Mayanzame 19:9 - New Testament in Mitsogo

⁹ Ivô ayekani amabaka na kéndé na amakina éétsa mitémamie gô mane mookiô ahngô. Amadeta mabégô manzéane éaKumu Jésus va mbene oma muetso. Paul amanôtôga vandé ahngô. Amakea n’avo aneengi na gô dikoda dindé gô Tyrannus. Ameekéda wangô pitsi yetso.

Mayanzame 19:9 ပူးပေါင်းရင်းမြစ်များ

Matthieu 15:14

Tsikani omee ane, ahngô te asi pogu atôma akaô. Okô môsi pogu akedi môkedi môsi pogu, muetso abaé angakuyaméa gô éduku.

Matthieu 16:4

Oma apitsi yedi, anôtôga gôndé Nzambé gôémôviia ngima, andé abévani, ahbuta éena gémbégéa sangudi yami. Ivô asangeena gémbégéa gésoongôa môma ésupua buétsé te géne gémeenanô gôndé Jonas. Vane Jésus amatsika ahngô na amakea.

Matthieu 26:55

Jésus amavovo na géômbége mbe: Anye nôviga gôétsôpa me na mabaga na péndé. ?Nômenya mbe me môsi môkôbé‐a? pitsi yetso namabaka n’anyô gô eba aNzambé gôéékéda anye, n’anye nôsitsôpé me. Tambô me, kaka môsi môkôbé.

Jean 12:40

Nzambé ameeméda oma miso maô, Kabaga miso maô meenéa, Na kabaga mitéma miaô minigôgéô, Na kabaga akoa matasa maô gôéneegeda me Mbe nadôngéda ahngô.

Mayanzame 11:26

Vamamôdengangô, ahmanika muetso abaé na gô Antioche. Amanana wangô môpuma amôbongo va gatse ambumu éaNzambé. Ameekéda oma ayekani. Aneengie amatetu mbe oma aChrist. Inee éne émabandôa te gô Antioche.

Mayanzame 14:4

Asi môsenge ône amatatôana. Avo gô gésa sAjuif. Avo dôta gô gésa sane amatômukuni.

Mayanzame 17:4

Avo va gatse aô amookô na amasinga mbe Jésus te Christ. Amavamba na Paul na Silas. Na dôta Agrec ayekani amaneegeda Nzambé na mbeego, n’avo ageto avôni amamenyanganôni, amasinga te mônongovo na amavamba muetso na Paul na Silas.

Mayanzame 19:23

Gô ndéô nene gômatubéga ébégô édagani gôndé ane amakea gô nzéa éaKumu Jésus.

Mayanzame 19:30

Vamookô Paul ébégô amanyôngéô ékea amuene gôévovo n’ebitie. Ivô ane ameetsa Jésus mitémamie amamôsikéga.

Mayanzame 20:31

Bakani n’ekena. Menyani mbe me gô mipuma mitatô na pitsi n’omanda me tsidunda énôévéda môma na môma. Nameevéda na namadéa na keba te gôndé anye.

Mayanzame 22:4

Me namakuana ngu na g’ôwa ane amakea gô nzéa éaKumu Jésus. Namatsôpa amôgôô n’ageto gôéaheengéda gô eba atsôgôô.

Mayanzame 24:21

Me tsabômu ébégô évo émavovo me ésinyôngéô angô. Ebégôe te vamavovo me mbe: ?Tambô anye nôtsundéda me te gôténdéda me gékundugéôge sowa-a?

Mayanzame 28:22

Ivô tônyôngéô ti pepe éôkô matasa moo. Tôsabômu mbe gô tungu yetso dimeekédu nzéa ékea éwe éne, oma eenda pégôani na meekédu manzéa nene.

Mayanzame 7:51

Vane Etienne amabono ane amadenganôni. Na angô mbe: Ah anye oma akéndé. Mitéma mianyô mindé na bôpeeo na matôme manyô makina mbééane ébambéô anye na Nzambé. Nôkékôéa Gédidi SaNzambé mbe gésayanza gô mitéma mianyô. Anye nôgono na peeye yanyô.

Mayanzame 9:2

Amamôduka ésangô étubéda mbe: Odôô te Saul, vambanani n’edi gô yeba yanyô yewanyéô gô Damas. Na ésangôe éne, Saul ameetsô ôtômu gôétsôpa gô yeba yewanyéô yAjuif, amôgôô n’ageto akea nzéepo na Kumu Jésus. Aahtsôpa mbe akea n’ahngô na gô Jérusalem gôétsundéu.

Romains 11:7

?Tôngeenda nayee? Ana aIsraël asidiia éne émabuta ahngô. Ane amadiiani te ane amasevou na amuene Nzambé. N’ane amasanéani atsapéô ti tsapéô asoongôa éditéga.

Romains 9:18

Vane tôena mbe Nzambé eena oma ngeba te ganyôngéô angô. Na oodeda mitéma miavo ganyôngéô amuene.

I Corinthiens 16:9

Gôébégô me éva nadii ndéô éamôsôba. Ombee ôkukuéyiô me na voo gôéyanza buéyé mbe adudeoe andéké ayekani.

I Timothée 6:5

T’ebandô pagaye yaô disakôdéa, gôébégô mitéma miaô mindé mimayungani na misamenya mabégô mapie. Ahngô amenya mbe môma agobeda Nzambé te gôédiia ôkitie.

II Timothée 1:15

Omuene ôsabômu gamatsikô me n’asi mbumu éaNzambé adigaa gô Asie. Amatsika me gameenda akaô abaé Phygèle na Hermôgène.

II Timothée 3:5

Gô ndéôye dine, oma angagésangana gô gésôga ti eembe andé gôégobeda Nzambé tambô asavamba na ngudi yedi. Kina évamba n’omee amônongoe ône.

II Timothée 4:2

Môtômee te mbe: Ikédaka Mane Mamavovo Nzambé. Nigôa mangô na gébaki gô ndéô yetso. Ndéône ényepeyee, ésanyepeyee, suméaka ikéda gôékoa oma matasa maô. Semba ahngô. Kasôgéda ahngô. Ikéda ahngô na môvinéné ôvôni.

Hébreux 3:13

Kasôgédanani anyene n’anyene pitsi yetso gô ndéô nedué, éne ééndô na Matendeo MaNzambé mbe: deo noo. Na te éne éôkô anye ôgi aNzambé ôvovo n’anye. Gômbe gôsangaba ta na môvo va gatse anyô angasingana na mabégô mabévani gôéba na pogu, na ndiba, na môtéma oodoni gôékina mane manyôngéô Nzambé.

II Pierre 2:12

Ivô eekédi adiboe ahgono na nyama yagô pindi diinda minongo miaô mimeekaganô n’ahngô. Nyamaye dine dimabôtu te gôétsôpu na gôéyôhu. Eekédi adiboe ahbuanya mabégôme masookô ahngô. Ahngô angabunganédu ga nyama yagô pindi.

II Pierre 2:2

Oma ayekani ahngadeka n’ahngô ésima ébévani. Na gô éne éngeendahngô oma ahngadeta nzéa éamabégô mapie.

Jude 1:10

Ivô amôgôôe adeo noo ane, abuanya metso masanigôgéô ahngô te buanyaga. Agono na nyama yagô pindi dinda minongomie miaô mimeekaganô n’ahngô. Na miangô mikeda ahngô na gôébungana.