Mayanzame 15:9 - New Testament in Mitsogo

⁹ Nzambé asatatôa Ajuif n’ane asaba Ajuif. Amagôgéda mitéma miaô gômeetsahngô Jésus miangô gébé na paga.

Mayanzame 15:9 ပူးပေါင်းရင်းမြစ်များ

Mayanzame 10:15

Ogi ômoomba évovo mbe: Okô Nzambé ameenda mbe: Sôma gége géndé gémagôgéani, ômbieenda mbe: Me tsaa. Gésigôgéé.

Mayanzame 10:28

Pierre amavovo n’ahngô mbe: Anye nôsabômu mbe Môjuif adékédu na mige miesôga égobedango mbe: Gévambé na môgenda na géengéé gô ebedi. Tambô Nzambé amatubéda me mbe, ômbiabono môma mbe andé asigôgééni na asagô.

Mayanzame 10:34

Vane te vamasiia Pierre mbe: Tambô na gô pie, nanigôgéyiô deo noo mbe Nzambé asatatôa oma.

Mayanzame 11:12

Gédidi SaNzambé gématôma me mbe: Timôga. Kiaka n’atsatsee n’adua na gô Césarée. Pierre amatubéda mbe: Nôeni, ana atétee n’ami, mbangiye môtôba édi. Amakea n’ami na gô Césarée. Tômeengéa muetso na gô eba aCorneille.

Mayanzame 14:1

Gô Iconium dôta Paul na Barnabas ameengéa na gô eba agéwanyéô sAjuif. Gô mônongo ômeekedangô, ayekani Ajuif n’ane asaba Ajuif, amakoa matasa maô gôéétsa Nzambé mitéma.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

Romains 3:9

Ovénga. ?Tambô wa n’anyô Ajuif tôôtéa ényepa n’akasô-a? Gôsaba. Me Paul namani énônigôa mbe Ajuif, n’oma muetso tôndé te mônongovo. Na tôndé muetso gô tsina otômu amabégô mabévani.

Romains 9:24

Endé te nane. Wa n’anyô tôndéké tômbambéôni, kaka Ajuif atévo buéyé n’ane asaba gô éongo éAjuif.

I Corinthiens 1:2

Gésangô gegé te sanyô asi mbumu éaNzambé nôndé gô môsenge aCorinthe. Gésangôge te gôndé anye nômabambéô gôéviia mane matsengene ngima gôéba môvo na Nzambé gô pitsi yanyô yava tsina. Te anye nômasevou gôéba oma amatsimamani ambumu éedi. Gésangôge te na gôndé muetso andé gô tsenge yetso ane asabômu ébambéa ina aKumu asô n’anyô Jésus‐Christ. Te Kumune yaô na te Kumune éasô n’anyô.

I Corinthiens 7:18

Tôkanéga te n’edué. Okô mômôgôô andé amageetuni vabambéô angô na Nzambé gôémôsinga, asangoongôa étôna mbe: tsigeetu gô gémbégéa sAjuif. Adigéké gadenganiô angô. Okô mômôgôô andé gégeetu vabambéô angô na Nzambé gôémôsinga, asabuta égeetu gô gémbégéa sAjuif. Adigéké gadenganiô angô.

Galatie 3:28

Tambô gôsabadô ôkabô va gatse Ajuif n’ane ahsaba Ajuif, va gatse avéga n’ane asaba avéga, va gatse amôgôô n’ageto. Muetso tôndé môvo na vitoo na Jésus‐Christ.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.