Mayanzame 15:1 - New Testament in Mitsogo

¹ Avo amôgôô amaviga gô Judée na gô Antioche. Ameekéda asi mbumu éaNzambé mbe: Anye amôgôô n’asô nôsangoongôa éengéa gô géobogeo, anye gégeetu gô gésôgage gématsikéô we na Moïse.

Mayanzame 15:1 ပူးပေါင်းရင်းမြစ်များ

Jean 7:22

Gésôgage sanyô segeeta anamôgôô, nômagétsikéô na tétee yanyô yambeego. Ivô anye nôénda mbe: Te Moïse amatsikéa we gésôgage géne. N’anye nôsinga égeeta anamôgôô buéyé mbe gô nyee edunda.

Mayanzame 1:15

Ovo enyaa ône ane ameetsa Jésus mitémamie amawanya vavo. Amabaka ôkana amôkama na nzima dibaé yoma. Pierre amatema va gatse aô. Amavovo n’ahngô mbe:

Mayanzame 15:22

Vane peeye yambumu éaNzambé na ane amatômukuni n’asi mbumu éaNzambé muetso amavangana mbe: Tôsevoeni oma abaé akea na Paul na Barnabas na gô Antioche. Ahmasevoa Silas na Jude, ône amoogu mbe Barsabbas. Amôgôô abaé ane amabaka n’enyanga gôétôma ana aTétee n’aô asi mbumu éaNzambé.

Mayanzame 15:23

Ameetsô gésangô mbe: Keani na sangô. Gématendu mbe: We tônôkômbôani te peeye yambumu éaNzambé na we tômasevouni na tômatômukuni tôndé ana aTétee n’anyô. Te we tôtendea anye nôsibôtu gô éongo éAjuif nôdigaa gô Antioche na Syrie na Cilicie.

Mayanzame 15:24

Tômookô mbe avo oma amatimôga éva gôébuéa na gôndé anye. Gô mavovia maô amayungéda anye na ameetsanye mikebanganô. Menyani mbe kaka we tômatôma ahngô na gôndé anye.

Mayanzame 15:3

Asi mbumu éaNzambé amatôma ahngô môtôôe ône. Amakea akitsangana tsengeye yaPhénicie na Samarie. Gô nzéa ahmanigôa akaô tsangône gakoa ane asaba Ajuif matasa maô gôéétsa Nzambé mitémamie. Tsangô nene émakasôgéda ana a Tétee n’aô muetso agô mbumu éaNzambé.

Mayanzame 15:32

Jude na Silas anguene te apandôédi amatasa maNzambé. Amasupuéa ana aTétee n’aô asi mbumu éaNzambé mabégô mayekani gôékasôgéda ahngô na gôésipéda ahngô gô nzéa éaNzambé.

Mayanzame 15:5

Va gatse aô gômabaka Apharisien ameetsa Jésus mitémamie. Amatimôga gôévovo mbe: Gôndé ane ameetsa Jésus mitémamie, ane asaba Ajuif, buedi mbe agobeda migemie n’esôgee éetso ématsikéô wa n’anyô na Moïse. Buedi dôta mbe ageetu, te geetugu.

Mayanzame 21:20

Vamookô ahngô nane, omee ane amakuméda Kumu Nzambé. Na amavovo na Paul mbe: Muana aTétee n’asô, bangôa ôtangôe ôvôni aAjuif amakogani gômeetsahngô Jésus mitémamie. N’ahngô ahsaagana na mige na mitôma mimatsikéô ahngô na Moïse.

Mayanzame 6:14

Tômookô angô amavovo mbe: One eendô mbe Jésus môsi Nazareth, angapanzéda eba aNzambé na angakoa mônongoe ôndé n’asô n’anyô ômatôtsikéô na Moïse.

Galatie 2:1

Vamoota nzima ema n’ema énayi namoomba énika na gô Jérusalem, wa na Barnabas. Nameenda Tite mbe: oka n’asô.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Galatie 6:12

Ane ayanza mamisôba gô nyemo éanguene te ahngô anôtindéga gôégeetu. Angô eenda nane te gôbusugahngô gékuanô sowa aChrist ômawa angô gô gésumuge.

Colosses 2:16

T’ebandô nômbiasinga mbe môma anôétsa ôési gô mige na gô mitôma miambeego gô éne éaa anye na gô éne ényua anye, na gô suetiye ditsôkéa anye, na gô mane meendô gô nyee ôbuéa ngondene amategetege, na gô mane manyee edunda aAjuif.

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.