Gédidi sedi gémeengéa gôndé ahngô.

Mayanzame 19:6

Paul amatsakéga ahngô mogo medi. Gédidi SaNzambé gémeengéa gô mitéma miaô na amabandôa évovo yaanga yôgi disiikédu ahngô. Na ahmapandôéda dôta ndongi dimaviga gôndé Nzambé.

Mayanzame 2:11

Tôndéké te ane amabôtu gô éongo éAjuif na ane ameengéa gô gésôga sAjuif. We agenda tômaviga dôta gô Crète na go Arabie. Buéyé nane, we muetso tôôkô na vede gavovo omeaa yôgiye yasô yaminongo mietso gôékuméda Nzambé gô mayanza medi mavôni.

Mayanzame 2:3

Omee ane ameena soto gémaaga g’ôba gégono na dimeni. Dimaaga na dimasuma, ôvo ôvo na gô ngongo amiôtsé mioma.

Mayanzame 4:31

Vamamanahngô évovo na Nzambé, tungune émabakahngô ématatéa. Gédidi SaNzambé gémeengéa gôéyuéséda mitéma miaô mietso. Ahmeekédaka na bôkédé ôvôni mane mamavovo Nzambé.

Mayanzame 4:8

Vane Gédidi SaNzambé gémeengéa pepe gôndé Pierre na amasiia mbe: Anye peeye yami na atômi ami

Mayanzame 6:3

T’ebandô, ana aTéta asi mbumu éaNzambé, sevoani va gatse anyô amôgôô tsambué. Sevoani amôgôô amookanô mbe andé na môdigéô abuedi na andé n’eodo, na amayuésédu mitéma miaô na Gédidi SaNzambé. Na tôngeetsa ahngô éyanza éne.

Mayanzame 6:5

Géômbége setso saneengie amasinga ébégôe. Ane amasevouni, môvo te Etienne amaba gétsumé Nzambé paga na môtémedi ômayôa na Gédidi SaNzambé. Avo te Philippe, na Prochore, na Nicanor, na Timon, na Parménas, na Nicolas môsi Antioche ameengéa va mbeego gô gésôga sAjuif.

Mayanzame 6:8

Mate maNzambé mamabaka na Etienne gôémôétsa ngudi dipôni. Amatubéda oma émbégéa éangudi yaNzambé na mabégô manyônganéôni masoongôa môma ésupua.

Mayanzame 7:55

Gédidi SaNzambé gémayuéséda pepe môtéma aEtienne. Amabôkaméa miso medi. Ameena ôbébayi ôtubéda ôndômba aNzambé. Ameena na Jésus andé môtie gô géeyo gémôgôô saNzambé.

Mayanzame 8:17

Vane, Pierre na Jean amatsakéga ahngô mogo maô. Na Gédidi SaNzambé gémeengéa gôéyuéséda mitéma miaô.

Mayanzame 9:17

Vane Ananias amakea. Amatsiga gô eba aJudas na amatsakéga Saul mogome. Amavovo n’edi mbe: Saul, éwe te muana aTétee n’ami gô mbumu éaNzambé. Kumu Jésus, ône amatsutsuga gôndé éwe vamavigewe gô nzéa, atômi me na gôndé éwe, buta mbe misome moo mapôga na mbe Gédidi SaNzambé géyuéséda môtémee woo.

Romains 15:13

Gôsatsuma anye Nzambé paga, te mbe angô Kumu atsoongone éasô n’anyô, anôétsa gényônga sedi na gétabé sedi sapie. Okitie wanyô te môténdéda ôndé n’anyô gô ngudi yaGédidi SaNzambé.

I Corinthiens 12:10

Gédidi SaNzambé géétsa dôta môma môvo ôtômu gôéyanza mabégô mamisôba manyônganéôni matsapéô môma masoongôa angô énigôa. Na géétsa gôndé môvo gôépandôéda ndongi diviga gôndé Nzambé. Môvo dôta eetsô môgôô gôésevoa va gatse édidie mbe egé te gébévani na egé te SaNzambé. Môvo eetsô môgôô gôévovo waanga ôgi ôsiikédu angô. Môvo eetsô môgôô eodo gôékoa mane mavovo môkedi mbe éngookanô gô éongo éedi.

I Corinthiens 13:1

Buéyé mbe neetsô ngudi gôévovo yaanga yôgi divovo oma, me géékédu yangô, na dôta dine divovo asi g’ôba, ôkô me tsiba na étondo éaNzambé gô môtémami, mavovia mami mbe te gandé ôgi angomo na ône egenge ôsookanôni, te nzongodi étévo.

I Corinthiens 13:8

Etondo émabaka na éndéké, na éngaba môbô na môbô. Ndongi dimeetsa Nzambé gôépandôédu dindé na tsoongo te g’ôtangô apitsi. Môgôô ôétsiô môma gôévovo gô aanga ôgi ôngoota. Eodo gôémenya mabégô metso éngakôdéa.

I Corinthiens 14:18

Nakuméda Nzambé gôébégô nootéa anye muetso gôévovo waanga ôgi ômeetsô me na Nzambé.

I Corinthiens 14:5

Me neena buedi mbe wa n’anyô muetso tôvovo yaanga yôgi disiikédu wa n’anyô na môma. Ivô nootéa ényôngéô mbe tôpandôédé ndongi diviga gôndé Nzambé. Endé te nane. One atôpandôéda ndongi dimeetsa Nzambé te tsoongo épôni gôndé wa n’anyô tôôkôni. Géé ône avovo aanga ôgi ?tsoongo ndé gôndé wa n’anyô tôsookôni? Buétsé te gôdenganô môma gôétônigôa g’ôgie wasô n’anyô mane mavoviôni. Vane asi mbumu éaNzambé muetso angoodedu gô mabégô maNzambé na mavoviame mane.

Ephésiens 3:19

Anye mbe ti nômenya étondo éaNzambé, buéyé mbe gôsaba môma oongôa émenya ébandôe n’ekôdéôé éangô. Ivô nôngoongôa émenya éangô gôyuésédu mitéma mianyô n’amuene Nzambé.

Ephésiens 5:18

Nômbiaba n’edangi éamaduku. Nzéane éamaduku éndéké te éadiyunga. Ivô bakani nômayuésédu mitémamie na Gédidi SaNzambé.

Ephésiens 6:18

Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

II Pierre 1:21

Gôsaba évovia éaNzambé ta n’evo émaviga gô ngudi yamôma amuene. Mangô mamabundugana gô ngudi yaGédidi SaNzambé mbe môma avove mane manyôngéô Nzambé.