Mayanzame 15:4 - New Testament in Mitsogo

⁴ Vamatsigahngô gô Jérusalem, asi mbumu éaNzambé na peeye yaô n’ane amatômukuni amakômbôana n’ahngô na gényônga. Ane amatômu gô Antioche ahmanigôa akaô metso mane mamayanza Nzambé n’ahngô.

Mayanzame 15:4 ပူးပေါင်းရင်းမြစ်များ

Matthieu 10:40

One asinga anye, asinga dôta na me. One asinga me asinga dôta na ône amatôma me.

Mayanzame 11:30

Ameetsa te nane. Amakudéga éne émeetsangô ôbiia na gôndé peeye yambumu éaNzambé gô Judée. Te Barnabas na Saul amatsua dibiiaye dine.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

Mayanzame 15:12

Vane muetso ane amakôvukuni amadigaa na suii gôéôkô Barnabas na Paul gamanigôa ahngô mbe: Va gatse ane asaba Ajuif, Nzambé amatubéda émbégéa éyekani éangudi yedi na amayanza mabégô manyônganéôni masoongôa môma ésupua, Te mangô éma. Na amanigôa.

Mayanzame 15:2

Gô ébégôe éne Paul na Barnabas ahsinyôngéô gamavovo ahngô. Te gamasaganédana ahngô. Muetso amavangana mbe: Anye Paul na Barnabas n’avo dôta asi Antioche, kiakani na gô Jérusalem. Nôkevovo ébégôe éne na peeye yambumu éaNzambé na dôta n’ane amatômukuni.

Mayanzame 15:22

Vane peeye yambumu éaNzambé na ane amatômukuni n’asi mbumu éaNzambé muetso amavangana mbe: Tôsevoeni oma abaé akea na Paul na Barnabas na gô Antioche. Ahmasevoa Silas na Jude, ône amoogu mbe Barsabbas. Amôgôô abaé ane amabaka n’enyanga gôétôma ana aTétee n’aô asi mbumu éaNzambé.

Mayanzame 15:3

Asi mbumu éaNzambé amatôma ahngô môtôôe ône. Amakea akitsangana tsengeye yaPhénicie na Samarie. Gô nzéa ahmanigôa akaô tsangône gakoa ane asaba Ajuif matasa maô gôéétsa Nzambé mitémamie. Tsangô nene émakasôgéda ana a Tétee n’aô muetso agô mbumu éaNzambé.

Mayanzame 15:6

Peeye yambumu éaNzambé n’ane amatômukuni amadigaa vavo gôékônza ébégôe éne.

Mayanzame 16:4

Gô misenge mietso mimabakahngô amanigôa ane ameetsa Jésus mitéma miaô mane mamatenda peeye yagô Jérusalem na ane amatômukuni, gô gésangô. Amatôma ahngô mbe: Gobedani mabégôme mane.

Mayanzame 18:27

Vane Apollos amanyôngéô ékea na gô Achaïe. Ana aTétee asi mbumu éaNzambé amasinga angô gôékea na amatendea asi mbumu éaNzambé gô Achaïe gésangô mbe: Keneani môgenda nône. Apollos amatsiga na amabaka n’eyanza évôni va gatse ane ameetsa Jésus mitéma miaô gô mate maNzambé.

Mayanzame 21:17

Vamatsiga we gô Jérusalem, asi mbumu éaNzambé amatsôkéa we na gényônga.

Mayanzame 21:19

Paul amakômbôana n’ahngô na amanigôa metso mamayanza Nzambé va gatse ane asaba Ajuif gô mane mameekéda Paul wangô.

Romains 15:18

Tsangoongôa éakuméda memuene buétsé te gô mane mayanza Christ na me Paul gôéweseda ane asaba Ajuif na gôndé Nzambé gôémôgobeda. Christ amayanza na me gô mavovia na gô môdigedi.

Romains 15:7

Vambani na gényônga anyene n’anyene gô mbumu éaNzambé mônongovo gamavamba Christ n’anyô gôékuméda Nzambé.

I Corinthiens 15:10

Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.

II Corinthiens 5:19

Endé te nane. Nzambé amayanza na Jésus‐Christ gôénikéa évambéda oma n’amuene géboné ébévee éasô n’anyô oma. Na amatôtôma tungu yetso gôénigôa tsangô éevamba émavangangô.

II Corinthiens 6:1

T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.

Colosses 4:10

Aristarque, ône andé n’ami gô eba atsôgôô, anôkômbôa. Na Marc muanaya aBarnabas anôkômbôa. Namani énôtenda ébégô éaMarc. Okô avigi na gôndé anye, vambani n’edi.

II Jean 1:10

Okô aviga na gôndé anye gétsué meekédu mema, nômbiasinga angô eengéa na gôndé anye gôésambanéa n’angô.