Mayanzame 16:1 - New Testament in Mitsogo

¹ Paul amabuéa gô Derbe na gô Lystre. Gône gômabaka môma môvo, ameetsa Jésus môtémee wetso, inedi Timothée. Yeedi te Môjuif ameetsa Jésus môtémee. Tétedi te Môgrec.

Mayanzame 16:1 ပူးပေါင်းရင်းမြစ်များ

Mayanzame 14:1

Gô Iconium dôta Paul na Barnabas ameengéa na gô eba agéwanyéô sAjuif. Gô mônongo ômeekedangô, ayekani Ajuif n’ane asaba Ajuif, amakoa matasa maô gôéétsa Nzambé mitéma.

Mayanzame 14:21

Paul na Barnabas ameekéda Tsangô Eamôsôba éaJésus-Christ gô môsenge aDerbe. Gône ayekani amakoga aka aneengie aJésus. Vane amoomba énika na gô Lystre na Iconium na épo Antioche éndé gô Pisidie.

Mayanzame 14:6

Vamookô Paul na Barnabas tsangône, ahmabusuga na gô tsenge éaLycaonie gôédigaa gô misenge mibaé mindô mbe Lystre na Derbe.

Mayanzame 17:14

Vane asi mbumu éaNzambé amayavôga ékeda Paul na gô gésa samubu. Silas na Timothée asikéé, ahmasanéa te gô Bérée.

Mayanzame 18:5

Silas na Timothée amatsiga, aviga gô Macédoine. Paul amabaka ndéô yetso gôéékéda. Amanigôa Ajuif ômbanza aJésus mbe: Angô te Christ, ône avengéôni.

Mayanzame 19:22

Amatôma omedi abaé na gô Macédoine, te Timothée na Eraste. Amuene amoomba ésanéa gô Asie.

Romains 16:21

Môwedine wami Timothée anôkômbôa. Kindami Lucius, Jason, na Sosipater anôkômbôa.

I Corinthiens 16:10

Okô Timothée atsigi gôndé anye, keneani angô buedi. Wa n’edi tôndé te éyanza évo éaKumu Jésus.

I Corinthiens 4:17

Na dôta nanôkudégéa Timothée muanami amôtéma agô mbumu éaNzambé ône adigaa gôndé Kumu na mavôma. Anganôbangôéda mônongo amonyo ôdigaa me gô vitoone éndé me na Jésus‐Christ. Mônongoe ône te ône ôékéda me gô tunguye yetso didigaa mbumu éaNzambé.

I Corinthiens 7:14

Ekegea te nane. Mômôgôône asivambé na Jésus awesedu na gôndé Nzambé gôétsimamédu n’edi gô vitoone éndé angô na môgayedi, môma aChrist. Na môgetone asivambé na Nzambé awesedu na gôndé Nzambé gôétsimamédu n’edi te gô vitoone éndé angô na mômiedi, môma aChrist. Mbeka mbe nane anaô mbe andé gôdagôda na Nzambé, tambô na anaô andé atsimamédu na Nzambé.

II Corinthiens 1:1

O te me Paul namasevou na namatômuku na Jésus‐Christ gamanyôngéô Nzambé. We tôvovoni te me Paul na muana aTétee n’asô n’anyô agô mbumu éaNzambé, Timothée. Gésangô gegé te sanyô asi mbumu éaNzambé nôndé gô môsenge aCorinthe na gô tsengene nyetso éaGrèce.

II Corinthiens 1:19

Wa na Timothée na Silas tômanigôa anye tsangône éaJésus‐Christ Muana ANzambé. Jésus asivigé na yôgi dibaé, ôô ôgi mbe: te nane, na ôvo ôgi mbe: kaka nane. Amaviga na ôgi ôvo aNzambé mbe: te nane.

Philippiens 1:1

Oô te me Paul na Timothée tôndé ayanzie aJésus‐Christ, tônôkudéga gésangô gegé. Te gondé anye muetso asi mbumu éaNzambé nôndé gô môsenge aPhilippes, nômeetsa Jésus‐Christ mitéma mianyô gémôtsumé paga. Tônôtendéa dôta anye nôndé peeye na atômie agô mbumu éaNzambé.

