Mayanzame 15:7 - New Testament in Mitsogo

⁷ Vamagogo ahngô étsumana pagaye, Pierre amatema. Angô mbe: Ana aTétee n’ami asi mubmu éaNzambé, nôsabômu mbe g’esevoeo me na Nzambé va gatse anyô vadingi. Amasevoa me gôénigôa Tsangô Eamôsôba éaJésus‐Christ gôndé ane asibôtu go éongo éAjuif. Nzambé amanyôngéô mbe n’ahngô muetso ookô na ahmôétsa mitémamie miaô.

Mayanzame 15:7 ပူးပေါင်းရင်းမြစ်များ

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Jean 3:27

Jean amaabéa ahngô mbe: Môma asoongôa éba na sôma, buétsé te Nzambé amôétsa sangô.

Mayanzame 1:16

Ana aTéta asi mbumu éaNzambé, menyani mbe éne émavovo Gédidi SaNzambé va mbeego gô mônya aDavid, na ématendu gô Matendeo MaNzambé, émeenanô. Ebégôe émeevéda mbe: Gôngaba môva angaba môtévédi gôndé ane abuta éyôha Jésus. Môtévédine te môkasô Judas.

Mayanzame 1:24

Vane muetso amadenganôni amavovo na Nzambé ôgi ôvo mbe: Kumu, éwe ôsabômu mitéma mioma muetso. Tubéda we ône asevoyi éwe va gatse omee abade adua.

Mayanzame 10:19

Tambô amuene Pierre andé digaa gôétanganéda gakegea ébégôe éeni angô. Gédidi SaNzambé gémavovo n’edi mbe: Oôkô édué. Gôvigi amôgôô atatô abuta éwe.

Mayanzame 10:20

Timôgaka. Sutuméa na gô môgényée agô tsina. Ombieena panda gôékea n’agendee. Te me Nzambé natômi ahngô na gôndé éwe.

Mayanzame 13:2

Nyovo vamabakahngô amakina môyakô gôévovo na Nzambé na gôéneegeda angô, Gédidi SaNzambé gémavovo n’ahngô mbe: Tatôani gô inami Barnabas na Saul akusa va gatse anyô akea gôéyanza éne émasevoa me ahngô.

Mayanzame 15:14

Simon Pierre atônigôi mbe bandôa v’ebandô Nzambé amakenea ane asaba Ajuif gôésevoa omedi va gatse aô.

Mayanzame 15:2

Gô ébégôe éne Paul na Barnabas ahsinyôngéô gamavovo ahngô. Te gamasaganédana ahngô. Muetso amavangana mbe: Anye Paul na Barnabas n’avo dôta asi Antioche, kiakani na gô Jérusalem. Nôkevovo ébégôe éne na peeye yambumu éaNzambé na dôta n’ane amatômukuni.

Mayanzame 15:39

Paul na Barnabas amasangédana na amaagana. Barnabas amabongo Marc na amapeka gô mbôngô gôékea na gô Chypre.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Mayanzame 21:16

Avo aneengi aJésus asi Césarée, amaveegeda we na gôndé mômôgôô môvo mbe tôdigaa n’edi. Inedi te Mnason môsi Chypre. Angô amakoga gôéétsa Jésus môtémedi te na mbeego.

Mayanzame 3:18

Va mbeego Nzambé ameeveda wa n’anyô g’ôgi apandôédi muetso amatasa medi mbe Christ, ône amasevoangô, angeena maguga. Na amameena te gô éne émeendanye.

Mayanzame 4:25

Te éwe ômavovo gô ngudi yaGédidi soo n’ogi atétasô David, môyanzi oo mbe: ?Mongome eenda tsogosogo na dienza yaô nayee? ?Oma avanga épangô éagébé na tsoongo nayee?

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

Philippiens 2:14

Indakani metso mane gébé na mikebanganô na gétsumané paga.