Mayanzame 17:2 - New Testament in Mitsogo

² Gameenda Paul kuka yetso, amakea na gô ebee ône agéwanyéô. Pitsi yedunda ditatô amanigôana n’akedi amadenganôni mane magô Matendeo MaNzambé.

Mayanzame 17:2 ပူးပေါင်းရင်းမြစ်များ

Matthieu 26:24

Na gô pie me, Muana Amôma nangawa mônongovo gamabeenda Matendeo MaNzambé mbe nangawa. Ivô ngeba épôni gô maguga mangeena ône angamôkabani. Mbe amabaka madeo asibôtu mbe émanyepa.

LUC TSANGO EAMOSOBA EMATENDA 4:16

Jésus amabuéa na gô Nazareth, te mbôkane émoongôgangô. Gô nyee edunda ameengéa na gô eba agéwanyéô gamabaka gésima sedi. Amatema gôétanga Matendeo MaNzambé.

Jean 18:20

Jésus amamônigôa mbe: Mane mameekéda me, namamavovo v’ekanga va mbene oma muetso. Nameekéda mangô kuka yetso gô yeba yewanyéô na gô yeba yaNzambé gôwanya Ajuif muetso. Me tsivové éav’esooe.

Mayanzame 13:14

Barnabas na Paul amanôtôga gô Perge gôékea na gô Antiochene éndé gô Pisidie. Nyee edunda aAjuif, ameengéa na gô ebaô agéwanyéô na amadigaa.

Mayanzame 13:5

Vamatsigahngô gô Salamine ameengéa gô yeba yewanyéô yAjuif na amabandôa éékéda Mane Mamavovo Nzambé. One amakea gôéwedéa ahngô te Jean-Marc.

Mayanzame 14:1

Gô Iconium dôta Paul na Barnabas ameengéa na gô eba agéwanyéô sAjuif. Gô mônongo ômeekedangô, ayekani Ajuif n’ane asaba Ajuif, amakoa matasa maô gôéétsa Nzambé mitéma.

Mayanzame 17:10

Vameeda nyee, asi mbumu éaNzambé amawedéa Paul na Silas gôénôtôga gô môsengee gô tsina evitsi mbe akea na gô Bérée. Vamabuéa ahngô gô Bérée amakea na gô eba agéwanyéô sAjuif.

Mayanzame 17:17

Gô eba agéwanyéô sAjuif amanigôana n’Ajuif na ane asaba Ajuif amaneegeda Nzambé. Pitsi yetso amanigôana va gétungu seba ekasa n’ane amadenganô wangô.

Mayanzame 18:4

Pitsi yetso yedunda Paul amatema gô eba agéwanyéô sAjuif gôéékéda. Amanyôngéô ékoa matasa mAjuif na mAgrec mbe asinga Jésus.

Mayanzame 19:8

Paul amakea na gô eba agéwanyéô sAjuif. Pitsi yetso gô ngonde ditatô ameekéda na bôkédé. Ameekéda mabégô mokumu aNzambé buta mbe ane ookôni akoe matasa maô.

Mayanzame 24:25

Paul amabandôa évovo. Amanigôa ganyôngéô Jésus mbe môma adigaa n’etsimama. Na gôétôma ôtôe woo gôékina mane mabévani. Amavovo dôta n’ebégôe éamôtsundu ôvigani. Vane Félix ameena gomo na amamôénda mbe: Te vanedô. Kiaka. Okedigaa. Gô épo kuka vangeena me ndéô nangagôbambéa.

Mayanzame 28:23

Amasevoa inya gôévovo na Paul. Nyoone amaviga ti ayekani na gô eba ômadigaa Paul. Bandôa vamaagiia nyee ngu na vameedangô, te andé wangô. Paul amasupua ahngô mabégôme mokumu aNzambé gômanigôa angô ômbanza aJésus. Amatanga mane mamatenda Moïse na mane mamatenda apandôédi amatasa maNzambé va mbeego gôénigôa mane maJésus. Paul amanyôngéô ékoa ahngô matasame mbe asinga Jésus.

Mayanzame 8:35

Vane Philippe amabandôa énigôa Tsangône Eamôsôba éaJésus. Amabandôa na mane mamatanga môsi Ethiopie.

Mayanzame 9:20

Asidingé éengéa na gô yeba yewanyéô gôéékéda mbe: Jésus te Muana ANzambé.

I Corinthiens 15:3

Namanôékéda bandôa v’ebandô mabégôme mavôni mameetsô me. Nameekéda anye mbe Jésus‐Christ amawa gô ébéva éasô n’anyô te gamatôévédu na Matendeo MaNzambé.