Mayanzame 2:22 - New Testament in Mitsogo

²² Pierre amavovo mbe: Anye oma aIsraël, ôôkôni mabégô mema. Nzambé gô inedi ameetsa anye Jésus môsi Nazareth. Enyanga éndé n’edi éaNzambé émeenanô gô mane mameendangô va gatse awa n’anyô. N’anye nôsabômu gameenda Jésus mavétô, n’embégéa éangudi yaNzambé, na mabégô manyônganéôni masoongôa môma ésupua.

Mayanzame 2:22 ပူးပေါင်းရင်းမြစ်များ

Matthieu 12:28

Me nanôbeenda mbe nakuséda édidi ébévani te gô ngudi yaGédidi SaNzambé. Tambô kôngédani mbe ôkumu aNzambé ômasuma na gôndé anye.

Matthieu 2:23

Amadigaa wangô gô mbôka étetu mbe Nazareth. Va mbeego môpandôédi amatasa maNzambé amabeenda mbe: Angatetuku mbe môsi Nazareth.

Matthieu 9:8

Vameena géômbége éne émayanza Jésus, muetso amasôbasôbana na gomo na ahmakuméda Nzambé gô ényangee éedi évôni émeetsô gôndé oma.

LUC TSANGO EAMOSOBA EMATENDA 11:20

Okô mbe te gô môsongosongoe aNzambé ôkuséda me édidi ébévani gôndé oma, tambô kôngédani mbe ôkumu aNzambé ômasuma na gôndé anye.

LUC TSANGO EAMOSOBA EMATENDA 18:37

Oma amamôsupua mbe: One ootani te Jésus môsi Nazareth.

LUC TSANGO EAMOSOBA EMATENDA 24:18

Va gatse angô abaé, môvo inedi Cléopas, amamôaabéa na nyivô mbe: ?Va gatse asi Jérusalem muetso te ômuene na koo ôsiôkô mane mabuéyi wangô pitsi yedi-a? Akoo amookô mangô.

Jean 1:45

Gô mbene anzéa, Philippe amawanya na Nathanaël. Amamônigôa mbe: Tôenani na ône amavovoko Moïse gô miganda mimatendangô mige na mitôma na ndongi yaNzambé. Te ône amanigôa dôta apandôédi amatasa maNzambé. Te Jésus muana aJoseph, môsi mbôkane ééndô mbe Nazareth.

Jean 10:37

Okô tsiyanza mane manyôngéô Téta, nôngatsuma me paga.

Jean 11:47

Apharisien na tsesuye yadeekedi adigondoku amadigaa gô kundu éaô épôni gôévanga gépangô. Amavovo anguene mbe: ?Tôéndani nayee na mômôgôô nône? Angô aseendô gôéyanza mabégô manyônganéôni masoongôa môma ésupua.

Jean 12:17

Muetso ane amadenganô vamabambéa Jésus Lazare gô ngii gôémôkundua, ahmanigôa akaô mane mameenahngô.

Jean 15:24

Mbe tsitubédéké gôndé asi tsengene mayanza mavôni masienanô na mbeego ahngô mbe asaba n’oési gô mane maô mabévani. Ivô ahngô ameena mane mamayanza me mamisôba, na ahngô avinga wa na Téta Nzambé muetso.

Jean 19:19

Pilate ameetsa môtôma mbe: Tendani saté sokadô mbe, Oô te Jésus môsi Nazareth môtômine aAjuif. Vumbani angô va ngongo agésumuge.

Jean 3:2

Nicodème amakea na gôndé Jésus na pitsi. Amamômekeda mbe: Môékédi, tômenya mbe Nzambé amatôma éwe gôéékéda we. Môma asoongôa éénda émbégéa ényônganéôni éne ééndewe, buétsé te Nzambé amôétsa ngudi.

Jean 4:48

Jésus amavovo n’edi mbe: Anye nômakaaô na paga géôngôé éétsa me mitémamie mianyô buétsé te nôpanga éena émbégéa étsapanéôni na mane mamisôba mayanza me gôétubéda ngudi yami.

Jean 5:36

Kaka Jean anganônigôa mane mandé n’ami. Jean te mbangi ivô mane mandé n’ami masakôdéa na mane medi matévo. Mayanzame meenda me te mbangi énigôa anye mônongoe wami na gamatômu me na Téta.

Jean 6:14

Oma ameena ébégôe évôni émayanza Jésus ésoongôa môma ésupua. Amasôbasôbana mbe: Mômôgôône ôdôô te na gô pie môpandôédi atômiô na Nzambé na gô tsengene, avigini.

Jean 6:27

Tsikani éyanza gô môyakô ôbooni. Yanzani gô môyakôe ôdingani na ôétsa monyo ôsakôdéakani. Téta Nzambé ameemba me Muana Amôma ndémbô éenyangee éedi, t’ebandô nandé na ngudi yenôétsa môyakôe ône.

