Mayanzame 2:23 - New Testament in Mitsogo

²³ Jésus madeo asibôtu, Nzambé amamenya mbe oma angamôkaba. Te ône amakomedanye va gésumu sowa. Nômamôyôhéda na mogo moma asagô.

Mayanzame 2:23 ပူးပေါင်းရင်းမြစ်များ

Matthieu 20:19

Nangadeekedu na gôndé oma asavamba na Nzambé. Ahngô angadeta me. Angabita me na mibitô mievongo. Ahngabôkéda me va gésumu sowa. Va mbene apitsi dibaé, éne éamôtatô nangakunduga.

Matthieu 26:24

Na gô pie me, Muana Amôma nangawa mônongovo gamabeenda Matendeo MaNzambé mbe nangawa. Ivô ngeba épôni gô maguga mangeena ône angamôkabani. Mbe amabaka madeo asibôtu mbe émanyepa.

Matthieu 27:35

Vane ahmamôkomeda va gésumu. Ahmakabana maduani medi. Ahmatséva na nzéké gôébuta édiia éduanie éne énganyôngéô ahngô.

Marc 15:24

Vane ahmamôkomeda va gésumu. Ahmakabana maduani medi. Ahmatséva na nzéké gôésevoa ône angadiia éduanie énganyôngéô ahngô.

LUC TSANGO EAMOSOBA EMATENDA 22:22

Me Muana Amôma, na gô pie nakea g’ôwa te gamanyôngéô Nzambé mbe éngaba te nane. Ivô ngeba épôni gô maguga mangeena ône akabi me.

LUC TSANGO EAMOSOBA EMATENDA 22:37

Me nanôbeenda mbe, na gô pie Matendeo mema mangeenanô gôndé me. Matendeome, te mbe: Amabaka g’ôtangôe agéômbé soma abévani. Jésus angô mbe: Ebégôe éne te éne éami éngeenanô n’atsatsee.

LUC TSANGO EAMOSOBA EMATENDA 23:33

Vamabueahngô gô gétungu gééndô mbe kooko amôtsé, amakomeda Jésus va gésumu sowa. Ahmakomeda dôta asi môkôbé abaé, môvo gésa gémôgôô, môvo gésa gégeto.

LUC TSANGO EAMOSOBA EMATENDA 24:20

Ebégôe dôta te gameenda tsesu yadeekedi adigondoku, n’atômi atsenge. Ameeséda Jésus gôéyôhu na amamôyôha va gésumuge.

Jean 19:18

Gô tungu nene, migode mimakomeda Jésus va gésumuge. Amabôkéda dôta avo amôgôô abaé gô ésumue éaô. Amatemeda ahngô, Jésus va gatse, amôgôôe abaé ane amabaka gésa na gésa.

Jean 19:24

Migodemie minayi mimavovo anguene na anguene mbe: Tômbiakakani ngoyi nene. Tôtsévéni na nzéké gôésevoa ône angamidiiani. Gô ébégôe éne gômeenanô éne émeevéda Matendeo MaNzambé mbe: Amakaba va gatse aô maduanime mami Amatséva na nzékéne gôédiia ngoyine éami. Te éne émeenda migodemie.

Mayanzame 13:27

Te asi Jérusalem na peeye yaô ahsibangôé mbe Jésus ôdôô te ône amasevou na Nzambé. Asiôkô mabégô mamatenda apandôédi amatasa maNzambé. Tambô mabégôme mane te mangô matangôni gô pitsi yetso yedunda. Na mabégôme mamadugédu vameeséda ahngô Jésus mbe: Ayôhu te yôhgu.

Mayanzame 15:18

Oôkôni éne émavovo Kumu Nzambé ône asabômu mabégô mema bandôa va mbeego.

Mayanzame 2:36

Buedi mbe éongo éetso éaIsraël émenya ébégôe édué. Anye nômabôkéda Jésus gô gésumu sowa. Nzambé amakônza va mbeego mbe Jésus ôdôô angaba Kumu na Christ, ône amasevou na Nzambé.

Mayanzame 3:18

Va mbeego Nzambé ameeveda wa n’anyô g’ôgi apandôédi muetso amatasa medi mbe Christ, ône amasevoangô, angeena maguga. Na amameena te gô éne émeendanye.

Mayanzame 4:28

Ewe Nzambé ômasinga ahngô gôéénda éetso émeendahngô te gô ényangee éoo. Te gamamenya éwe va mbeego mbe ébégôe éngaba te nane.

Mayanzame 5:28

Tômadékéda anye na môge mbe: Nômbiekéda gô ina amômôgôô nône, eendô mbe Jésus. ?Anye nômeenda nayee? Anye nômatsanzabanéda meekédume manyô gô môsenge wetso aJérusalem. N’anye nôétsa we ôési g’ôwa amômôgôô nône.

Mayanzame 5:30

Nzambé ône amaneegedu na peeye yasô n’anyô na mbeego, amanikéa éétsa Jésus monyo, ône amakomeda anye va gésumu sowa gôémôyôhéda.

Mayanzame 7:52

Apandôédi muetso amatasa maNzambé amakuanô na peeye yanyô. Amayôha ane ameevéda gévigéô sone amatsimamani. N’atsatsee te anye nômakaba na nômayôhéda angô, ône amatsimamani avigini.

Romains 2:12

Muetso ane eenda mabégô mabévani gémenye ndongi na mige na mitôma mimatsikéô we na Moïse, angawa gétsundédu gô miangô. Na gôndé muetso ane eenda mabégô mabévani amamana éôkô ndongi na migemie na mitômamie ahngatsundédu gô miangô.

Romains 4:17

Matendeo MaNzambé matônigôa te nane. Nzambé amavovo mbe: Gô ngudi yami, éwe Abraham te tétene oma ayekani. Abraham te tétasô va mbene aNzambé, ône ameetsangô môtémedi. Nzambé nene te éne ékundua ane amawani na atubéda éne ésienanôni mbe éenanô.

1 Thessaloniciens 2:15

Ajuife ane te ane amayôha Kumu Jésus, na amayôha apandôédi amatasa maNzambé, na amakuana me. Aseenda ganyôngéô Nzambé. Andé adudeo oma muetso.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.

I Pierre 1:20

Christ amasevou na Nzambé tsengene madeo ésivangô. Nzambé amatsigéda angô gô ndéô yedi yamôyusumédu na gôndé anye.

I Pierre 2:8

Matendeo MaNzambé matônigôa mbe: Etaé éne émakoga éka éôkana mabaku. Na éka ôbobo ônikanédana mangimangima. Angô ôpôngéda muetso asookéô ndongi yaNzambé. Te gamavanga Nzambé mbe éngaba te nane gôndé ane asookôni.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.