Philippiens 2:19

Okô Kumu Jésus asingi ganyôngéô me, nanganôkudégéa Timothée. Na vanganika angô n’eva, anganigôa me tsangône yanyô gôékasôgéda me.

Colosses 1:1

Oô te me Paul nanôtendéani. Nandé môvo vandé ane amatômu na Jésus‐Christ, te gamanyôngéô amuene Nzambé. Oô te me Timothée, muana aTétee n’anyô agô mbumu éaNzambé.

1 Thessaloniciens 1:1

Oô te me Paul na Silas na Timothée tônôkudéga gésangô gegé. Sangô te sanyô, asi mbumu éaNzambé gô môsenge aThessalonique. Nôndé oma aTéta Nzambé na aKumu Jésus‐Christ. Tônyôngéô mbe mate medi na gétabé sedi gébaké gôndé anye.

1 Thessaloniciens 3:2

Na tômanôkudégéa Timothée. Angô te muana aTétee ayanza gésoo gévo n’asô gôéékéda Tsangô Eamôsôba éaJésus‐Christ. Tômanôkudégéa angô te mbe anôodeda na anôkasôgéda gô mabégô maNzambé mameetsanye mitémamie gébé na paga.

1 Thessaloniciens 3:6

Timothée, ône abaki gôndé anye atsigi gôndé me n’atsatsee. Amanigôa we tsangône yanyô éagényônga gasipanye gô nzéa éaJésus émeetsanye mitémamie, na gandé anye na vitoo. Amanigôa me mbe anye nôseeba me ta na pesu. Timothée angô mbe: Mônongovo gaténdédewe asi Thessalonique na tsôvé mbe nôomba éenana, te n’ahngô agôténdéda te mônongovo, mbe nôomba éenana.

II Thessaloniciens 1:1

Oô te me Paul, na Silas na Timothée. Tônôtendéa gésangô gegé, anye asi mbumu éaNzambé gô môsenge aThessalonique. Anye nômavamba na Tétasô n’anyô Nzambé na Kumu asô n’anyô Jésus‐Christ.

I Timothée 1:18

Timothée, muanami agô mbumu éaNzambé nagôétsa ndongi yedi. Yangô éwanya na dipo ndongi dimeetsa Nzambé môpandôédi gôéevéda éwe. Singa mbe mabégô mema masipéda éwe na meetsa éwe ngudi gôégenya ébadie étôgenyani.

I Timothée 1:2

Nagôtendéa gésangô gegé éwe Timothée, ôndé muanami amôtéma agô mbumu éaNzambé. Nanyôngéô mbe Tétasô n’oo Nzambé na Kumu asô n’oo Jésus‐Christ agôétsa mate medi, na agôtubéda ngeba yedi na agôsuméda môtéma.

II Timothée 1:2

Nagôtendéa, Timothée éwe muanami amôtéma agô mbumu éaNzambé. Nanyôngéô mbe Tétasô n’oo Nzambé, na Kumu asô n’oo Jésus‐Christ agôétsa mate na agôsingéa kokoo na agôétsa gétabé sedi.

II Timothée 1:5

Natanganéda gameetsewe Nzambé môtémee woo wetso gémôtsumé paga. Mônongovo gamadeekeda yoo Eunice na yeene ayoo Loïs, mitéma miaô na mbeego. Tsabômu mbe anye n’ahngô, mabégô maNzambé mandéké gô mitéma mianyô te mônongovo.

II Timothée 3:11

Osabômu dôta gékuanô na maguga mamatubédu me. Omeena mônongo amaguga mamatubédu me gô Antioche na gô Iconium na gô Lystre. Ah mônongo agékuanô gémakuanô me. Osabômu mbe Kumu Nzambé amakuséda me gô mangô metso.

Philémon 1:1

Oô te me Paul, nandé gô eba atsôgôô gô mabégô metso maJésus‐Christ. Wa na muana aTétee n’asô n’anyô agô mbumu éaNzambé, Timothée tôgôtendéa. Tôgôtendéa Philémon, ôndéké na vitoo n’asô gô éyanzee édué.

Hébreux 13:23

Nôngeena buedi gôéôkô mbe muana aTétee n’anyô, Timothée amakusédu gô eba atsôgôô. Okô ayavôgi étsiga na vandé me nangaviga n’edi na gôndé anye.