Mayanzame 2:10 - New Testament in Mitsogo

¹⁰ Tômaviga gô Phrygie na gô Pamphylie na gô Egypte na gô gésa saLibye gébambana na Cyrène. Gôndéké n’avo amaviga gô Rome.

Mayanzame 2:10 ပူးပေါင်းရင်းမြစ်များ

Matthieu 2:15

Amadigaa wangô ngu na vamawa Hérode. Vane mabégô mamasupua môpandôédi amatasa maNzambé mameenanô. Nzambé amanigôa va mbeego mbe: Nangatôma muanami mbe: Nôtôga gô Egypte.

Matthieu 23:15

Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Nôkénga mitôô tsengene nyetso gô tsényé na gô mubu gôédiia môma môvo asinga meekédume manyô. Vakangô mômanyô, nômôkoa mbe ébévee éedi éngootéa pepe éne éanyô.

Matthieu 27:32

Vamakeahngô amawanya gô nzéa na môsi Cyrène, inedi Simon. Migodemie ahmamôtindéga gôétsua gésumuge géngayôhu Jésus.

Marc 15:21

Vamakeahngô ahmawanya na mômôgôô inedi Simon, amaviga gô tsagedi. Simon nene amabaka môsi tsenge étetu mbe Cyrène. Angô tétene aAlexandre na Rufus. Vamadengahngô Simon gô nzéa, migodemie ahmamôtindéga gôétsua gésumuge géngayôhu Jésus.

Mayanzame 11:20

Buéyé nane, avo ane ameetsa Jésus mitémamie amatimôga gô Chypre na gô Cyréne gôékea na gô Antioche. Gône ameekéda buéyé n’ane ahsaba gô éongo éAjuif. Amanigôa ahngô Tsangô Eamôsoba éaKumu Jésus.

Mayanzame 13:1

Va gatse asi mbumu éaNzambé gô Antioche gômabaka apandôédi amatasa maNzambé na eékédie. Ahngô te Barnabas, na Siméon (eendô mbe ône anzue) na Lucius (amaviga gô Cyrène). Na avo dôta te Manaën, (ône amabôngôu gô eba aHérode môtômi atsenge) na Saul.

Mayanzame 13:13

Gô mbôka aPaphos, Paul n’akedi amapeka gô mbôngône épôni gôékea na gô Perge gô tsenge éaPamphylie. Jean-Marc amaagana n’ahngô na amanika na gô Jérusalem.

Mayanzame 13:43

Vamakusa oma gô eba agéwanyéô, Ajuif ayekani n’avo ane ameengédu gô gésôga sAjuif, amaanda Paul na Barnabas. Ahngô abaé amavovo n’omee ane mbe: Sipani gô mabégô mema. Itsani mitéma mianyô mietso gô mane mookô anye metondo éaNzambé.

Mayanzame 14:24

Paul na Barnabas amakitsangana tsenge éaPisidie gôébuéa na gô Pamphylie.

Mayanzame 15:38

Ivô Paul asinyôngéô ékea na Jean‐Marc. Gôébégô gô môtôô amapanga vamakeahngô muetso, Jean‐Marc amaagana n’ahngô gô gatse anzéa gô Pamphylie gémané n’ahngô môtôôe na gékôdédé éyanzee.

Mayanzame 16:6

Gédidi SaNzambé gémadékéda Paul n’akedi mbe: Nômbiakea na gô tsenge éAsie gôéékéda Mane Mamavovo Nzambé. Vane amaseta tsengeye yaPhrygie na Galatie.

Mayanzame 17:21

Gésima sasi môsengee ône, na kumu yambôka n’agenda, gésima saô gémabaka te nane. Amadigaa miôsaa mietso gôénigôana na gôéôkô te mane mamanza na mamanza.

Mayanzame 18:2

Gô Corinthe amadenga Môjuif inedi Aquilas. Amabôtu gô tsenge ééndô mbe Pont. Gô ndéône émadenganô angô na Paul, te ndéône émavigangô gô Italie na môgayedi inedi Priscille. Amaviga nane gôébégô môtômine agô Rome eendô mbe Claude, amapatsa Ajuif muetso.

Mayanzame 18:23

Amamana gône ôkana apitsi na amoomba ékea. Amaseta tsengeye yaGalatie na Phrygie. Amasikama gondé aneengie gôéoodeda ahngô gô mabégô MaNzambé mameetsahngô mitémamie.

Mayanzame 2:11

Tôndéké te ane amabôtu gô éongo éAjuif na ane ameengéa gô gésôga sAjuif. We agenda tômaviga dôta gô Crète na go Arabie. Buéyé nane, we muetso tôôkô na vede gavovo omeaa yôgiye yasô yaminongo mietso gôékuméda Nzambé gô mayanza medi mavôni.

Mayanzame 23:11

Gô pitsine éanyoone, Kumu Jésus amatsutsuga na vandé Paul. Amavovo mbe: Mamisôba. Ombieena panda. Omani énigôa ômbanzee wami éva gô Jérusalem. Nanyôngéô mbe ôkéénda te mônongovo gô Rome.

Mayanzame 27:5

Tômaabôga mubu vapévapé na Cilicie na Pamphylie. Tômatsega gô mbôka ééndô mbe Myra éndé gô Lycie.

Mayanzame 28:15

Ana aTétee n’asô go Rome amookô tsangône éasô te madeo tôsitsiga na amaviga gôéwanyéda we gô tungu éekasa éAppius na gô yeba yagenda dindô mbe Trois Auberges. Vameenana Paul n’ana aTétee n’edi agô mbumu éaNzambé, amakasôga na amakuméda Nzambé.

Mayanzame 6:5

Géômbége setso saneengie amasinga ébégôe. Ane amasevouni, môvo te Etienne amaba gétsumé Nzambé paga na môtémedi ômayôa na Gédidi SaNzambé. Avo te Philippe, na Prochore, na Nicanor, na Timon, na Parménas, na Nicolas môsi Antioche ameengéa va mbeego gô gésôga sAjuif.

Mayanzame 6:9

Avo amôgôô asinyôngéô mane mamayanza Etienne. Amôgôôe ane amabaka gô géômbége gémeendô mbe, avéga amoobouni. Géômbége géne gémabaka na ebaô agéwanyéô. Gô géômbége géne gômadenganô Ajuif amaviga gô Cyrène na Alexandre na Cilicie na Asie. Ahmatsunda na Etienne.

Romains 1:15

T’ebandô nookô tsôvé gôébuéda Tsangône Eamôsôba éaJésus-Christ na gôndé anye dôta asi Rome.

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

II Timothée 1:17

Oeni gameendangô. Vamatsigangô gô Rome, amabuta me na môvinéné ngu na vamatsutsuangô ebee atsôgôô ôdigaa me.

Gétsutsuéô 11:8

Nzumbiye dibaé dine dingasanéa gô nzéa agô môsenge ôvôni ône ômakomedu Kumu yaô gô gésumu sowa. Môsengee ône ôtetu gô tsava mbe Sodome na Egypte.