Mayanzame 2:30 - New Testament in Mitsogo

³⁰ David amabaka môpandôédi amatasa maNzambé. Asibômuku mbe Nzambé amamôsongéa mbe: Môvo va gatse anee woo angagôaandani angadigaa g’ôkumakee ôdigaa éwe gôéviagana ényangee éôô.

Mayanzame 2:30 ပူးပေါင်းရင်းမြစ်များ

Matthieu 22:43

Jésus amanigôa mbe: Okô mbe éndé nane ?nayee amuene David amatévédu na Gédidi SaNzambé amateta Christ mbe: Kumu ami? Nôsabômu éne émavovo David. Angô mbe:

Matthieu 27:35

Vane ahmamôkomeda va gésumu. Ahmakabana maduani medi. Ahmatséva na nzéké gôébuta édiia éduanie éne énganyôngéô ahngô.

Marc 12:36

Amuene David amatévédu na Gédidi SaNzambé amavovo mbe: Kumu Nzambé amavovo na Kumu ami mbe: Ewe digaa gô géeyo sami gémôgôô. Na me nangagudaméda adudeoe woo Gô tsina amakôdô moo.

LUC TSANGO EAMOSOBA EMATENDA 24:44

Te vane Jésus amabangôéda ahngô mbe: Nôeni, metso mane mamavovo me vamabaka me n’anye, mane mamatendu gô miganda miaMoïse na mine miapandôédi, na mine miamimbô, mimeevédaka anye mbe gôndé Jésus éngaba te nane. Menyani mbe mamani éenanô.

Mayanzame 1:16

Ana aTéta asi mbumu éaNzambé, menyani mbe éne émavovo Gédidi SaNzambé va mbeego gô mônya aDavid, na ématendu gô Matendeo MaNzambé, émeenanô. Ebégôe émeevéda mbe: Gôngaba môva angaba môtévédi gôndé ane abuta éyôha Jésus. Môtévédine te môkasô Judas.

Romains 1:3

Tsangône te éne éaMuana ANzambé, kumu asô n’anyô Jésus-Christ. Bôkudue wedi gôndé oma tétedi te David, môtômi môvôni atsenge.

Romains 15:12

Esaïe amatenda mbe: Muana gô ébôta éaJéssé angaviga. Angasevou gôétôma tsengeye yetso. Oma abono miso maô te gôndé angô.

II Timothée 2:8

Ewe Timothée, kôngéda Jésus‐Christ, ône amakunduu na Nzambé g’ôwa gôéba na monyo. Angô te muana aDavid. Te gapandôéda Tsangô Eamôsoba, éne éékéda me oma.

Hébreux 1:1

Va mbeego Nzambé amavovo na peeye yasô n’anyô kuka diyekani na gô minongo mietso gô ngudi yapandôédi amatasa medi.

Hébreux 3:7

Oôkôni éne évovo Gédidi SaNzambé. Angô mbe: Okô nôôkiô deo noo ôgi aNzambé ôvovo n’anye

Hébreux 4:7

T’ebandô Nzambé amoomba ésevoa nyee ôngeengéa môma gô gévôgiméô. Nyee ône ôtetu mbe, deo noo. Nzambé amanigôa ébégôe éne gô ngudi yaDavid mbe: Okô nôôkiô deo noo ôgi aNzambé ôvovo n’anye Nômbioodeda mitéma mianyô.

Hébreux 6:17

Tambô ébandô éamôsongia aNzambé ésaba nane. Nzambé amasongéa va mbene aAbraham gôémômenyeda mbe Nzambé asavovo na buembe gôékoa matasa medi.

Hébreux 7:21

Ivô Jésus ameetsô éyanza éedi éamôsungéyi vamasongéa Nzambé mbe: Kumu amamana ésongéa, na asangakoa môtémedi. Ewe môbô na môbô te môdeekedi adigondoku, Môsungéyi akinde oma va mbene aNzambé.

II Pierre 1:21

Gôsaba évovia éaNzambé ta n’evo émaviga gô ngudi yamôma amuene. Mangô mamabundugana gô ngudi yaGédidi SaNzambé mbe môma avove mane manyôngéô Nzambé.

Gétsutsuéô 17:14

Dingagenya na Môpagee Endombo na te Môpagee ôngadiiani gôébégô angô te Kumu akumu yetso na angô te môtômi aatômie muetso. Môpagee ôngadiia, angô n’ane andé n’edi. Ane andé n’edi te ane ahmasevouni na ahmabambéôni na amamôétsa mitéma miaô.

Gétsutsuéô 19:16

Inedi ématendu gô ngoyi edi na gô môtandedi. Ina ématendu te mbe: Kumu akumu yetso na Môtômi aatômie muetso.