Jean 7:31

Va gatse omee ane, gômabaka ayekani amamôétsa mitémamie gébé na paga. Ahngô mbe: Vangaviga Christ, ône angatômu na Nzambé ?émbégéa éangudi yaNzambé éngatubédangô éngootéa éyéka na éne étubéda mômôgôô noo-a? Esangootéa éyeka. Gôsaba muene angavigani.

Jean 9:33

Mômôgôô nône mbe asivigé gôndé Nzambé, angô mbe asiôngôa éénda mane.

Mayanzame 13:16

Paul amatema. Amadogima mbe: Tôsingi. Na amavovo mbe: Anye amôgôô, ana aIsraël, n’anye muetso nôneegeda Nzambé na gomo. Oôkôni édué.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

Mayanzame 2:19

Nôngeena émbégéa g’ôba na étsutsuku gô tsinane énganôtubéda me. Gôngaba nzina, na soto na nzôngé éamôtutu.

Mayanzame 2:43

Oma muetso ameena gomo gô ényanga émabaka na ane amasevoukuni na amatômukuni vameendangô émbégéa éangudi yaNzambé na mabégô mamisôba masoongôa môma ésupua.

Mayanzame 21:28

Amaadôngana mbe: Akasôni, anye oma aIsraël. Wedéani we na mômôgôône ôdôô. Nôeni, angô te ône eekéda tungu yetso n’oma muetso mbe: Nômbieenda geenda oma aIsraël. Nômbiakenea mige miaMoïse. Nômbiagobeda eba aNzambé. ?Nôseena geendi angô n’atsatsee-a? Eengédi gô eba ôdôô aNzambé ane asaba Ajuif buta mbe abévéda éôma émagôgéani éaNzambé éka na évindô.

Mayanzame 22:8

Me namamôévôa mbe: ?Kumu, ône avovoni indaa? Angô amanigôa me mbe: Me te Jésus môsi Nazareth. Ewe Saul ôndé gôékuana me.

Mayanzame 24:5

?Oeni mômôgôône ôdôô-a? Angô te môma agéyoongi. Aseendô gôéyungéda Ajuif muetso gô tsengeye yetso yava tsina. Angô te pene agéômbé sAjuif gééndô mbe Nazaréen.

Mayanzame 26:26

Amuene Agrippa môtômi môvôni, amani éôkô mabégô mema. T’ebandô navovo n’edi gébé na mikebanganô. Metso manigôi me anye deo noo masisuéguku v’esooe ivô mamamenyanganô na mbeego.

Mayanzame 26:9

Memuene namasema gôégenya ébadi na Jésus, môsi Nazareth mbe inedi édimbana.

Mayanzame 3:12

Vameena Pierre géômbége, amavovo n’ahngô mbe: ?Anye oma aIsraël nôsôbasôbana ndé? ?Te gôdôngédiô gékonzoge egé-a? Nônabono we mbe tôdôngédi mômane ôdôô gô ngudi yawéene, na gô évambee éndé we na Nzambé.

Mayanzame 3:6

Pierre amavovo n’edi mbe: Gôndé me, tsaba na sôma ta na dode ta na dodo mbe nagôétsa éangô. Ivô éne éndéké n’ami, nagôétsa éangô. Gô ina aJésus-Christ môsi Nazareth, timôga. Kiaka na makôdô moo.

Mayanzame 4:10

Vôtaganganôni ébégô édué anye nôévôi we. N’anye oma aIsraël muetso, vôtanganôni édué. Mômôgôône ôdôô atema môtie na makôdô medi va miso manyô te gô ina aJésus-Christ môsi Nazareth, ône amabôkédanye va gésumu sowa. Te ône amakunduu na Nzambé g’ôwa.

Mayanzame 5:35

Vane amavovo na ane amabaka gô kundune mbe: Anye amôgôô n’ami, atômi oma aIsraël. Tôwemeni gô éne éngeenda wa n’anyô omee adua.

Mayanzame 6:14

Tômookô angô amavovo mbe: One eendô mbe Jésus môsi Nazareth, angapanzéda eba aNzambé na angakoa mônongoe ôndé n’asô n’anyô ômatôtsikéô na Moïse.

II Corinthiens 12:12

Mane mamayanza me va gatse anyô n’obibô na môvinéné na gétabé, mamatubéda mbe na gô pie namasevou na namatômuku na Christ. Mayanza mami te émbégéa éangudi yaNzambé na mayanza maGédidi sedi, na mabégô mamisôba matsapéô môma masoongôa angô énigôa.

Hébreux 2:4

Nzambé ameetsa ôgie ône ényanga gômatubéda angô émbégéa éangudi yedi na mayanza masôbasôbana oma, na gômayanza angô mabégô mavôni manyônganéôni masoongôa môma ésupua. Na gôétubéda mbe ôgie ôsapata akaba ganyôngéô angô migôô miviga na Gédidi sedi.